黎昭昇有家人來港支持,果然搏殺特別醒神,上周三不止交出頭馬,更首度起孖。看周三出馬四匹全是餐士馬,加上家人繼續入場打氣,黎廄馬必要睇高一綫,其中「小玩家」更是信心之選,一來上仗入位近況出色;二來今朝安排拍跳,阿黎跟出跟入,動態肉緊到痺。 沙田早晨│輝哥欄邊睇「駿馬快車」 「駿馬快車」乃極速上力自購馬,上季第二戰已殺入三甲,今季雖未贏馬,但次次跑近表現唔差,上仗初跑谷草更再次上名,既然搵啱新出路,今戰再來必思進取。而昨朝試跑更充滿搏殺動靜,姚本輝不止睇實出跳過程,之前在機坪圈熱身,他亦走到欄邊睇到實。 立即下載 | 全新《星島頭條》APP : https://bit.ly/3yLrgYZ