年初五突襲做自己  炎明熹原來係《愛‧回家》鐵粉

炎明熹：「我會準時八點鐘喺電視面前觀看！」

由林建祥監製的《嘉華國際特約:愛·回家之開心速遞》，逢周一至日晚八點翡翠台播映。務求每集都為觀眾及鐵粉送上驚喜的《愛‧回家》，年初五（1月26日）再送驚喜彈，自出道以來人氣有增無減的《聲夢傳奇》第一季總冠軍「傳奇新星」炎明熹（Gigi）將登場客串演出，據知Gigi在劇中將演回自己，更會引發連串事件，期待值爆燈。

Gigi年初五「登陸」《愛‧回家之開心速遞》，記得準時支持Gigi嘅第一次呀！

Gigi真係做番自己架，到底今次會有咩特別嘅故仔發生喺Gigi身上？

小學已是《愛‧回家》捧場客
對於首度獲邀「登陸」《愛‧回家》，Gigi坦言大感興奮，並直認由小學時開始已是捧場客：「我有追開《愛‧回家》，時間許可，我會準時八點鐘喺電視面前觀看，佢哋嘅內容會令到我睇完之後好開心，佢哋每集又會帶出一啲信息，我覺得好生活化。呢個處境劇我係由細睇到大，小學時係《八時入席》，之後再到後尾有唔同系列。」Gigi又指能與劇中角色真正合作，感覺既榮幸又夢幻：「真係不可思議，冇諗過以前甚至依家睇緊嘅劇，會有機會遇到佢哋（劇中角色），雖然有時喺TVB會遇到大家，但唔會真係話傾偈嗰種。」Gigi續指劇中最尊敬角色是丹爺，並爭取機會與對方合照：「我知佢做咗好耐《愛‧回家》。我好開心可以加入呢個大家庭，因為我見到佢哋好似屋企人咁相處，佢哋會互相叫對方阿爸、家姐或者阿妹，然後佢哋亦都好照顧我。」

Gigi大讚店名同產品名都好創新。

尤其部lift，更係真到Gigi嘖嘖稱奇。

「割愛」送小朋友朱古力勁可愛
另外Gigi還大讚劇中道具相當像真：「我覺得有個好得意嘅地方，我一直以為新威龍廣場係一個真嘅廣場，然後Key個名落去，後來我知道原來係一個廠景，係特登搭出嚟，我覺得好神奇，同埋入面啲產品同店名都好得意，同嗰個𨋢真係好真。」Gigi更透露希望日後能多點拍劇，因為她很喜歡和公司的幕後工作人員相處，皆因很有愛，Gigi說：「我一直好想拍劇，我覺得拍劇好有趣，我好鍾意同工作人員相處，拍劇時真係會經常對到大家，而佢哋真係非常之好，好似屋企人咁，所以我希望儲多啲經驗同能力後再拍劇。」喜歡挑戰自己的Gigi，更笑言沒有特別想做的角色：「因為咩角色都想做。」說話內容充滿童真的Gigi，笑著訴說拍攝當日遇到兩名相當可愛的小朋友，並很高興對方提出合照要求，Gigi當時還拿出兩顆朱古力氹小朋友開心，行徑與小朋友一樣可愛，Gigi興奮地說：「嗰日誤打誤撞帶咗兩粒朱古力，其實原本我係想試吓個味，因為冇食過，最後我就一人一粒畀佢哋食，啱啱好，Yeah！」

Gigi最愛丹爺，自然要嚟番張合照啦！

Gigi炎明熹透露已經揀好歌，但未開始錄音，並希望讓大家見到另一種風格的Gigi。

剛完成三場演唱會的Gigi炎明熹，稍作休息後，於上周六（4月20日）出席由「炎明熹粉絲後援會」舉辦、特別在Gigi生日月進行的捐血及義賣日活動，她說：「今次活動由舊年7月開始籌備，當時我都未知可唔可以出席到，所以今日好開心可以同歌迷一齊做善事，除咗捐血之外，我哋仲有個義賣區，收益扣除成本全數捐贈APF愛培自閉症基金，為來自基層嘅自閉症小朋友提供ABA 治療以及為佢哋嘅家庭提供支援服務。」

