林敏驄麥美恩私怨引爆忌廉混戰 江美儀靠用腦贏「爭櫈仔」

「開心無敵開口中」由麥美恩同驄哥的私怨變成多人混戰，大家齊齊變成忌廉人！

《開心無敵獎門人》11月13日晚播出一集有「獎門人」曾志偉，帶領「獎老」錢嘉樂、阮兆祥、麥美恩、林穎彤及程浩駿擔任主持。今集嘉賓有「下流上車族」隊的林敏驄、江美儀、郭柏妍、鄧智堅、關曜儁及林景程，以及「法證先鋒V」隊的袁偉豪、洪永城、蔡潔、王敏奕、鄧伊婷、傅嘉莉、林子超、陳嘉慧及許俊豪。

Super～

「下流上車族」隊有林敏驄（左起）、江美儀、郭柏妍、鄧智堅、關曜儁、林景程。

「法證先鋒V」隊有袁偉豪（上排左起）、王敏奕、鄧伊婷、蔡潔、陳嘉慧、傅嘉莉、洪永城，及林子超（下排左）、許俊豪。

是集百厭星驄哥再度光臨，氣氛自然熱鬧。在「開心無敵開口中」中，陳嘉慧「開口中」遭慘驄哥抹忌廉侍候，經歷完無情的忌廉洗禮後，嘉慧展示留在忌廉上的睫毛液，引得全場大笑。玩到興起的驄哥繼續發功，冇啦啦攻擊「獎老」麥美恩，麥美恩不甘示弱即時追向驄哥反擊，最終兩人的私怨變成多人混戰，大家齊齊變成忌廉人！而在「開心無敵落大閘」中，整蠱得人多的驄哥反成攻擊目標，分別被指是「衣冠禽獸」及「執二攤」，認真慘慘豬。

觀看相關影片按連結：https://youtu.be/Hs4LeHcE1Ek

驄哥搞搞震！

陳嘉慧等住食Cream。

陳嘉慧中咗「面目全非Cream」。

留意番隻碟啲Cream，黐住晒睫毛液架。

驄哥同麥美恩嘅私怨演變成混戰。

場面極度混亂。

場面極度混亂。

介紹番，呢位忌廉人係驄哥嚟架。

驄哥全晚表現鬼馬。

美儀姐玩「落大閘」話驄哥係衣冠禽獸。

近期人氣爆燈的美儀姐，亦玩得十分投入。在「開心無敵爭櫈仔」中，美儀姐多次出招撞開人，就連「阿女」郭柏妍都冇情講，被美儀姐的「無情Pat」撞飛，洪永城見狀打算扶起郭柏妍，豈料郭柏妍盡得阿媽蠱惑基因，即時搶走洪永城的櫈仔，非常過癮！由於「爭櫈仔」可以靠「爭贏櫈仔」或是「答啱問題」獲得Foul人權，去到尾段，美儀姐索性放棄爭櫈主攻答問題，最終憑住精靈表現成為大贏家，獎門人更搞笑地頒櫈仔給美儀姐做獎品。

「爭櫈仔」相當刺激。

美儀姐同郭柏妍呢兩母女死攬住張櫈。

落場無母女！

美儀姐無情Par撞飛郭柏妍。

郭柏妍學埋阿媽嘅蠱惑招數，成功搶走洪永城張櫈。

美儀姐後尾決定食花生，以較輕鬆的答問題方式爭勝。

阿女郭柏妍好勝心都幾強喎。

抵美儀姐咁招積嘅，仲獲獎門人頒櫈仔做獎勵添。

抵美儀姐咁招積嘅，仲獲獎門人頒櫈仔做獎勵添。

「辣辣壽桃邊個食」同樣笑料十足，郭柏妍搣開辣辣壽桃後，看見全綠的餡料後忽然天真Tone問道：「綠茶味嚟架？」美儀姐聞言即眼都凸埋：「阿女你冇嘢呀嘛，Wasabi嚟架喎！」濁到標淚的郭柏妍更依偎阿媽求安慰。輪到玩「口不對心」時，王敏奕不出兩秒就輸掉遊戲，身為老爺的獎門人竟反讚：「呢啲好女仔嚟，夠誠實，傻得嚟幾可愛。」但數還數路還路，敏奕最終都難逃食辣辣壽桃命運！

郭柏妍竟然問啲餡係咪綠茶味，咁可愛得唔得架？

王敏奕玩「口不對心」秒輸，反而獲老爺獎門人讚係好女仔。

歷代「獎老」Reunion ！

清談節目《MORAZ天然草本驅蚊靈呈獻：Mayanne小喇叭》由麥美恩（Mayanne）擔任主持，曾展望（GM）擔任助理主持，本周四及五晚10點半翡翠台播映最後兩集。

