《法證V》演大反派奸到爆 高鈞賢做足準備功夫：唔想為壞而壞

以往形象斯文的高鈞賢今次挑戰飾演大反派，演出令人印象深刻，網友大讚他有型靚仔，更封他為新一代凍齡男神。高鈞賢受訪時透露非常喜愛今次的角色，他說：「呢個角色好好玩，睇到劇本時已經知道有好大發揮空間，雖然今次係演反派，但每個反派背後都係有原因，唔想淨係話為壞而壞，所以成個過程都有同監製好好溝通，之後會有一場感情戲交代得好好。」

高鈞賢今次挑戰演反派，令人印象深刻。

鈞賢續指曾演出《法證II》，當時飾演一名警察，今次則飾高級化驗師，因此花了不少功夫塑造新的感覺給予觀眾，他說：「本身角色唔使戴眼鏡嘅，係我自己要求要戴，想營造到斯文得嚟有啲深藏不露嘅感覺，同埋我都有參考咗好多劇集、電影，希望畀到觀眾專業嘅感覺。」

世熙見到星柏時仲係笑笑口。

湛霆硬食呢個死貓。

世熙奸到出汁，真係就咁Game over？好耐人尋味囉！

其實高鈞賢今年的表現相當不俗，先後有三套劇集出街，包括《飛虎之壯志英雄》、《白色強人II》及《法證先鋒V》，當中他在《白色II》飾演頭部中彈的病人，全程要抽搐著演戲，網友大讚他演技突發猛進，如今於《法證先鋒V》再下一城挑戰高難度飾演大反派，他除了憑張世熙一角於《萬千星輝頒獎典禮2022》提名「最佳男配角」及「最受歡迎電視男角色」外，今年成績亮麗的他更有扮提名「飛躍進步男藝員」。

高鈞賢

至於29、30日晚兩集，將圍繞「拉麵店謀殺案」進行，該單元涉及「妄想症」及「戲中有戲」，劇情反轉再反轉，令人意想不到。而該單元除了有老戲骨杜燕歌加持外，還有黎澤恩、方紹聰（奶仔）、盧峻峯等演出，眾人於劇中有不少發揮機會，絕對值得大家期待，當中奶仔將會扮演一具浮屍，狀甚恐怖。另袁偉豪、蔡思貝亦會以喪屍Look亮相，造型十分搶眼。

杜燕歌大晒演技。

黎澤恩飾演嘅角色患有妄想症。

奶仔個樣勁蠱惑。

盧峻峯喺呢個單元有唔少發揮空間。