與心儀男生視像驚揭對方一習慣 港女：過唔到自己嗰關

有港女在網上發文，指近日認識了一名男生，雙方亦有意作出進一步發展，但指日前在與對方視像通話期間，偶然目睹一件事情，令她直言「唔係幾過到自己嗰關」。

有網民認為「習慣好難改」。網頁截圖

該名港女早前在香港討論區以「30幾歲人仲同媽咪一齊瞓」為題發文，指近日認識了一名男生，雙方亦有意作進一步發展，除了會每日傳短訊及傾電話以外，早前開始更會間中進行視像通話。不過，日前與對方進行視像通話時，偶然目睹一件事情，令樓主直言「唔係幾過到自己嗰關」。她指，對方當日晚上回家後在睡覺前與她進行視像通話，在通話了一段時間後，他便躺在床上，「點知影下影下見到有個女人喺佢隔離瞓緊」，自己頓時感到驚訝，並隨即詢問該名女子的身份。

有人則直言「正常男人一定唔會囉」。網頁截圖

樓主續指，隨後知悉該名女子是他的母親，並發現該名男生雖然已經30多歲，卻仍然與母親在同一張睡床上睡覺。樓主直言，「呢一刻唔知點解我有小小接受唔到，點可能咁大個人仲同媽咪瞓㗎？」樓主又指，隨後有詢問對方「屋企係咪好細冇房」，對方否認並解釋指，只是喜歡與母親一同睡覺，亦是多年以來的習慣。樓主在帖文中又詢問「大家接唔接受到，另一半咁大個仲同媽咪同床?」

有人指，「30歲都仲搵唔到錢要同媽咪一齊住籠屋得張床咩都無先係問題，呢啲男仔送都唔好要啦」。網頁截圖

相關帖文隨即引起熱議，有人直言「咁到時你哋3個人瞓1張床啦」、「習慣好難改」、「痴線，呢個媽寶男唔洗諗，唔好晒時間」、「30幾歲男人仲同阿媽一齊瞓覺?就算係親生阿媽，都唔方便啦下話?」、「正常男人一定唔會囉」等。有人則認為，「30歲仲同媽咪一齊瞓就唔係問題，只係30歲都仲搵唔到錢要同媽咪一齊住籠屋得張床咩都無先係問題，呢啲男仔送都唔好要啦」。

有人則猜測該名女子的真實身份，並認為她其實是該名男子的太太。網頁截圖

同時，有人則猜測該名女子的真實身份，並認為她其實是該名男子的太太，又指「可能係老婆」、「佢被問到情急之下作個理由」、「我都係咁樣估計，我諗冇乜人30幾歲仔仲同阿媽瞓一張床」、「呢個最有可能，唔小心畀樓主見到求其話係阿媽」、「好大機會係啦老婆啦，30幾歲仔同阿媽瞓，佢肯阿媽都未必肯，特別老人家啲老舊風俗」、「你肯定嗰個真係佢阿媽？我就唔係好信呀，我覺得似係老婆多。如果真係同阿媽瞓，我接受唔到」等。

帖文來源：香港討論區

有人直言，「你肯定嗰個真係佢阿媽？我就唔係好信呀，我覺得似係老婆多。如果真係同阿媽瞓，我接受唔到」。網頁截圖

港女與對方視像通話期間偶然目睹一件事情，令她直言「唔係幾過到自己嗰關」。《愛回家之開心速遞》劇照

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」