《東張西望》港男Staycation見被單有「糞跡」 投訴反被酒店員工指控敲詐

天水圍酒店牀單離奇「有屎」？

《東張西望》1月18日報道一宗惡心事件，事主「蔡先生」一家10多人於今年1月中到天水圍的酒店Staycation，竟然驚見牀上出現糞便。事主更搞到「一褲都係」，隨即向酒店作出投訴，怎料職員稱翻看閉路電視見到已換牀單，反質疑是否事主「瀨屎」敲詐，最終事主忍足一晚，第二日退房時再作出投訴，但不得要領。

事主蔡先生一家十多人趁假期去酒店Staycation，怎料遇上極惡心事件。

事主指當日到天水圍的酒店後，就趴在牀上休息，期間聞到有一陣臭味，便在房內尋找臭味來源。

沒想到揭開張被就見到牀上有屎漬，事主已即致電找職員處理。

可見打了多次、十多分鐘仍沒有職員接電話。

事主最終要穿住一條有「屎漬」的褲，到大堂找職員幫忙。

酒店經理聽完事主的轉述就另有睇法。

酒店經理指睇完CCTV，見到房務員早上已拎牀單入房，之後亦有拎回牀單出房。

根據推斷應該已整理過房間。

因此認為責任與酒店無關。

事主無奈反問是否覺得「瀨屎」就是他本人，覺得他用此方法敲詐。

酒店職員坦言不排除可能性。

之後時間酒店一直未有再為事件跟進，或與事主聯絡。

而酒店的態度就令蔡先生感到不滿，因為不會作出道歉。

仲叫蔡先生如果不滿意可以報警。

蔡先生在翌日退房時，曾查詢投訴的方法，但酒店未有提供。

更未有再理會事主就行開。

蔡先生感到難受的事，還因同行小朋友的提問。

因為被小朋友問是否他「瀨屎」，當中的感受難以言喻。

事主坦言希望得到酒店方面道歉，並不是想索取賠償。

事主對每年一次的家庭聚會，就因為酒店的處理手法而被破壞。

網民雖然對事主的遭遇深表同情，但亦留言表示好奇趣：「對唔住，真係笑咗出聲」、「其實佢係咪請唔到人執房」、「人少少係賴（瀨）屎咪認咗佢囉」、「無奇不有！千奇百趣！」等。

《東張西望》向酒店查詢事件，得到回覆。

酒店指已與事主進行溝通，並嚴格執行房間的清潔及消毒工作，對今次的事件會作出嚴謹跟進及處理。

網民就有不少意見。

網民雖然同情事主，但亦覺得好笑。

網民留言。

《東張西望》1月18日晚報道一宗惡心事件。

黎寬怡表示：「如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

TVB節目《東張西望》上周一連數日報道一名有非禮案前科出獄後變身KOL的謝姓男子，在網上藉看貓狗之名，誘騙逾20少女發生性關係並偷拍性交過程及劫財，最年輕的受害人僅13歲。事件曝光後掀起廣泛討論，負責追訪事件的「東張女神」黎寬怡（貓仔）近日就挺身而出，拍片為一眾受害少女平反！

黎寬怡連日追訪風化案KOL事件。

一名有非禮案前科出獄後變身KOL的謝姓男子，在網上藉看貓狗之名，誘騙逾20少女發生性關係並偷拍性交過程及劫財，最年輕的受害人僅13歲。

事件曝光後掀起廣泛討論，，黎寬怡近日拍片為一眾受害少女平反！

黎寬怡在IG分享以「貓仔有話兒」為題的影片，同時親述及撰長文解答觀眾的疑問：「唔知道大家最近有冇睇東張西望？近一連四集出咗一個姓謝嘅男仔，佢用咗唔同嘅方法，誘騙啲女仔上佢屋企，進行性行為。呢一個個案喺網上面引來好多嘅討論，好多人都講緊點解啲女仔會咁傻？隨便就上一個男仔個屋企？咁多受害人，但係佢哋都冇人肯報警？所以呢條片會講返少少關於我同嗰啲女仔接觸過後，得出幾睇法。不過我知道呢條片應該都會引來好多嘅反對聲音。如果你都覺得我講得唔啱講，又或者講得唔係咁好，你都可以掠過我。但係我都好想同大家分享，因為我真係喺當中有啲感動，我想幫啲女仔講啲說話。」

親述及撰長文解答觀眾的疑問。

接着，黎寬怡將觀眾的四大疑問「點解啲女仔好似咁容易就上陌生人嘅屋企？」、「點解好似啲女仔咁容易就同一個男仔發生性行為？」、「咁多受害人，但係佢哋都冇人肯報警？」，以及「點解我哋東張西望會大做呢個case，但係又冇幫啲受害人報警？」逐項列點解釋。

點解啲女仔好似咁容易就上陌生人嘅屋企？

黎寬怡舉出其中兩個案例，「其中一個個案係，因為佢諗住同呢個男仔去做義工，諗住個男仔都係好有愛心，但係因為臨時大病，所以先會臨時甩底。個男仔同個女仔講到自己病得好嚴重，叫佢買藥上佢屋企，所以個女仔就上咗個男仔屋企擺低藥；另外一個個案就係喺網上面識咗好一段時間，都傾咗差唔多成半年。諗住大家真心係真心做好朋友，甚至真係諗住發展男女關係，先會應約佢上咗個男仔屋企。」

