炎明熹亮相《愛回家》獲讚有喜劇感 小演員黃厚仁一人分飾兩角勁好笑

技蘭好得意啊～

《愛．回家之開心速遞》1月26日晚第1,846 集《兩小無猜戀錯咗》再獻新猷，邀來《聲夢傳奇》第一季總冠軍「傳奇新星」炎明熹（Gigi）登場客串演出。雖然Gigi只是輕鬆演回自己，演出片段亦只有數分鐘，但Gigi的傾力演出成功引起高度關注及支持。

Gigi真人同角色一樣表情多多。

劇中Gigi除了以自己別具風格的說話節奏演繹角色外，又發放大量可愛表情包，加上深情演繹個人作品《好想約你》，吸引網民粉絲紛紛留言正評，更有網民封Gigi為「星爺2.0」：「炎明熹講話有自己嘅節奏，好有喜劇感，星爺2.0」、「好鍾意炎明熹講話個tone，佢有自己嘅節奏，有啲年輕時代星爺影子」、「其實Gigi好適合拍喜劇，佢個節奏完全就係天生喜劇人，渾然天成」。更有粉絲指Gigi劇中角色與現實一樣好好禮貌：「Gigi真係做番自己，fans睇完佢表演問佢攞簽名，簽完後又係講『唔該』好好禮貌」。

Gigi

26日晚劇情講述Philip仔（梁禹勤飾）及技蘭（黃厚仁飾）因同為Gigi粉絲，二人因一次商場的追星活動結為好友，由於交往頻密，令大小姐龍力蓮（林淑敏飾）及錢栖（蔣家旻飾）等人懷疑二人拍拖，因而鬧出連串笑話，最終眾人齊齊殺上郵輪，並喜獲與Gigi同枱食飯機會。

觀看相關影片按連結：https://youtu.be/itvuURpZHUs

一人分飾技安及技蘭的黃厚仁可謂「忙個不停」，除了Keep住要轉換於「技安」及「技蘭」兩個不同身份外，在商場追星期間，分飾技蘭的厚仁更要力谷肚腩仔扮演「人肉彈床」，幫助Philip「一躍成名」成功吸引偶像Gigi注意；而這一幕抵死的劇情設計，亦令「技蘭」成功入屋，贏盡焦點：「今集好好笑，技蘭嘅肚腩好圓」、「Philip仔跳技蘭個人肉彈床嗰幕真係笑到肚痛」、「技安一人分飾兩角，幾勁」、「希望技安/技蘭會多啲係宋家出現，今晚個組合好好睇」、「技蘭真的好鬼Q…...睇到就想笑」。

技安

技蘭

原來Philip仔同技蘭都係Gigi粉絲。

為咗追星，技蘭決定獻出「人肉彈床」。

呢個可愛嘅肚腩仔，係谷出嚟架。

睇吓技蘭嘅眼神幾堅定。

Philip仔見到咁情況，先係嚇一跳。

然後梗係搏命咁跳。

技蘭啲眼神好有戲。

呢吓真係幾好笑。

Gigi真實演繹咩叫「眼都凸埋」。

Gigi特有啲說話節奏，獲讚勁有喜感。

呢集追星事件，令到大小姐同錢栖虛驚一場。

技蘭也太可愛了吧。

炎明熹一連三場演唱會圓滿結束！

一連三場《大家樂呈獻：炎明熹Gi-FORCE演唱會2024》，昨晚（4月14日）在九龍灣國際展貿中心舉行尾場，亦是去年十月因颱風關係，而取消的補場場次。是晚獲陳煒與丈夫陳國強、姜皓文、陳山聰與囝囝陳霆軒、李幸倪到場支持。

《炎明熹Gi-FORCE演唱會2024》來到尾場。

陳煒、陳山聰、姜皓文到場支持。

來到第三場，Gigi依然狀態大勇，又唱又跳表現落力，不過這晚的後空翻動作發生了一個小插曲，正當Gigi完成空翻動作落地時，可能用力太猛，最終Gigi被衛衣的帽「兜頭笠」，完全遮擋了視線，只見Gigi先露出既可愛又尷尬的笑容，之後秒速整理衣服繼續又跳又唱，緩解了這個蝦碌場面。