Gigi出席由「炎明熹粉絲後援會」舉辦的捐血及義賣日活動。

去年4月「炎明熹粉絲後援會」首次舉辦大型慈善活動，為基督教聯合醫院病童籌款，在Gigi生日月送上不一樣的祝福，到今年的捐血義賣日，除了部份義賣精品一早被歌迷搶購一空，當日亦有接近一百位歌迷報名捐血，每位成功捐血的粉絲可獲贈印有卡通版Gigi的「Gi囡鎖匙扣」，而身為偶像，Gigi亦打算以身作則捐血救人，還笑言唔怕痛，只在小時候試過一次打針打到喊。只可惜Gigi去到捐血現場，閱讀捐血守則時，才發現服用過中藥不能捐血，Gigi即時扁嘴，還用「好失敗」來形容自己，表現得非常失望。

位成功捐血的粉絲可獲贈印有卡通版Gigi的「Gi囡鎖匙扣」。

Gigi亦打算以身作則捐血救人，但到場才發現服用過中藥不能捐血。

提到活動前一晚，與歌迷在社交網站開Live，分享演唱會點滴，Gigi坦言尾場完show一刻，激動得不斷落淚，內心非常不捨，這段時間腦海仍不時浮現演唱會的畫面，她說：「不過當晚都有開心嘅時刻，因為終於可以飲汽水，到第二日，因為爸爸媽媽同細妹要走，陪完佢哋飲茶送佢哋離開，我就返屋企執屋，之後打邊爐，因為做show，我會避免食濃味同刺激嘅食物。另外，嗰晚有歌迷提議我搞busking，以前十三、四歲都試過兩次喺尖沙咀碼頭busking，嗰陣心情好緊張，因為未試過咁多人圍住聽我唱歌，而家都好想再試吓去海旁busking嘅感覺，希望大家可以嚟支持，不過未知幾時會搞。」

與粉絲大合照。

提到演唱會跳唱環節外界一致讚好，Gigi也收到了大家的意見，並預告正籌備一首跳唱歌，滿足樂迷的同時，也是對自己的一個挑戰。Gigi表示：「已經揀咗歌，但未開始錄音，因為仲研究緊點樣可以再做好啲，首歌你會幻想到有一個人、戴住頂帽喺度噠手指好有型，希望首歌可以做到我哋想要嘅效果，或者俾大家見到另一種風格嘅Gigi。」

Gigi預告正籌備一首跳唱歌。

上周六除了是後援會的慈善活動，也是Gigi人生第一隻實體唱片推出的大日子。為響應香港唱片店日，Gigi的第一首派台歌《真話的清高》，被印製成7寸黑膠唱片發售，由於是限量發行，多區的唱片店外出現通宵排隊等唱片店開門的人龍，據知因為每間店舖入貨量有限，在捐血日當天便有歌迷說自己「排第三個都買唔到」，甚至有歌迷在買賣網站出價九千元，求好心人割愛轉讓唱片給他。

沙田CD Warehouse

葵芳CD Warehouse

旺角威威店

鑽石山CD Warehouse

歌迷出價九千元求割愛

對此，Gigi表示：「我知道外間銷情都好緊張，有歌迷凌晨四點已經開始排隊，知道呢個消息感動到起雞皮，好多謝大家嘅支持，自己都唔知有冇辦法可以留到隻碟送俾屋企人，如果真係冇晒貨，我會將我自己手上呢隻碟，送俾佢哋。」

Gigi對粉絲的支持感動到起雞皮。

不單只買碟支持，後援會更於港、九兩大旺區，買下LED廣告屏幕，播放Gigi的全新主打歌《還有一艘救生艙》，地點分別是銅鑼灣港鐵站F1出口，以及尖沙咀加拿分道及金馬倫道交界大廈外牆，而Gigi出席完捐血活動後，親自去到尖沙咀拍照打卡，感謝粉絲對她的支持。

後援會於港、九兩大旺區，買下LED廣告屏幕，播放Gigi的全新主打歌《還有一艘救生艙》。

Gigi出席完捐血活動後，親自去到尖沙咀拍照打卡。