葵涌道天后廟土地公神像被扑爛 閉路電視拍下狂徒「行兇」過程

葵涌村一間有逾200年歷史的天后古廟，三個月內兩度遭人惡意破壞神像！21 日近零時，一名身材肥大的男子僅用10秒將神壇放置的土地公、婆神像扑至粉碎，然後駕駛私家車逃去，閉路電視拍下其「行兇」過程，負責管理古廟的村民狠批狂徒如此猖狂，促警方將狂徒盡快繩之於法。

狂徒行近神壇。cctv截圖

狂徒身材肥胖，下巴有鬚。cctv截圖

狂徒在神壇有所動作。cctv截圖

今晨約9時半，姓賴村民返到位於葵涌道的天后古廟時，赫見土地公及土地奶的神像被扑得粉碎，香爐東歪西倒，但旁邊的香油箱安然無損，顯然狂徒乃衝着神像而來，非為金錢，賴報警求助。

相信狂徒開始扑爛神像。cctv截圖

逞兇後離去。cctv截圖

狂徒行返葵涌道取車逃走。cctv截圖

警員到場調查，翻看cctv片段，發現20日深夜11時57分，一部黑色私家車駛至葵涌道停下，未幾一名身材肥胖、下巴留鬚貌似南亞裔男子，緩緩行入天后廟範圍，走到神壇前有所動作大肆破壞，10秒後便施施然離開，相信駕走停在路邊的私家車逃去。

神像被扑爛粉碎。

神像被扑爛粉碎。

村民賴先生對本網表示，古廟曾因留下火舌發生火警，未試過遭破壞，直至今年9月，被人扑爛土地公及土地奶神像的頭部，「上次扑爛頭，諗住小事，費事浪費警力，今次又嚟，打得仲碎，可能係同一個人，呢度冇事發生過，冇人口角過，呢度冇人留守，5點過後就冇人。」

警員調查。

警員到場調查。

他續說：「呢度開晒cctv，開晒燈，都夠膽揸車嚟停喺度扑爛嘢咁猖狂。好奇怪，唔知佢咩心態。」他狠批狂徒「扑到咁！扑到碎晒！你（狂徒）上次扑個（神像）頭都唔怪你吖，買個神像身整過，都要2、3000蚊，今次攪到咁，唔好扑爛佢啦！」他奇怪狂徒多次攪神像，卻沒有毀爛香油箱意圖偷錢，其動機成謎。

警員到場調查。

天后古廟遭刑毀土地公神像。

葵涌村的天后廟，舊稱葵涌芒樹下天后古廟，始創於清朝嘉慶的1796年，由村民集資興建。光緒三年（1877年）因日久失修，由眾多善長籌得「金山洋銀一百餘元」重建。廟宇原本位於海邊的低窪地帶，1960年代，政府把葵涌一帶發展成新市鎮，並進行填海，為此廟宇遷至葵涌道路邊，但仍由下葵涌村鄧氏族人管理，一直香火鼎盛。

早在9月，神像被扑爛頭部。

早在9月，神像被扑爛頭部。受訪者提供

這是三日內兩度有土地公被破壞！19日元朗康樂路一間冰室門口的土地公神位，遭嗌交情侶踢得「稀巴爛」，引起網上熱話，有網民將惡女賤行上網譴責：「人神共憤」、「罪孽深重」，促惡女自首。

神壇原有模樣。

土地公及土地奶神像被扑至粉碎。

港男揭其任職會計師的姐姐，因連續工作68小時，過勞暈倒入院，更疑對方患上思覺失調而做出瘋狂行為。

示意圖片

女會計師連續工作68小時，過勞暈倒送院

該港男於連登討論區以「家姐做會計做到入醫院」為題發文，表示其任職會計師的姐姐因長時間工作，導致嚴重睡眠不足，而過勞暈倒入院「連續工作68小時，一星期夾埋只瞓8個鐘，執定啲衫去公司住三個星期，最後暈咗入左醫院⋯ 喺醫院醒返第一樣嘢係繼續做嘢」。

示意圖片

弟弟爆料姐姐瘋狂行徑

樓主又懷疑姐姐因工作關係，而患上思覺失調，指對方精神失常，經常做出種種瘋狂行為：

「有次佢食飯發現自己食咗七分鐘，佢唔開心到爆喊，因為平時食三至四分鐘就食完，佢覺得浪費咗三分鐘，之後佢就好討厭食嘢而家勁瘦」

「佢而家為左慳時間一日淨係食一餐，其他都係咁食啲有營養嘅嘢，例如豆漿當一餐」

「有次佢腸胃炎，佢直接搬張枱同電腦，去廁所一邊屙屎一邊做嘢」

示意圖片

弟弟警世：唔好做會計

樓主透露姐姐並非在知名的四大會計師事務所（BIG 4）工作，而是在其他公司擔任會計師，但工資並不算高。姐姐入行後期望能夠在幾年後輕鬆一點，但卻因工作量過大，最終令身心健康造成嚴重影響。他又對勸告應屆考生不要入行「奉勸各位DSE生，唔好做會計！」

示意圖片

網民勸：辭工休息吓，再轉行

帖文引熱議，不少網民建議樓主勸姐姐辭職「如果喺真事⋯我覺得叫你家姐辭工休息吓，再轉行」、「我都係咁話，辭職，命仔緊要」、「見過唔少真係死讀書既人﹐比人恰到上心口都只係硬食﹐不過樓主個案太極瑞﹐正常去到呢刻一定辭職」、「佢呢個情況真係要辭職抖下，抖一排再重新出發」、「健康自己manage啦，要訓就要訓，要食就要食，捱壞左冇人可憐」。

示意圖片

帖文來源：連登討論區