Super~~

由於蘭茜講嘢相對正經，即刻激發咗嘉樂嘅「口賤」神經。

「大師兄」原來係暗藏特別任務架。

林曉峰初初做第一輯時直認好驚獎門人。

林曉峰笑言首度與獎門人會面時，排場似足電影《無間道》韓琛食飯經典場口。

今晚（18日）一集，兼任《獎門人》現任獎老的Mayanne，邀得四位獎老界前輩林曉峰、錢嘉樂、蘭茜及阮兆祥（按加入年期順序）擔任嘉賓，大談參與《獎門人》拍攝的喜與樂。四人之中，雖然嘉樂被專稱「大師兄」，但原來第一代獎老竟是林曉峰（阿Lo）及陳小春，阿Lo大爆當年嘉樂之所以被「獎門人」曾志偉睇中接小春棒，全因「把口夠賤」；嘉樂憶述當年接到獎門人邀約電話時相當意外，並笑言全靠獎門人自己的口賤才能才得以跳出武師界。談到獎門人當年為何睇中阿Lo，原因竟和張國榮和一條鞋帶有關，阿Lo說：「嗰時拍《金枝玉葉》，有一場戲講張國榮先生上樓梯，我做助手跟住後面，當時佢唔知左腳定右腳甩咗鞋帶。拍完嗰場後我哋放Break，返到嚟個甩嘅鞋帶就調轉咗喺另一隻腳。當時導演嗌完Roll機後，我就嗌『咪住，好似唔連戲喎』，大家咪即刻睇番錄影帶：『係喎』。嗰日原來獎門人都喺現場，佢心諗原來呢條𡃁仔都幾上心，就搵佢嚟做嘢啦。」至於蘭茜擔任獎老的原因，則與玩獎門人遊戲時全情投入「刨西瓜」及「刨粟米」有關。祥仔則暢談當年如何與志偉、洪天明及鄧兆尊夾計，以各人的腳毛及腋窩毛整蠱遲入組的姚樂怡，最後遭樂怡喊打喊殺，十分搞笑。

估唔到一條鞋帶咁細微嘅嘢，都會畀阿Lo留意到，再畀志偉發現到阿Lo細心嘅一面，足證志偉係幾咁積極同樂意提攜後輩。

錢嘉樂透露未做《獎門人》之前，自己其實算是寡言的人。

蘭茜回想當年玩遊戲時係幾咁投入。

嘉樂大嘆遊戲節目幕後唔易做。

麥美恩都好記得當年姚樂怡係點樣被整蠱，仲大嘆「童年被污染」。

阿Lo仲搞笑大談自己如何成為「公司殺手」。

阿Lo同「大師兄」齊齊回味當年一起創作的「嘉賓名字歌」，仲扮番當年獎門人點把關。

阿Lo重演當年點樣馬拉松式開會開到靈魂出竅。

嘉樂講嘢時係咁向上望，當時阿Lo已懷疑獎門人會唔會已經喺現場。

四人還大談當年錄影《獎門人》的「宵夜度橋日常」，當年因為電視台大戰，《獎門人》最高峯一星期連播五晚，阿Lo大方分享了當年的度橋及上班流程日常：「下午三點返嚟開會，一路開到八點五十分。當年我哋就諗咗改歌詞唱啲嘉賓名出嚟，咁每日揸車就要度18隻歌，每個嘉賓要有3隻，返到去獎門人就會坐喺度問邊隻好笑。然後度度度度到食飯，其實係食唔落架喎。有時做到一點鐘左右收廠，但未完架，喺化妝間再開會，開到三點度，跟住就宵夜架喇，然後再搵地方。記得有一次打風，我哋搵到地方時已天光，成六點幾七點。」

阿Lo嘉樂鬥扮獎門人。

阿Lo嘉樂鬥扮獎門人。

獎門人踩場！

全集最驚喜部分，是當眾人輪流模仿獎門人時，頑皮的志偉即手持小喇叭走入廠送驚喜，令當時除掉雙鞋跪地扮緊志偉的嘉樂大嗌驚驚。志偉一到埗即扮作氣沖沖搞笑謂：「幾多人打電話畀我呀，問：『你仲唔落去？佢哋踩到你一文不值呀！』」之後眾人瘋狂互窒，混亂間曾展望竟大叫志偉「Daddy」，隨即惹起哄動，志偉反應極快接招謂：「出得街架咩？你話畀大家聽媽咪係邊個？！」並親解為何被專稱「阿爸」，志偉說：「阿爸負責畀錢（埋單）架嘛，咁咪叫阿爸咯。」蘭茜聞言即指志偉另一外號是「埋單俠」。另志偉又會親解《獎門人》換主題曲之謎，答案更相當有愛，並與小朋友有莫大關係，欲知詳情？密切留意節目。

獎門人嚟咗氣氛即時升溫。

曾展望叫Daddy，嚇到志偉即刻望錶，現場陷入一片喧鬧。