上周四喺感恩節,前財政司司長曾俊華(John Tsang)喺fb發文晒無鬍鬚的拍拖合照,話每一年嘅感恩節佢特別感恩,原來佢年輕時候去美國讀書,唔想一個人去感恩節晚會,於是向朋友求救,找臨時女伴,最後阿Lynn救急扶危,o依家就係佢嘅太太。

John曾話,記得喺一九六九年,佢入大學嘅第一年,同一個兄弟會Fraternity嘅兄弟一齊住一間屋。個兄弟有一個傳統,喺感恩節當晚舉行晚宴,所有兄弟們都要着正裝靚靚仔仔出席,而第一年入會嘅兄弟,要帶一位女伴,有個比佢早加入嘅「大佬」問使唔使幫手搵女伴,咁John曾覺得冇理由呢啲嘢都要兄弟幫手,決定自己去努力下。

「喺呢個時候,真係單身即地獄,所以轉個頭,我向一位住喺Boston嘅朋友求救,請佢介紹一位partner陪我去晚宴……。佢好唔話得,介紹咗一位朋友陪我。」喺感恩節當日,John第一次見呢位女伴,佢就係阿Lynn,即係依家嘅太太。「Lynn本來係嚟救急扶危,但嗰晚我哋兩個好好傾,發覺大家好多嘢好合拍,咁我打蛇隨棍上,繼續約佢去街。我顯然唔係一個浪漫嘅人,同Lynn一齊去睇嘅第一套戲,係愛情悲劇Romeo & Juliet……但我哋兩個冇悲劇收場,而我哋嘅love story……」眨下眼,兩人攜手走過差不多半個世紀,所以每年感恩節,John都好感激遇上她。
Kelly Chu■無鬍鬚時與太太拍拖時合照。

■無鬍鬚時與太太拍拖時合照。

■無鬍鬚時與太太拍拖時合照。

KellyChu - 晒無鬍鬚拍拖照  曾俊華臨時伴變老婆最堪回憶感恩節|Executive日記

KellyChu - 晒無鬍鬚拍拖照 曾俊華臨時伴變老婆最堪回憶感恩節|Executive日記