批30歲仍住公屋或租樓真失敗 連登仔：買到樓係基本

香港樓價高企，導致港人亦大呻難以上車。不過，有網民則直言「有咩理由去到30幾歲仲未有自己物業？」又批評「30歲人仲住公屋或者仲租緊樓真係好失敗」，隨即引起熱議。

樓主指，「有咩理由去到三十幾歲仲未有自己物業？」資料圖片

該名網民在連登討論區以「30歲人仲住公屋或者仲租緊樓真係好失敗（絕對真心）」為題發文，反問「有咩理由去到三十幾歲仲未有自己物業？」他又指，「廢啲嘅咪搵女朋友/老婆一齊供樓，每個人搵2-3萬，已經有5萬月入可以買舊小小嘅樓」，並指「叻啲嘅屋企人贊助少少首期自己一個供，月入5萬已經可以過到壓力測試，一個人供到」，又指「再叻啲就自己一手包辦晒，有份專業嘅話，自己慳啲洗+適當投資，20歲儲到30幾歲冇可能話冇錢」。他續指，看到社交媒體上的留言，「個個失敗者喺度講到有咁誇得咁誇，講到買樓超難喺度圍爐取暖。平時又洗腳唔抹腳，又要即是行樂，又要冇專業技能」，直言「咁失敗都唔知做人為乜」。他又指，「冇人話買樓係一定成功，買樓係基本，基本都做唔到就一定失敗」。

樓主批評「30歲人仲住公屋或者仲租緊樓真係好失敗」。資料圖片

相關帖文隨即引起熱議，部分人認同樓主的看法，並指「30歲連20k都無你有無諗過你之前嗰30年真係有努力過？」、「真係唔難買」、「識大把肯儲錢兩公婆5萬都買到樓，要求唔高大把選擇」、「真心好多FG(fresh grad) 20k，30歲三萬中好普遍下」等。

樓主指，「買樓係基本，基本都做唔到就一定失敗」。資料圖片

另有網民則認為買樓並非必須，並指「一個人成功由香港嘅樓定義，咁就真係好失敗」、「有錢都移民啦仲買樓」、「租樓唔好咩？得閒轉下環境」、「認真問點解一定要買樓？識啲人流動資產可以full pay買樓但都揀租」、「住公屋不知幾爽，二千幾蚊就搞掂」等。

有人認為，「一個人成功由香港嘅樓定義，咁就真係好失敗」。網頁截圖

有人認為買樓並非必須。網頁截圖

帖文來源：連登討論區

有網民指，「買樓係基本」，又批評「30歲人仲住公屋或者仲租緊樓真係好失敗」。資料圖片

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

（FB圖片）

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

（FB圖片）

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

（FB圖片）

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。

(FB專頁「WWF Hong Kong」圖片）

被評為全球100種最具破壞性的「外星魚」之一

在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。

帖文來源：Facebook群組「大埔 TAI PO」、Facebook專頁「WWF Hong Kong」