香港逐步復常，大家都在度橋看看有什麼搞作。香港賽馬會公司事務執行總監譚志源出橋，指大灣區有辦大型運動會的豐富經驗，有能力舉辦世界級比賽，在區內建立體育相關的行業。
譚志源稱粵、港、澳各有優勢，可發揮協同作用，舉辦世界級運動大賽。
曾任政制及內地事務局局長的Raymond Tam接受《中國日報》訪問，講到港澳及大灣區其餘9個城市，有「獨特而廣泛」組織大型運動會的經驗。香港於2008年曾協辦在北京舉行的奧運會、主辦七人欖球賽、以及渣打馬拉松 ; 澳門多年來舉辦格蘭披治賽車 ; 廣州也是多項全國比賽舉行的城市，2019年舉行的全國運動大賽已超過150項，所以大灣區有很好的定位，成為國際體育盛事舉行的基地。
唔講唔覺，大灣區城市又真係搞咗好多體育盛事。
2019年2月，內地公布「粵港澳大灣區發展規劃綱要」，提出廣東省、香港及澳門合作發展體育活動及相關行業，組織舉辦地區及國際體育活動。
2025年中國全國運動會將由粵港澳三方合作舉辦，Raymond認為這將是讓三方發揮各自所長，利用各自優勢，同時產生協效應，組辦大型體育盛事的機會，「國家愈來愈重視人民提高生活品質的期望，大型體育盛事可豐富社交生活，及增強國民健康。」此外體育活動可促進經濟增長，提升消費及推廣旅遊業，而粵港澳三方在舉辦運動比賽方面都有豐富經驗，三方未來合作空間很多。
Raymond Tam 拋磚引玉，等大家俾多點意見，睇睇未來大灣區城市能否擦出火花，搞出全新的體育盛事。
Sebastian
** 博客文章文責自負,不代表本公司立場 **
旅發局進一步擴大旅遊義工計劃，準備招募更多對旅遊業有熱情的市民尤其是年輕人，希望佢哋身體力行做好東道主的角色，同旅客分享各種旅遊主題和知識。
Sebastian去聽了這些義工分享的經驗，發覺原來喺旅發局做義工真係唔係「義工」兩個字咁簡單，佢哋的經歷有趣的一面，也有感人之處。
「旅遊義工」Agnes退休前任職跨國公司管理層。
退休前在一家跨國公司做管理層的Agnes，擔任旅遊義工計劃已經有12年的時間，有什麼令佢印象深刻的經歷呢？Agnes分享話，在2018年的時候，遇到一位英國來的老人家，帶住一家大細同一本相簿，想搵返相片中的景色拍照留念。原來呢一位英國老人家係喺香港出生，5歲時跟隨父母返回英國居住。根據呢位老人家的自白，他對香港的記憶全部來自父母影低嘅相。
收到呢個請求之後，Agnes就一心想幫佢完成這個心願，認真幫老人家研究攝影地點喺邊度。結果就發現，除了一個景點外，其餘全部都對得上，Agnes就教老人家如何去現場影返啲相。佢哋影相時甚至擺出了當年老人家父母的甫士。
因為參加義工計劃不是日日返工，每次服務時長僅需大約3個鐘，Agnes隔幾日才會去到尖沙咀旅遊咨詢中心當值。事件過去後，有天返時時，有旅發局同事搵到Agnes，話英國老人家來告別，留底紀念品俾佢。Agnes打開禮物一睇非常感動，原來係老人家的父母當年喺香港影的舊照片。Agnes覺得呢啲係老人家的獨家回憶，不敢收藏，因為承載咗佢對父母的緬懷。後來先知，原來老人家已將舊相數碼化，送俾Agnes嘅係拷貝，現在存放在旅發局。
Agnes話，每當想起這段回憶，自己能夠幫老人家完成心願，好有滿足感。
退休之前喺跨國企業做管理層的Agnes仲笑言話，做義工工作仲有一個好處，就係佢平時返工工作壓力非常之大，做義工反而係佢緊張的工作生涯找到放鬆自己的一種好方法。
由新加坡回流香港發展的Marco，透過參與「旅遊義工」計劃重新認識香港。
Marco做咗6年的義工，佢係土生土長的香港人，但之前去了新加坡定居工作，但仍然覺為香港「做番啲嘢」，於是加入到義工招募計劃，現在從新加坡回流回香港，更希望通過計劃喺香港服務遊客，將香港的旅遊咨詢同旅客分享。
由於曾在新加坡生活，熟番當地人的生活習慣和語這，在做旅遊義工時，可以運用經驗協助遊客，例如，了解新加坡沒有鵝，只有鴨供應，所以明白新加坡遊客到香港品嘗和購買燒鵝是熱門活動，他就一早了解定向遊客介紹。
做旅遊義工，除了要求兩文三語流利，如果識多一種語言，對工作就更有幫助。Marco就笑言，除了三語，他仲識講新加坡式的英文，咁接待新加坡遊客時，佢就有個人優勢，黎到香港玩的新加坡人亦會覺得有親切感。
最新一期的旅遊義工計劃已開始招募，一直去到5月31日截至。今年成功入圍咗呢個計劃的學員，除咗可以學習多項本地旅遊方面的知識，譬如傳統本地文化、購物、綠色旅遊等等，今年仲邀請到星級導師，教大家點樣做好旅遊使者。
各位如果有興趣都可以試下報名參加計劃，為香港旅遊出一分力，亦都係結識世界唔同地區朋友嘅好好機會。
