李家鼎推介牛雜三大滋味部位 林盛斌大方公開大排檔口袋名單

嘉賓吳浩康（左）和衛詩雅歎盡這間24小時冬菇亭的各式美食。

首周登場的嘉賓主持依次序為：李家鼎（鼎爺）＋江嘉敏＋戴祖儀、林盛斌（Bob）＋吳浩康＋衛詩雅、楊潮凱＋陸浩明（6號）；主題分別是「獨家滋味」、「人情味」、「變遷」。第一集，鼎爺率先走訪經營了80年的中環老字號，該店的新鮮牛雜遠近馳名，除了矜貴極罕的牛沙瓜人人Like外，出名嘴刁的「星級名廚」鼎爺又於節目中私心推介三大「最滋味部位」，更大讚某部位的味道「拍得住外國鵝肝」，真係齋聽都流晒口水！品嚐過香濃嫩滑的滷水牛雜後，鼎爺說：「𡃁仔嗰時踢住拖鞋，食兩毫子魚蛋粉、三毫子雲吞麵嘅味道同回憶返番晒嚟。」並謂比起新興的室內大牌檔，他更鍾情熱辣辣的舊式大牌檔。

鼎爺即場示範昔日如何「踎」大牌檔。

鼎爺走訪經營了80年的中環老字號，一嚐遠近馳名的新鮮牛雜。

吃過香濃嫩滑的滷水牛雜後，鼎爺笑稱「𡃁仔回憶返晒嚟」。

這檔中環老字號的老闆一直堅持用新鮮牛雜。

一家堅守亡父遺業

過去獲Bob「金口」推介過的食肆定必旺場，堪稱「美食達人」的他於12月6日晚一集，將公開私藏的大牌檔「口袋名單」，其中一間是Bob當DJ年代的宵夜飯堂，另一間則是他湊完仔女返學後的早餐蒲點。席間，Bob還介紹了兩店的秘製豬扒麵，當中一款更加了美味的豬潤，他激讚：「有啲人鍾意好大塊、好厚、好滑身嘅豬潤，但我反而鍾意呢啲細細件、咬落去有少少起沙、好重豬潤味嘅。」談到童年經常陪媽咪落大牌檔打躉，兩母子因而跟大牌檔老闆建立深厚感情，Bob直言這種親切感是其他餐廳難以取代的：「去大牌檔就係食人情味同感覺，呢啲係高級餐廳或茶餐廳未必咁易畀到你，食大牌檔可能會好熱，但就係熱熱哋好好Feel。」

Bob當DJ時經常到這間大牌檔食宵夜，他又向大家推介這款豬扒豬潤蛋麵。

睇到都流口水。

節目中，Bob又訪問了經營大牌檔43年的妹姐，講到近年生意也大受疫情、社區重建等因素打擊，但妹姐一家仍努力堅守亡父的遺業，對此Bob也大為感動：「我睇到佢哋對呢一間茶檔嘅鍾愛、齊心，其實呢個就係佢哋嘅家。」另周三12月7日晚，楊潮凱和6號將分別走訪港、九街市熟食中心，並走入廚房學剪牛雜及炮製「小炒王」，未料身為烹飪節目《食平D》系列主持的6號居然炒燶菜，認真失威！

見到檔主妹姐一家努力堅守亡父遺業，Bob也十分感動。