再踏舞台心情激動 MIRROR獻唱團歌忍唔住爆喊

Ian和Amy Lo近日結束兩年情，前晚Ian亦大方承認，稱會以朋友身份支持對方：「多謝大家關心，都唔想講太多，唯一想講嘅係Amy係個好好嘅女仔，希望大家畀空間佢，唔好畀咁大壓力佢。」至於會否可惜？Ian坦承覺得可惜，因大家一起經歷了很多：「但大家商量過後，和平地、有共識作出這個決定。」至於日前有份參與MIRROR紅館演唱會的24位舞者再發公開信，Lokman指事件已進入法律程序，故不便回應太多。

同場更有古巨基（基仔）和Edan合唱《飄流教室》，基仔形容事隔三年再受訪，恍如隔世，更透露因Edan透過經理人邀請他，而囝囝亦批准才現身，笑指囝囝好有音樂天份。
MC叱咤五強止步感失望

另外，張天賦（MC）前晚表演新歌《Overkill》，由於練舞時踩爛耳機，故整個表演都要貼着膠紙演出：「我要全程撳住嚟唱，其實好驚。」將於一月舉行演唱會的MC，因檔期問題不會加場，而宣佈開騷後電話不停響，笑言是開心的煩惱，希望日後能開更多騷。此外，MC的助手早前因「𠝹票論」惹來粉絲不滿，MC指事後都有跟對方討論過，會作出改善。至於有指因而未能殺入叱咤我最喜愛男歌手最後五強，他直言：「失望一定有，但冇得怨，經大家投票出嚟，唔係我就唔係我㗎喇！」又相信事件不會影響他與洪嘉豪的感情。