【TVB台慶】「黑白配」造型拖手登場 馬國明湯洛雯大談日本之旅

無綫電視慶祝55周年台慶，匯聚全台台前幕後傾力打造之大型特備節目《萬千星輝賀台慶》於11月19日假電視廣播城隆重舉行，藝人們都盛裝出席，紅地氈上馬國明與女友湯洛雯絕對係「最閃」之選，兩人以「黑白配」造型拖手登場，甜到漏。

兩人以「黑白配」造型拖手登場

甜到漏！

關於服裝，湯洛雯表示並沒有「夾過」，「可能係因為係黑同白，所以俾人感覺係襯過啦！」談到兩人剛從日本旅行返港，湯洛雯表示非常開心，還爆出其實這次是馬國明第一次去日本旅行，所以對於馬國明來說是一次新鮮的經驗，馬國明表示：「整個過程都非常開心，沒有任何煩惱地享受了一個假期」兩人是免隔離之後第一日就去，因此表示「冇乜香港人」，因此旅行又輕鬆又開心。

關於服裝，湯洛雯表示並沒有「夾過」

兩人剛從日本旅行返港，這是馬國明第一次去日本旅遊

關於兩人結婚的問題，兩人是否已經答厭咗？湯洛雯表示：「其實唔緊要，但係有時因為兩人分開回答問題，搞到混亂，也會變咗質，所以到後期就覺得唔應該答咁多啦。」馬國明坦言：「總之，適當的時候我哋會公佈！」表示關於結婚其實不覺得是壓力，是「開心事」，最主要係順其自然。

兩人表示關於結婚其實不覺得是壓力，是「開心事」，最主要係順其自然。

靚湯心痛愛貓！

湯洛雯（靚湯）與馬國明結婚後，雖然二人未生小朋友，不過他們當一對愛貓Tino同Ariel是心肝寶貝一樣，十分疼愛。昨晚（3月19日）靚湯在IG上載其中一隻愛貓打完疫苗後出現異常反應，令她非常擔心，心痛到眼淚狂飆，還提醒大家帶毛孩去打疫苗時，一定要小心觀察打完之後的反應。

湯洛雯與馬國明當兩隻愛貓是心肝寶貝一樣。

愛貓打完疫苗後出異常反應。

靚湯說：「大家帶毛孩去打疫苗時候，一定要小心觀察打完之後嘅反應！今日帶大仔去打疫苗，以前打都冇事最多係攰啲，但係今日返到屋企，見佢一開始少少肚痾，跟住鼻哥好紅，再見到佢眼腫晒，之後呼吸極快，我真係嚇到癲咗即刻帶返佢去診所，打抗敏針同止嘔針，瞓氧氣箱，個心痛到啲眼淚狂飆。」她續指幸好半小時後情況舒緩「依家帶咗返屋企，好攰好攰，係咁瞓覺，都放心返啲醫生話極少數會有咁嘅反應，不過咁啱就係嗰個極少數佢仲話好彩我哋快帶佢去，如果唔係後果都有危險…………大家有冇試過啲咁嘅情況？」

靚湯心痛得狂飆淚！

隨後，靚湯感謝大家的留言，並指愛貓情況已穩定：「多謝大家嘅留言，原來大家都試過有咁嘅情況，真係好恐怖，第時都真係要考慮係咪真係要繼續打，太驚嚇。Update返，見佢睡姿回復正常，應該舒服返好多。」

靚湯叫大家帶毛孩打完疫苗後， 一定要留意牠們情況。

指愛貓情況已穩定。