Q1. 點解啲女仔好似咁容易就上陌生人嘅屋企？

黎寬怡續指，訪問過的受害人大多在疫情期間發生，「有係嗰段時間拍拖拖嘅朋友，都知道疫情期間出邊，又的確係冇乜太多消遣嘅活動。彷彿上一個人嘅屋企，好似都係好常態嘅事。」而且男方經當強調家中有很多動物要照顧，以及媽媽都在家中，「大家都覺得上一個男仔屋企，佢媽咪又喺度，咁應該都好安全。所以好多女仔都冇乜戒心，就上咗個男仔屋企。」

點解好似啲女仔咁容易就同一個男仔發生性行為？

黎寬怡認為，很多家長平時為工作賺錢養家，因而甚少時間陪子女，令子女感覺缺乏愛和關心；又或者有些家長並非不願抽時間陪子女，而且平日都以責備及責罵的方式育兒，甚少說關心、噓寒問暖的話，所以當眼前突然出現一名對自己事事關心又甜言蜜語的男子，就會令少女們誤以為是「愛」，加上成長過程中可能少見父母之間有戀愛式的互動，令她們與得有身體接觸才是被愛，是甜蜜的事，又或者被灌輸「愛需要付出才可換來」，她們會覺得作出性行為或能換取男方更愛惜自己，「好多女仔唔知道自己身體其實好重要，亦都好寶貴…理所當然咁，就付出咗，去獻比個男仔。」

Q2. 點解好似啲女仔咁容易就同一個男仔發生性行為？

黎寬怡又指，案件中有受害者只得是13、14歲的小女生，拍拖經驗不多，父母及學校亦沒有提供太多戀愛及性教育，「而且可能喺我哋平時睇好多電影裏面，都係講啲男女主角大家有好感，好快就會有啲『性』嘅情景出現咗。係咪大家拍拖其實都會做咁樣嘅行為呢？所以好多女仔就會因為咁樣，而同個男仔發生咗關係。」而且受害人普遍身形比較瘦弱，當面對身形又比較龐大男子，就算嘗試作出反抗，其實有的確幾難走得甩。

咁多受害人，但係佢哋都冇人肯報警？

黎寬怡表示，不少受害人為上過謝先生屋企而感自責，「佢哋覺得點解自己當初咁蠢？點解自己會送上門呢？點解自己唔識保護自己？自責到覺得自己做所有嘢都係錯，覺得自己遭受到咁嘅經歷都係抵死，做咩要報警呢？明明錯嘅就係自己。」而另一個重要的原因是除了在後樓梯被非禮的受害者，大部份受訪的女事主都被偷拍或明拍過性愛片，「試問幾多個有片喺男仔手，佢又點敢輕舉妄動，難道佢就唔擔心個男仔公開啲性愛片？」她相信不少受害人都未有告知身邊親友，所以如果報案可能要承受被更多人知道的風險，為避免被謾罵、嘲笑及再揭開多年瘡疤，才選擇不報案。

Q3. 咁多受害人，但係佢哋都冇人肯報警？

點解我哋東張西望會大做呢個case，但係又冇幫啲受害人報警？

黎寬怡解釋：「因為程序上係需要受害人自行去報警，雖然報案係有佢嘅必要性。第一，姓謝嘅男子需遭到法律嘅制裁，第二，係避免喺呢段時間再添加更多嘅受害者。但係我哋亦都唔能夠去『迫』任何一個受害人去報案。我哋將呢個個案擺上枱面，並唔係幻想希望啲人去網絡欺凌個男仔。因為我哋好想話俾其他唔知情或者以為得自己一個面對緊呢啲情況嘅受害人講：你唔係唯一一個！如果你真係需要幫忙，我哋都會陪你。」

Q4. 點解我哋東張西望會大做呢個case，但係又冇幫啲受害人報警？

最後，黎寬怡向一眾受害少女表示：「過咗去嘅事，的確係冇辦法擦咗去重寫，但係我哋好想話俾你哋聽，你哋係被愛！」並盼望大家不再受威脅、自責，未來要好好愛惜自己，世上的確有不少渣男及壞蛋，但亦有許多好男人存在，「正常嘅戀愛 係唔會逼你去用性愛去維繫！亦都唔會喺『性』方面唔尊重你！例如話：其實都冇鍾意拍片或者影色情相嘅大前提之下，強迫你去做呢件事！健康嘅愛 係唔會委屈自己！亦都唔會傷害到任何人！包括你、包括個男仔、或者包括其他嘅人！」

雖然黎寬怡坦言知道自己勇出說出這些想法必定會遭到批評和攻擊，但面對部份網民的惡意批評，她都忍不住在IG Story反擊，「躲在假帳戶背後攻擊他人，對他人、對自己的生命又有何益處呢？不過我最終都選擇了拍片分享，對於現在收到的負面留言，我絕不後悔。」

黎寬怡坦言知道自己勇出說出這些想法必定會遭到批評和攻擊。

但面對部份網民的惡意批評，她都忍不住反擊。