三場紅館個唱門票火速售罄 馮允謙自爆秘密練兵有驚喜

Jay希望歌迷入場都著得彩色繽紛！

恭喜「唱作王子」馮允謙（JayFung）三月紅館演唱會《AXA安盛呈獻 JAYPOP LIVE@COLISEUM 馮允謙演唱會 2023》，門票於1月16日早上十時公開發售，火速售罄，反應熱烈，Jay非常開心，透露最近秘密練兵，為歌迷帶來新驚喜。同時他亦要求入場觀眾做一件事，一齊為他的首個紅館演唱會創造美好回憶。

馮允謙三場紅館個唱門票火速售罄！

問Jay演唱會籌備進度，他透露最近秘密練兵，「今次我嘅演唱會有秘密武器，雖然唔可以講晒，但可以講其中一項係關於樂器，到時為大家表演。如果做得唔好，唔好笑我呀，我真係放咗好多努力去學，希望入場嘅歌迷享受啦！」

為了今次演唱會，Jay拍了兩款海報，兩款都色彩繽紛。早前曝光吹波糖版本海報，玩味十足。最近一款高舉相機的海報，拍攝過程亦充滿笑聲，為配合拍攝Jay今次雙手穿過紙板，拿著相機雙手高舉過頭，隨意做出由一至十和OK手勢，讓攝影師鏡頭捕捉，雖然雙臂痠軟仍交足戲，非常有趣。Jay說：「我每次開騷都當係一個大派對，就好似今次影咗兩款海報咁多開心，咁多色彩，希望歌迷入場都著得彩色繽紛，抱著開開心心嘅心情嚟睇我表演。」

「唱作王子」馮允謙（Jay）新歌《JAY FUNG儀態訓練學院》MV上架，形象斯文淡定的他，成為歌迷的模範，亦吸引作填人黃偉文注意，成為新歌的創作靈感，就連歌名都加入「JAY FUNG」的名字。

Jay新歌《JAY FUNG儀態訓練學院》MV上架。

觀看相關影片按連結：https://youtu.be/6Dzlev8QH5k?si=j-gwp-Yz_HGCAcWx

拍攝MV現場，導演安排一個高級餐廳的場景，Jay坐在其中一張餐枱前，突然一班瘋狂食客爭相搶食物，椅子都被撞跌，他們衝過Jay身邊時亦幾乎將他扯落地，Jay保持儀態繼續安坐位上，最後他看到一位小男孩沒有跟著去搶食物，於是上前拖著小男孩離開。

MV在一間高級餐廳拍攝，Jay坐在其中一張餐枱前。

一班瘋狂食客突然衝出，爭相搶食物，椅子都被撞跌。

最後Jay見到一位小男孩沒有跟著去搶食物。

便上前拖著小男孩離開。

拍攝順利，Jay坦言埋位前略施小計與小男孩Marcus混熟，他說：「之前拍微電影曾經同小朋友合作過，拍MV就係第一次，其實我都係個大細路，同小朋友做對手戲最緊要係要同佢做朋友，先至有默契。同事準備咗好多零食，雖然我要Keep fit無得食，但我就攞去同小朋友做朋友。」除了零食，Jay哥哥還有溫柔地與小男孩講解劇情和排戲，練習走位，慈父感爆燈。

Jay指同小朋友做對手戲最緊要係要同佢做朋友！

Jay對於自己的名子出現在新歌名裏感到好奇，「歌名好特別，因為有我個名，係Wyman（黃偉文）諗㗎！我都有問點解？可能佢寫呢首歌嘅時候都會諗，點解Jay Fung平時或者出嚟做嘢，畀別人印象情緒比較冷靜，或者對任何事都會好正面或者冷靜。今次音樂班底，有我同June一齊作曲，Carl叔叔（王雙駿）編曲和監製，幾年前同Carl叔叔合作《因愛之罪名》，首歌好特別，我好鍾意。今次再合作，呢首歌比較難唱。唔知點解每次同佢合作都會好爆和挑戰高難度，不過經過佢手嘅歌我都好有信心。」

Jay對自己的名子出現在新歌名都感到好奇。

Jay式字幕

新歌以Jay的好脾氣做題材，但他自爆真實一面，「其實我都有發脾氣嘅時候，但同其他人合作時，會希望保持大家都喺舒服嘅狀態，係一種尊重。無論對方任何行為，我自己嘅行為都要盡量做好嗰一面，唔好理人哋點樣做，做自己，展現尊重嘅態度。」

新歌以Jay的好脾氣做題材，但他自言都有發脾氣的時候。