天文台早前預告發出八號熱帶氣旋警告信號的時間會是中午後，引起不少打工仔不滿，認為天文台應提早於早上發出8號信號，令一眾打工仔毋須頻撲上班僅半天又再逼車逼船回家。有網民在網上發文，談及港人渴望放風假的情況，並引起熱議。
不少人亦希望可放風假。
有網民在連登討論區以「其他地方會唔會好似香港咁想放風假」為題發文，好奇外國會否有相關情況。相關帖文引起熱議，有人留言指，「人地收工收4點，返工返10點，有無風假都無所謂啦」、「工時唔同冇得比較」、「日本唔會，因為人哋直情無颱風假」、「美國嗰啲颶風去親都死人冧樓，唔係想放假咁簡單」等。
不少人亦希望可放風假。
有人認為，港人是平日積累不少工作壓力，才會渴望有風假，並指「平時都返到一肚氣，先會貪埋風假呢啲野」、「喺香港，閒日一至五日日OT到晚上9點10點，唔好彩返埋星期六full day，想放個風假情有可原」、「證明生活係香港其實好可悲，試問你平時生活唔使做到隻狗咁嘅，有冇風假又有咩所謂？想要風假都係想有一日用嚟抖下」等。
資料圖片
另有人則以「香港人呢種想打8號風球嘅心態好唔要得」為題發文，認為在八號風球下，社會將無法運作，「唔返工公司點賺錢？公司賺唔到錢點出糧？你冇糧出點生活？」樓主認為，最終將由員工承受惡果，因此不應再抱有想要風假的心態。部分網民認同樓主的看法，並指「大把工8號都要返工啦，有咩問題」。不過，不少人並不認同，並指「講緊打風有危險」、「社會運作緊要定生命重要？」、「停一日半日就影響到將來？」、「咁你咪掛正八號繼續翻工囉無人阻你，但你都唔好阻我收工」等。
不少人亦希望可放風假。