Gigi表演後空翻。

落地時可能用力太猛，最終Gigi被衛衣的帽「兜頭笠」。

除了唱自己的歌，當然少不了Gigi的「自選歌單」，當中有王菲的《守望麥田》、Serrini的《網絡安全隱患》、及陶喆的《流沙》等，Gigi笑指這張歌單由逾200首歌精心挑選，她又說：「大家知唔知呢場係補場呢？想問吓嗰時（取消）大家有冇失望？」台下即大叫「冇」，Gigi笑住讚歌迷思想正面。

Gigi笑指「自選歌單」由逾200首歌精心挑選。

在過去三場演唱會擔任Gigi音樂團隊成員的林智樂（Felix），來到尾場按捺不住，要在台上公開力讚Gigi，除了唱功了得，抗壓能力亦很強悍：「雖然有好多人讚佢，但有時都有啲好尖銳嘅留言，但佢都冇嘢，更重要係由我啱啱識佢到而家，佢個初心都冇變，對每個人都好好。有時記者朋友問我會唔會羨慕Gigi嘅事業，我覺得唔係羨唔羨慕，而係佢真係好值得擁有！」身旁的Gigi即感動表示，很少聽對方如此認真說話，並感謝對方為自己唱足三晚。

接着，Gigi獻唱《星語心願》，唱到最後那句「讓你知道我愛你」，台下即熱情回應「我都好愛你呀」。她表示小時候看電影《星願》，已經很喜歡電影的男主角，Gigi隨後唱出《對面的女孩看過來》，任賢齊（小齊）此時突然現身合唱，讓樂迷大為驚喜，更全場大合唱為演唱會掀起高潮。唱畢，Gigi說：「畀啲掌聲任前輩。」小齊謙虛感謝Gigi畀機會自己做嘉賓：「 因為我成間公司所有同事都好鍾意Gigi。噚日我喺新加坡做完演唱會返嚟，我啲夥計全部唔見晒，個個都嚟睇你，仲要一張飛都冇留畀我！同事們，聽住，聽日返工唔使咁早，好好享受今晚Gigi嘅演唱會。」他又笑謂Gigi與自己的女兒同一年出世，小齊搞笑說：「人多嘅時候叫我小齊哥，唔好叫Uncle呀。」

任賢齊驚喜現身。

小齊謙虛感謝Gigi畀機會自己做嘉賓。

之後，Gigi送上繡有小齊名字的水樽：「我知你5月份開巡迴演唱會，所以我揀咗呢個，識自己煲水嘅水樽，呢個可以直接煲水，非常方便，我都繡咗你個名喺度。」小齊自嘲年輕的時候仍會飲凍飲：「漸漸就用咗暖水壺啦，好多謝你。我真係成間公司都講，佢係未來嘅天后，希望大家都畀多啲機會Gigi。」最後小齊再為樂迷送上《我是一隻魚》，全場跟著和唱。

小齊讚Gigi是未來的天后。

除了嘉賓夠份量，這晚的驚喜同樣一浪接一浪，開騷前大批歌迷要求Gigi唱出MV在YouTube短短4天破百萬點擊的新歌《還有一艘救生艙》，收到大家的訴求後，Gigi特意於補場上送予歌迷，但卻一時感觸唱到喊，幾乎大半首歌要台下歌迷代唱，Gigi說：「我覺得我又代入咗首歌裡面，但唔係愛情，今日係最後一場演唱會，即係今日係最後嘅一次，然後大家要遠離我嘅感覺。點解今晚先揀呢首歌嚟唱？因為我想送呢首歌畀補場嘅大家，但係我真係冇用，成首都唱唔到，要大家幫我，我下次會唱好佢㗎。」台下再次大叫「加油」，為哭成淚人的Gigi打氣。

Gigi特意獻唱新歌《還有一艘救生艙》給予今場補場的歌迷。

感觸落淚。

Encore部份，Gigi特別為尾場的樂迷獻唱《你是你本身的傳奇》，坦言台下每位歌迷都是一個傳奇，一起成就了她的歌手夢，Gigi再一次落淚，對於這個人生第一個演唱會舞台、還有台下的觀眾，充滿不捨之情；唱到演唱會最後一首歌《Only For Me》，Gigi叫大家高舉手機燈和唱，望向這遍燈海，Gigi的淚水再一次滑落，令《大家樂呈獻：炎明熹Gi-FORCE演唱會2024》，在淚水與不捨之情下，感動落幕。

全場大合照。