「黑夜太陽」照耀青山公路 醒目網民出招教投訴5連擊

屯門青山公路一帶出現「黑夜太陽」，有「Oma by the sea」住戶上網求助，尋求解決方法。醒目網友出招，一次過提供5大投訴渠道，並建議「落窗簾」這個最管用的方法。

網民提供多個投訴渠道。網上截圖

搞笑的網友指是蝙蝠俠出場。網上截圖

樓主上載相片時留言「我住喺小欖（Oma by the sea）對面新樓盤，晚晚開住大光燈。。。想集思廣益有咩方法解決。。？唔該晒」

搞笑的網友貼相指是蝙蝠俠出場。網上截圖

網民同情樓主，指「就咁睇張相片都感到好掁眼喎！」。網上截圖

對於這個光掁掁的光污染，網友好奇「咩光可以咁光」，並表達同情，指「就咁睇張相片都感到好掁眼喎！」。除了致電1823外，有網友認真回應，提供多達5個投訴渠道，指「食環投訴環境污染、屋宇投訴結構申請、環保投訴浪費電力、警署投訴滋擾民居。逐個部門分開搵，唔爭在小額告埋佢（你駛錢裝窗簾然後Claim佢）。

有網民指「從風水學上這叫光殺」。網上截圖

網友好奇「咩光可以咁光」。網上截圖

投訴需時，遠水未能救近火，貼心的網友同時提供不少即時解決辦法，「合埋眼」、「眼罩」、「落窗簾」均屬可行之選。另有網友指「從風水學上這叫光殺」，建議「以彼之道還施彼身，用八掛掁反佢」。還有網友獻計「用大鏡照返佢支大燈」、「好簡單，一塊鏡」、「貼反光單面玻璃紙」。更有搞笑的網友貼相指是蝙蝠俠出場，並將樓盤改名「Omg by the light」。

帖文來源：屯門友

樓主抱怨對面新盤光掁掁。網圖

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」