西雅圖登台獲黃夏蕙撐場 喬寶寶回港搵快錢：唔想問個仔攞錢

雖然喬寶寶依家以湊孫為樂，但一有時間都會搵錢幫補家庭。

52歲土生土長香港人喬寶寶，近年定居蘇格蘭湊孫為樂，趁第二個孫仔下月出世前空檔，日前由英國飛往美國西雅圖登台，更邀得移居美國的黃夏蕙撐場，兩人在台上妙語如珠，仲合唱《愛拼才會贏》，見到熟朋友的夏蕙姨非常開心，風騷地向寶寶表示，下年農曆新年可能會返港上頭炷香。

黃夏蕙由三藩市飛往西雅圖捧場，更上台合唱《愛拼才會贏》。

夏蕙BB對寶寶好有心。

喬寶寶着肌肉衫扮大隻佬訪問夏蕙姨，追問她明年1月會否返港上頭炷香？夏蕙姨笑說：「我梗會返啦，但唔關你事喎，你無權問我，你咪恃大隻打得呀，我同你隻揪咪隻揪。」夏蕙姨又透露移居美國後跟女兒、孫仔、曾孫女家庭樂，她得戚地跟寶寶說：「好過你呀！你又唔帶埋老婆嚟？」喬寶寶口花花玩鬼夏蕙姨：「你都係我前度呀，我知你喺度，專程嚟美國搵你，同你表演唱歌，其實係想見你，因為我好掛住你。」夏蕙BB馬上落閘：「你就想呀你，我唔掛住你，你都娶咗老婆啦，我唔鍾意食咖哩，嫌太辣。」夏蕙BB仲笑住嫌喬寶寶有豬腩肉，唔啱佢。

喬寶寶和黃夏蕙相識超過15年，老友鬼鬼。

黃夏蕙跟喬寶寶係老朋友。

兩人自製搞笑片。

喬寶寶喺西雅圖觀光。

11月27日是李小龍的82歲忌辰，寶寶喺西雅圖期間順道弔唁偶像及其兒子李國豪。

新抱腹大便便，喬寶寶第二個孫仔下月初出世。

喬寶寶一有時間就搵錢幫補家庭。

喬寶寶到西雅圖登台，在三藩市定居的黃夏蕙與女兒Maggie都有去捧場，原來寶寶跟黃夏蕙相識超過15年，感情深厚。黃夏蕙在外地見返老友勁開心，講嘢特別幽默。

女兒Maggie及其男友，陪夏惠BB坐飛機。

夏蕙BB美國旅程開心周圍玩。

夏蕙BB喺美國周圍玩，曾到訪唐人街。

夏蕙BB喺美國搞生日會，難得四代同堂合照。

美國生活有孝順女貼身陪住。

夏蕙BB依然好掛住香港。

喺美國再賀壽。

夏蕙BB靈探傅聲故居見到祥嫂？

由「鬼王」潘紹聰主持的《恐怖熱線》，日前（3月23日）播出第三集，今集請到人稱「夏蕙BB」的黃夏蕙坦言首次到新城廣播做嘉賓，不但在節目中分享3個從未公開的恐怖經歷，更透露今次她留港原來正在籌備電影《夏蕙傳》，還劇透第一幕夏蕙BB就出現在靈堂，死了再重生，目前已在選角中大

黃夏蕙上《恐怖熱線》開咪，大談3大靈異經歷 。

在兩小時的節目中，主持潘紹聰直言今次夏蕙BB會破例分享從未公開的恐怖經歷，而劈頭第一個靈異事件，就來自一次個靈探節目的體驗。夏蕙BB笑言，自己雖然曾經有多次靈探經驗，對鬼屋亦充滿好奇，但每次都好驚，而事發當晚，她在不知情下，被安排到已故武打影星傅聲的故居，而該豪宅其後更由她的好友祥哥祥嫂擁有。

與主持潘紹聰合照。

靈探傅聲故居見到祥嫂？ 好掛住佢想叫佢安息
夏蕙BB直言，當得知是已故好友祥哥祥嫂的故居，而傅聲亦是她的「細侄」，她們兩家更是世交，因此，她心裡有靈感，希望可以見到好朋友，「因為係自己嘅摯愛，祥哥祥嫂係兩個最好嘅朋友，我都希望或者可以見到佢，畢竟都過身咁耐！」

結果，當攝製隊放好祭品後，坐着的夏蕙BB感到「突然有個波從我膊頭飛過」，便即場問在場人士：「你哋睇唔睇到個波？佢哋睇唔到！」後來，當他們在屋內四圍拍攝時，攝影師竟拍攝到一個玻璃窗透出一個人影：「好明顯係女人嚟，好摩登的！」

夏蕙BB在節目中直言，很希望那個人影是祥嫂：「我而家都好掛住佢！」主持潘紹聰就問她，如果真的見到祥嫂，有甚麼跟對方說？夏蕙BB坦言會跟祥嫂說：「希望佢安息，最緊要喺下面過得開心！」

夏蕙BB自爆試過「畀鬼責」足一個月。

親眼目睹白色靈體飛走 好似仙女咁係好姐妹
而第二件令她最歷歷在目的恐怖事件，就是當年人稱「萬能旦后」鄧碧雲的喪禮前夕。當時有做花牌、花籃生意的夏蕙BB，平日只會做喜慶用的花牌，但因為當年鄧碧雲是她的好姐妹，故特意安排殯儀人士，到其位於匡湖居一起造花牌，並逐一為賓客寫輓聯。沒想到，當她深夜外出買宵夜時，突然收到女工們的電話，很驚慌的說：「快啲來，有嘢呀，唔得喇！有隻嘢飛咗來呢度！」

當她趕回家，發現眾人齊齊躲起來，不感亂動，聲稱「靈體飛到樓上去」，但因為大家要趕造花牌，硬着頭皮繼續工作。沒想到過了幾小時，樓上突然傳來聲響，夏蕙BB憶述看到靈體的經過：「好似仙女，白色嘅，睇住佢飛，喺樓上一路飄出去海，離開咗！」但她事後向潘紹聰不太驚，全因相信是好姐妹來探望：「我有諗，應該係佢……係我好姐妹嚟嘅！」

成個月晚晚被鬼壓 由腳壓一路壓上來
而最令人毛骨悚然的，就是夏蕙BB提到年輕時，曾與姐姐和姐夫同住跑馬地山村道一個單位，但持績一個月晚晚被鬼壓，「每晚到特定時間就嚟，由腳一路壓上來，成個人唔郁得！啲工人就被搣到瘀晒，家姐就被打！」事後她們四圍打探，才得知原來該單位原本住着一對夫婦，有天二人去遊車河，在山頂位置發生意外反車，「一個吊喺樹，一個死咗！」她們聞言，立即找來高僧打齋，又安放了神位，每天點香供奉，生活才回復正常。

夏蕙BB渴望見到祥嫂。