連出5劇獲封「新一代劇霸」 丁子朗演「冷面」戀屍天才連環喊驚

不過一話開機，丁丁即刻可以保持番鎮定！

台慶劇《法證先鋒V》11月22日晚重要演員之一丁子朗（丁丁）登場，飾演醫學院學生傅劍成的他，自發調查護老院看護黃茵（曾慧雲飾）及何麗（蘇麗明飾）涉推長者出天台吹風事件，並以巧妙方式協助重案組破案，以免同類虐老事件再次發生。相關虐老個案在互聯網引發不少共鳴，不少網民大感唏噓：「出面係咪好多老人院都係咁？2個姑娘打理20個老人家生活咁癲？」、「其實院舍人手不足問題一直都有」、「唉，老人家真係好慘」、「唔明啲冇愛心嘅人點解要去做照顧長者/幼童嘅工作，做得唔開心仲要虐待佢哋」。

觀看相關影片按連結：https://youtu.be/Imto-KvQzmc

今年年頭在《萬千星輝頒獎典禮2021》上奪得「飛躍進步男藝員」的丁丁，獲獎後繼續來勢洶洶，先後參演了《青春不要臉》、《金宵大廈2》、《美麗戰場》、《下流上車族》及《法證先鋒V》共五套劇集，《青春》及《美麗》中的熱血及渣男角色更成功令觀眾留下深刻印象，有網民笑指丁丁是「新一代劇霸」。

丁子朗於今年年頭與羅天宇同在《萬千星輝頒獎典禮2021》上奪得「飛躍進步男藝員」。

演開陽光男孩的丁丁，在《法證V》再度突破自己飾演自閉陰沉天才男，對製造標本有濃厚興趣。為配合角色，丁丁拍攝時需接觸真實松鼠標本，在其中一條官方花絮片中，對著松鼠標本的丁丁未正式開機前全程表現驚青兼瘋狂喊驚，又不敢直視標本。不過正式埋位後，丁丁即專業地對著松鼠標本認真演戲。問到拍攝感受，丁丁笑指要應付真標本真的很可怕：「我本身真係好驚，但又要做到好鍾意咁，真係好大挑戰！因為縫嗰吓係縫落個標本度，所以真係要克服恐懼。」

丁丁拍攝時要接觸真實松鼠標本，搞到佢好驚驚。

而喺未正式開機拍攝之前，丁丁其實係驚到震。

而喺未正式開機拍攝之前，丁丁其實係驚到震。

而喺未正式開機拍攝之前，丁丁其實係驚到震。

但一話開機拍啫，佢即刻可以保持番鎮定，勁！

丁丁又謂《法證V》角色與其真實性格很大差異：「個角色係一個好冷靜同寡言嘅人，同埋有戀屍癖，同我之前嘅角色好唔似，可以話係入行以嚟最喜歡角色之一。」丁丁又指為了演好角色，事前做了不少功課：「因為同我本人都爭好遠，我要好努力去搣甩某啲習慣，譬如講嘢要唔好望人，同埋睇咗好多參考。」

丁丁今次飾演「冷面」戀屍天才。

佢話同佢真人同埋之前演開嘅角色都好唔同。

談到今年先後有五部劇集出街，丁丁坦言很開心：「因為拍嘅戲全部都係我好鍾意嘅，真係覺得自己非常幸運。我最開心係五個角色都唔一樣，可以呈現到五種唔同嘅人畀觀眾睇，我覺得呢個會係做演員最大嘅喜悅同埋係成就解鎖。」

丁丁捲入護老院虐老案。

唔少網民睇完尋晚嘅個案，都大感唏噓。

唔少網民睇完尋晚嘅個案，都大感唏噓。

《法證V》之後將有兩大新個案「紙盒藏屍案」及「水泥藏屍案」同時展開，除了有好戲之人張國強及楊玉梅加持外，還有兩大「後起小花」—包括在單元中一人分飾兩角的陳曉華，以及近日憑無敵童顏人氣勁升的羅毓儀客串演出。之前憑《鐵探》一個交足戲眼神成功彈出的15歲演員江芷銦，在劇中亦有不少發揮機會，絕對值得留意。

之後兩大個案主角分別有近日人氣勁升嘅羅毓儀。

一人分飾兩角嘅陳曉華。

現年15歲的江芷銦

好戲之人張國強

好戲之人楊玉梅（左一）

丁子朗近日分享了兩張手持電話的宣傳照，惹來外貌再進化疑雲。

26歲的丁子朗於2016年參選港男入行，加入TVB以來一直受力捧，但自他參加《亞洲超星團》以來，一改以往陽光大男孩的形象，妝容及髮色便經常成為網民討論的焦點，雖然日前參加盛勁為與麥明詩的婚禮時，他已染回黑頭髮及不再化濃妝，回復參賽前的模樣，但之後他分享了兩張手持電話的照片，卻令他的外貌再度備受關注。

丁子朗早參加《亞洲超星團》，但造型照一公開，網民已不太接受。

之後再染了金髮。

令他的外表經常成為網民討論的焦點。

丁子朗日前參加盛勁為與麥明詩的婚禮時已染回黑頭髮及不再化濃妝。

回復參賽前的模樣。

丁子朗在IG貼出兩張手持電話的照片，並發文為手機品牌宣傳，相中可見他五官精緻不少，雙眼炯炯有神，而且鼻子更又高又挺，其中一張更見到他的食指又幼又長，疑似P圖過度，相當詭異！

側面認唔出。

手指被P圖P到好長。

不少看過照片的網民都表示認不出是丁子朗，紛紛留言：「點解又唔同咗樣」、「你是誰？ 除咗整咗個鼻。應該仲整其他嘢。而家個側面完全唔識佢」、「我唔討厭丁丁，但希望外貌唔好再進化，再靚仔又如何？都唔係最真嘅你」、「專心工作，唔好再整個樣啦」、「係唔係我錯覺，個樣又進化咗？同出租家人個樣差好遠」、「而家個側面完全唔識佢」、「AI樣嚟嘅？」但也認為丁子朗樣貌改變只是化妝的功效，「點會係整容，最多都係化妝技術超強，唔好睇小化妝嘅威力」。