*

upload_article_image

卓女士上台前想賣資產走唔切 辛先生服務英國而非祖國有原因

巴士的報盧社長早在約翰傻給人篤爆,講大話要辭職,英國卓小姐與印裔先生開始爭當黨魁做首相前夕就講,如果英國保守黨選黨魁做首相,選到印裔先生,英國重有得救,如果俾卓女士選出嚟,英國就死梗喇。而家卓小姐好大機會當選,小強你快啲,將英國所有資產,所有什麼身家,一條毛都要清掉它呀,一毛錢都不要留,趁早兌換港元滙回香港呀。

我聽完心就諗,清你老味嗎,下兩三個星期選,清鬼清馬咩,清股票就可以即時,重要跟市價喎,清房地產,沒有三幾個月,沒可能找到買家喎。想即時不要,叫伊斯蘭國,搵個炸彈炸掉它還可以。如用其他辦法,唯一就是去瑞信,沽空全英國,但是傳聞有投資銀行都不掂,最慘贏咗冇得收,如果輸咗重死,因為銀行債權人,實告我上法庭。再者,我又不夠膽沽空做對賭,唯有擘大對眼等死囉。盧社長把口,真是好就沒有靈,不好就選出嚟,真是選舉到卓小姐,這位美人兒,一上場,就為英國做個假大胸,但是沒有銀両支付手術費。整個大英帝國,所有英國人,包括我哋這些戀英癖投資者,近兩個月,給卓假大胸的舉債減稅方案,拋下地獄,好彩絕大部分保守黨員,知道自己個袋冇銀,不夠膽吃霸王餐,即時謀朝篡卓位,重新再選黨魁做首相。但是近兩個月,英國經濟不安動盪,民情民生民怨,充滿了整個英國社會,大街小巷各社區呀。

- 閱讀更多 -

小強

** 博客文章文責自負,不代表本公司立場 **
Tags:

往下看更多文章