*

upload_article_image

古天后日誌|港股高位震盪靜待調整機會

12月9日,天晴,早晚清涼,日間天氣乾燥,雖然呢啲天氣一啲都唔似冬天,但係令人舒服嘅。下周美國聯儲局議息,隔晚嘅就業數據顯示勞動力市場未有過熱,就業市場平穩,聯儲局喺咁嘅情況下,無需要大大力加息。喺加息壓力舒緩下,美股終止幾日跌勢回升。道指隔晚升183點;標指仍守3900水平,隔晚終止五連跌,升29點;納指回升123點,保住11000大關。預期下周議息加息0.5%已無懸念,目前10年美債息已回落至3.4%,反映聯儲局放緩加息之餘,甚至已有人預估明年下半年或第四季,美息可能掉頭減返轉頭。市場正關注聯儲局嘅議息聲明,會否開始放鴿,暗示貨幣政策或由緊轉鬆。楓葉國剛議息,雖然一如預期加息,但已開始轉口風,暗示可能暫停加息。

美聯儲局今年博命加息,主要係壓抑急速上升嘅通脹,最近反映通脹嘅數據,反映通脹有機會見頂回落,而今晚將公布PPI,預期對CPI走勢有一定指標。美股後市如何,除咗要留意通脹之外,會否陷入經濟衰退,形成滯脹有重大關係。但從美國嘅經濟反映,美國經濟未有陷入衰退危機,反而喺通脹受控下,經濟可以軟著陸,美股自然死唔去。

- 閱讀更多 -

Tags: