《輕．功》黎耀祥親身上陣「危跳」勁專業　視帝難頂「奪命樓梯」

一班老友為繆妙特製韆鞦為佢圓夢。

十一對住愛妻一臉憐愛。

12月6日晚一集連環大派洋蔥，上回講到十一（黎耀祥飾）聯合老友千方百計為病重的愛妻繆妙（龔慈恩飾）一圓再「飛」夢吊威也，可惜天公不造美兼遭女兒翊嵐（蔣祖曼飾）因安危問題極力阻止，繆妙為此與女兒吵了罕有一架……天性孝順的翊嵐最終想出另類方法幫媽媽圓夢，開着車讓繆妙企出天窗乘風感受「飛」的感覺。惟繆妙回家後病情加重，一直努力保持堅強樂觀的她更忽然扭計，並不捨地對十一說：「我就嚟要飛喇……」明白終歸要接受事實的十一只能忍淚含笑回道：「你仲要等我練埋輕功。」最後繆妙在好友於天台特製的韆鞦上，死在十一懷中，十一則摟著愛妻，沒有呼天搶天，但眼神盡是不捨，畫面催淚，網友留言大讚二人好戲：「視帝好好戲，可以做到忍住喊又唔喊，去拍呢一段」、「龔慈恩真係演得好病」、「呢一段睇到好心噏。」

繆妙最終死喺十一懷中，個樣好滿足……

面對繆妙離去，十一眼神盡是不捨，畫面催淚。

提到這場天台戲，龔姐受訪時直指拍攝順利：「祥哥好好咁畀咗好多交流我，死喺自己最愛嘅人懷中，加上有咁多愛錫，真係好恩惠。」談到劇集探討「生死」和「放下」等問題，龔姐坦言對此有很大感觸：「遇到任何遭遇都好，只要豁達啲去諗，總係會有出路。同埋生命嘅質同量同樣重要，大家要珍惜身邊所有嘢，每個人都應該有自己嘅理想，要努力去追求。」

寶珮如晒英文唸詩。

佢講嘅對白都好發人深省。

韋家雄同埋鄭子誠呢對鬥氣孖寶演得好過癮，呢一場尋雀記既溫情又抵死。

其實12月6日晚劇情安排相當巧妙，其中一點是十一其中一位好友寶螢（寶珮如飾）原來也曾經歷喪偶之痛，雖然事隔多年，但寶螢一直未能放下，以英文詩表達內心痛楚的螢安慰十一之餘，同時也彷彿在安慰自己：「做人好苦，愈記性好就仲苦……呢啲日子過吓過吓Hea吓Hea吓就好啲。」除了連環派洋蔥，劇情卻不失輕鬆搞笑位，眾老友眼見十一表面捉著他們玩個不停，但顯然內心仍然傷痛，尤其家中一對相思雀，更是他與繆妙的愛情象徵，故此當志威（韋家雄飾）驚覺十一家中雀仔消失時甚是慌張，更與世舫（鄭子誠飾）及方芯（王綺琴飾）展開「尋雀記」，過程溫情中見抵死。

12月7日一集，十一危跳嚇死一對仔女同一班老友。

12月7日一集，十一危跳嚇死一對仔女同一班老友。

拍攝前，祥哥好認真咁排練。

拍攝前，祥哥好認真咁排練。

12月7日晚一集十一因某些原因將危站高處，眾好友及子女嚇至半死……為配合劇情，祥哥需要站在山崖邊的欄杆上進行拍攝，無綫娛樂新聞台早前直擊拍攝現場，只見親身上陣的祥哥拍攝前認真地排練，態度專業，祥哥說：「開頭就驚比較危險，劇組都有Book定替身，但嚟到見到覺得還可以，好彩我唔畏高，我接受到嘅。」祥哥透露拍攝當日最辛苦的不是拍危跳鏡頭，而是一班演員需要爬長長的樓梯才能到達拍攝場地：「條樓梯好犀利，我抖咗兩次呀！」蔣祖曼則笑言：「大家連飲嘢都唔夠膽飲，因為唔想行番落去去洗手間。」朱敏瀚則獲讚體力最好，更幫工作人員搬機器上山，認真抵得諗。