AK特別前來撐場！
由三座一台創作社主辦的舞台劇作品《暫時沒有名字》，邀得近期爆紅電影《正義迴廊》主角楊偉倫（阿卵）執導，以及唱作歌手兼舞台劇演員張蔓姿（Gigi）主演，並將於1月13號假壽臣劇院首演，台前幕後於1月12日進行了總綵排。而與劇團友好的Mirror成員AK（江𤒹生）亦特別前來撐場。
舞台劇《暫時沒有名字》舉行總綵排，獲AK現身探班。
AK與劇團成員李煥林自小一同學習各種表演，今次死黨舞台劇擔當主角，AK帶著自家甜品店的蛋糕探班：「如果我唔睇兩場以上，我驚佢（李煥林）嬲呀，所以總綵排都唔放過。」對於演出有何評價，AK則說：「阿卵要處理呢個戲絕不容易，因為要睇嘅唔單止係故事，而係人物角色嘅狀態，要俾觀眾深入淺出去理解呢點一定要有深厚功力。另外我只睇過作為歌手的 Gigi 表演，作為演員嘅佢仍然相當吸引。」問到看到好兄弟能在舞台上當主角，他有沒有技癢，他笑言﹕「我對佢無限支持，不過舞台劇都係我想嘗試嘅表演，要睇睇花姐同公司未來嘅安排。」
AK帶著自家甜品店的蛋糕探班。
《暫時沒有名字》已進入白熱化，過了年尾各大音樂頒獎禮及聖誕活動後，就直接進入踩台階段。《暫時沒有名字》除了阿卵及Gigi外，亦由ViuTV電視劇《野人老師》中飾演Billy Sir的許晉邦編劇，並有「三座一台創作社」的創團三子吳銳民、劉曉樺、李煥林，聯同新晉演員張毓軒主演。此劇將於2023年1月13日至1月15日（星期五至日）假香港藝術中心壽臣劇院上演五場，門票現正於art-mate.net 公開發售。
AK透露有興趣演舞台劇！
《暫時沒有名字》講述三個後生仔小如、阿萊、周仔順應潮流創立網絡 channel，在發佈首條影片的前一晚，小如突然極力阻撓進度，企圖延遲發片日期。三人僵持不下，阿萊和周仔遂想出一個兩全其美的方法，請來比他們更有拍攝經驗的蘇葵（張蔓姿）加入，希望在約定時間前，由蘇葵帶領下重拍另一條影片。這最後的8小時笑料百出、怪事頻生，各人心中秘密將逐漸揭露，究竟他們能否帶著年輕人的笑與淚為作品寫下最適合的「名字」？
《暫時沒有名字》海報
12子坦誠公開自己的戀愛狀況。
現正於美加進行《MIRROR FEEL THE PASSION CONCERT TOUR 2024》巡迴演唱會的MIRROR，繼早前接受FOX電視台訪問外，12子亦接受了CNN主播Julia Chatterley的訪問，而有關訪問於今日（4月18日）香港早上時間在CNN International頻道中播出。
MIRROR接受CNN訪問。
MIRROR在受訪時除了介紹自己的出身，以及曲風等團隊資料外，他們亦回答了連串音樂以外的問題，其中Julia問道：「我唔問Fans唔會原諒我，你哋邊個拍緊拖？」Ian即搶先回應：「我哋有一個就快結婚喇！」12子聽到都拍掌和應，就連Julia聽到都尖叫，然後眾人的目光都放在Stanley身上。Stanley也乖乖的甜笑回答：「我有一段穩定嘅關係，係我入行前已經喺埋一齊。」然後Edan又代Julia問邊個而家單身，除了他自己以外，Jer、AK、Ian、姜濤、Alton、Anson Lo及Jeremy都齊齊舉手，十分坦誠公開自己的戀愛狀況。
大爆戀愛狀況！
其實在巡演之前，MIRROR亦曾接受權威音樂雜誌《Rolling Stone》的訪問，Julia十分睇好MIRROR，所以她特別帶來雜誌讓眾人簽名，同時亦有問及大家能夠登上雜誌的感受，Stanley即表示：「太驚喜了，係好唔真實嘅一件事。」
MIRROR亦分享了工作以外的生活。
除此之外，Julia亦有問到團員之間可有拗撬，Edan就回應道：「講真我哋冇乜拗撬，但有時我哋會有唔同嘅意見，例如嚟緊我哋會出乜嘢歌，跳舞想跳邊種Style，係討論嘅情況比較多。」而Tiger亦表示，他與Jeremy是隊友之間的橋樑，如果真有拗撬，就會充當和事佬，Jeremy亦指二人有時都會採取沉默的方式，以免火上加油。其實MIRROR 12子都有自己一個WhatsApp Group，當被問及誰最少在Group內回應，Stanley即大爆：「Jer！佢成日都唔覆Message。」就連Jer自己都承認，說：「我係會失蹤㗎！」談過戀愛狀況、溝通方式後，MIRROR眾人亦分享了工作以外的生活，其中AK表示：「唔使開工我會全日同隻狗猜柴一齊，玩足一日。」Edan分享道：「我哋有啲亦會打籃球、打機。」Alton亦說：「我會揸車，因為咁樣可以有一個好個人嘅空間。」
姜濤與Anson Lo期望跟Taylor Swift合作。
在推出過〈Rumours〉及最新派台〈Day 0〉兩首單曲後，MIRROR在海外有更多人認識，被問到想跟美國或英國哪位歌手合作，AK即自爆很愛Usher，而且更即場示愛，道：「Usher，希望可以同我哋合作啦！多謝你。」Stanley則揀Bruno Mars，他說：「佢唔單只唱得好，跳舞亦十分出色。」不少隊員如姜濤及Anson Lo都揀Taylor Swift，而Tiger則鍾情Band Sound，並說：「我想同Band合作，例如Bon Jovi，可以同一啲類似嘅Rock Band合作就好了。」
