KellyChu - 已有1.1萬航班升降 三跑終啟用 迎香港復常｜Executive日記

2022年11月26日00:00 最後更新: 18:51

由六年前開始興建，耗資一千四百幾億嘅香港機場第三條跑道終於正式啟用啦，可以畀全球最大型客機A380升降。隨住旅遊逐步復常，Kelly希望愈嚟愈多人可使用到啦。

呢條歷盡挑戰嘅三跑會成為機場「北跑道」，另外兩條跑道則稱為「南跑道」、「中跑道」。

機管局話新跑道自七月起編排航班，畀本地同海外航空業界熟習，運作暢順，已有一萬一千班航班升降，今個月起平均每日有約一百四十班機升降。

其他新項目陸續上馬，配合三跑啟用嘅第二代中央控制中心亦喺六月啟用，座位比上一代增加近一倍有一百六十二個，亦係全球第一個有航空公司參與嘅中央控制中心；上方有巨型顯示屏，可透過電腦系統即時監察機場內情況，包括停機位使用量、航班準點率等。

機管局指第三跑道系統工程仲有其他項目興建中，目標喺二四年全面落成，而客流量逐步回升，相信至二四年能達致疫情前水平。
Kelly Chu

往下看更多文章