近年香港的生育率偏低,而老年人口則持續上升。有30歲的單身港男則發文指,不計劃拍拖結婚,但指想到路邊執垃圾及執紙皮,以及在天橋底睡覺的人很大機會是無兒無女的老人,因此愈想愈感到不安。不過,不少網民卻出於一個原因而勸喻樓主勿生育。
示意圖。設計圖片
該名港男在連登討論區以「唔生小朋友嘅你哋有冇諗過老咗會點」為題發文,指自己已是30歲,現時單身,亦不計劃拍拖結婚。他提到日前看到一個談論劏房的電視節目,並指不少長者亦是一個人居住及「捱貴租」,再想到在路邊執垃圾及紙皮,以及在天橋底睡覺的人很大機會是無兒無女的老人,因此愈想愈感到不安,亦擔心自己的將來亦會與他們一樣,因此詢問其他網民如何自處。
設計圖片
相關帖文隨即引起熱議,不少人並不認同他的想法,又直言「你咁諗真係唔生好啲」、「好心啦,90後仲學埋上一代人啲養兒防老嘅思想」、「今時今日生仔,大個唔洗搵你幫手用你啲錢都偷笑啦。等等又話要你幫手搞首期,到時你有咩冬瓜豆腐你就真係瞓街喇」、「生小朋友係為咗照顧你晚年?咁你都係唔好生」、「一係趁後生努力再賺錢養自己,一係五十幾歲嗰陣自盡冇老年」、「如果你有咁嘅心態真係唔好生,生小朋友唔係為咗自己晚年有人照顧,小朋友最終都會大,有自己生活有自己家庭,唔係要嚟照顧你」等。有人則指,「搞清楚個因果關係先,會瞓天橋底執紙皮,唔係因為唔生小朋友,係因為窮。如果你本身都窮,勉強生小朋友只會窮上加窮」等。
資料圖片
另有人則認為要靠自己在年輕時努力,並指「點解唔諗趁後生搵多啲錢?」、「留定個錢,早小小趁自己仲有自由意識,安排自己入舒適老人院,做埋每月自動轉帳入數畀月費,有無得諗?」、「自己後生嗰時努力賺錢」,亦有人建議「我會搵啲多年老朋友又無小朋友試下一齊住咁,當然夾份請工人解決家務事」、「請工人+養寵物」等。
帖文來源:連登討論區
港男指,路邊執垃圾及執紙皮,以及在天橋底睡覺的人很大機會是無兒無女的老人。資料圖片
食客叫連鎖快餐店外賣驚見「超薄切豬扒」、「紙咁薄西多」,引網民嘲諷「燈影豬扒」、「西多紙」。
食客買外賣驚見「超薄切吉列豬扒」
有食客於Facebook群組「香港茶餐廳及美食關注組」發文,表示日前到某連鎖快餐店買外賣,當打開外賣後盒,驚見其中的吉列豬扒超級薄,更揶揄「薄切吉列豬扒,真係好功夫」。從照片中可見,這塊吉列豬扒真的非常薄身,外層的炸粉比肉更厚,十分誇張。
有食客光顧連鎖快餐店買外賣,驚見「超薄切吉列豬扒」。(FB圖片)
引網民揶揄「燈影豬扒」
照片一出,不少網民批評快餐店離譜「偷工減料好嚴重」、「加價好過降低食物品質,做臭自己個招牌」、「根本用肉片,佢都好意思俾人食」;網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉!」、「爭少少薄過A4紙」。
有網民留言表示亦曾經中伏。(FB圖片)
又係連鎖快餐店出事,食客堂食「西多紙」
其後,又有另一食客於同一Facebook群組分享類似中伏經歷,表示日前到某連鎖快餐堂食,點了雞髀拼西多士,豈料西多士竟然薄如蟬翼,他立刻拿出身上的拉尺一度,件西多竟不足0.5厘米厚,從照片看,根本看不出來是一件西多,樓主苦笑言「好食,皮薄餡靚,大推」。
有另一食客遇上「西多紙」。(FB圖片)
網民笑「人情薄⋯西多仲薄」
帖文同樣引熱議,有網民搞笑表示「西多紙」、「而家牛角包都興壓扁黎食,可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮?」、「可能係春卷皮」、「又有納米吉列豬扒又有納米西多,香港真係飲食天堂」、「人情紙咁薄已經過時,而家興用吉豬或者西多」。
網民分享「超薄叉燒」。(FB圖片)
有人分享「超薄紅腸」。(FB圖片)
帖文來源:Facebook群組「香港茶餐廳及美食關注組」