紅館個唱未開售先加場 馮允謙勁興奮即越洋通知父母

Jay開心到大叫驚喜：「Crazy」！

「唱作王子」馮允謙（Jay Fung）將於今年三月首踏紅館，舉行《AXA安盛呈獻 JAYPOP LIVE@COLISEUM  馮允謙演唱會 2023》 ，反應熱烈，未開售已宣布加開一場，即是3月25至27日，一連三場的門票將於1月12日早上10時起，恒生信用卡優先訂票。同時宣布下星期一（1月16日）公開發售，祝各位「追風」（馮允謙歌迷暱稱）撲飛成功！

馮允謙演唱會門票將於1月12日早上10時起，恒生信用卡優先訂票，1月16日公開發售，祝各位「追風」撲飛成功！

Jay在工作中突然接到公司通知加場，開心到大叫驚喜，他說：「好開心，剛剛收到公司嘅好消息，我原定3月25和26日喺紅館舉行嘅演唱會加場呀，係呀，好Crazy！我完全無估到，特別開心、特別興奮，因為仲未公開發售，但反應好好，所以加開27號一場，我依家好興奮又好緊張呀！」

Jay在工作中突然接到公司通知加場，開心到大叫驚喜。

Jay表示：「我依家好興奮又好緊張呀！」

Jay表示最想第一個通知父母，他說：「好想依家即刻話畀媽咪和Daddy知道，不過呢個時間佢哋喺加拿大應該瞓咗，一陣我會通知佢哋，要佢哋到時要留喺香港陪我耐啲！」對於演唱會籌備進度，Jay透露歌單已定了八成，主要都是他的創作作品，還有一些過去音樂會沒有表演過的滄海遺珠。

Jay表示最想第一個通知父母，呢個時間佢哋喺加拿大應該瞓咗。

Jay又透露歌單已定了八成。

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。