*

upload_article_image

《百萬》演夫妻拍出好感情爆笑互寸 黃德斌眼中只有Jeffrey 娟姐勁呷醋

黃德斌和練美娟(娟姐)繼《大叔的愛》演Boss同秘書後,在新劇《百萬同居計劃》關係升級飾演蕭氏夫婦。娟姐興奮表示終於有個精壯男人做伴侶,又狂讚德斌是理想老公人選,以為德斌會回禮讚番佢,但男方竟然讚兩句就冇貨,更冧爆「新歡」Jeffrey(魏浚笙),搞到娟姐呷晒醋,更多口爆埋兩個男人的特殊過癮關係。最後德斌終於讚娟姐唔似角色咁野蠻,因為睇女方隻狗唔會亂吠就知物似主人形,全場爆笑。
採訪:杜杜
攝影:朱偉彥
服裝:Beauty & Youth and Sculptor from ITHK(娟姐)

《百萬》演夫妻拍出好感情爆笑互寸  黃德斌眼中只有Jeffrey   娟姐勁呷醋

娟姐坦承德斌演老公絕對是夢想成真,「我不嬲同公司講,畀個精壯男人我,點知有日瞓醒就收到呢個劇本,老公係黃德斌喎,嘩!𦧲飯應!」是否代表肥仔唔夠精壯?娟姐就重申:「對於精壯嘅定義大家都有少少不同,呢個真係好壯健嘅男人,又高大,喺佢隔離好似小鳥依人咁。」被娟姐狂讚的德斌反而質疑對方背稿,「呢啲對白仲唔係背嘅,順到咁樣。」娟姐亦老實不客氣,「我等你讚我,畀咗好多空間你。」德斌唯有讚返「哎吔老婆」:「人又靚、心地又好、非常善良,身材大家有目共睹啦!」
娟姐靠角色滿足對老公幻想

- 閱讀更多 -

往下看更多文章