鏡仔呂爵安Edan生飛滋痛不欲生 零偶包拍低搽藥膏醜態苦中作樂

日前男團MIRROR成員呂爵安（Edan）在社交平台透露自己「生痱滋」，一眾「爵屎」都貼心向偶像提供減輕痛楚方法。之後Edan又上載了一段塗抹痱滋藥膏的片段，發揮諧星本色，苦中作樂。

Edam其中一個人氣大熱嘅原因，係因為冇偶像包袱，鍾意搞笑。

在2021年，因為港版翻拍日劇《大叔的愛》，Edan人氣更加是飆升得好快。

同黃德斌大玩hehe情節，令觀眾覺得好有趣、好有新鮮感，仲要拍出嚟唔突兀令人驚喜。

雖然平時大都係一個才子、靚仔樣，但Edan嘅搞笑功力係公認嘅，諧星角色已經深入民心。

完全沒有偶像包袱的Edan一邊塗抹痱滋藥膏，一邊以誇張神情告訴大家他經歷的痛苦。他為影片命名為「第26屆爵安影片盃青年組冠軍作品」，又搞笑寫下作品caption：「此片段使用高超的拍攝及剪接技術，加上有趣生動的特效和音效，完美表達『痛到往生』究竟有幾痛，生痱滋究竟有幾慘，真是難得一見的佳作。」而評審就是早前的「落機E」及「+85E」。

早前生飛滋痛不欲生，家人竟然食花生建議佢拍低自己啲醜態。

搽飛滋膏嗰時候真係好痛。

Edan透露其實本身沒打算上載片段，因為自己身為偶像，始終對發放醜照有點掙扎，但家人看過他剪輯的影片後覺得十分好笑，所以他最後還是分享出來博君一笑，「與民同樂」：「所以我決定要同大家分享呢份喜悅，要令更加多人笑，就決定報埋全球最top嘅爵安盃。冇諗過…我竟然得咗，喺到，多謝我嘅屋企人，我嘅DOP(攝影指導）妹妹小如豬，多謝我嘅剪接師特效師我的腦，冇你哋，我冇哩個獎，最後亦都要再次多謝2位評審，@落機E 同 @+85E，請大家繼續關心痱滋E童」。

新年希望Edan快啲好返啦。

充滿綜藝感的Edan之後更標籤了「人哋係剪片C」、「我係剪片E」、「痱滋E童」、「應該用咗差唔多2粒鐘搞呢壇嘢」、「好得閒咩你」、「點解我咁無聊」等無厘頭之眼，最後他更特別強調自己真的是偶像來，看來實在是彷彿肉身才用這些方法轉移自己的注意力。

早前去巴黎時裝展，一落機又要搞笑，影張相都要標籤自己係「落機E」。

前陣子前往英國舉行MIRROR巡唱的陳卓賢Ian，趁空檔時間於倫敦拍攝了最新單曲《Thank You Postman》的MV，當中的情節，正是上一首作品《Lost at first sight》的延續。

陳卓賢（Ian）推出新歌《Thank You Postman》。

《Thank You Postman》由Ian作曲，陳詠謙填詞，是二人繼2020年《正式開始》後再一次合作的作品，歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地，但心靈上依然形影不離，連繫一起，並憑藉寫給對方的信件聯繫感情，而郵差為這段感情扮演了重要角色。現在資訊科技發達，Ian現在都不會寫信了，但他回憶道：「我以前有寫過信，但寄就比較少，因為多數親手俾，我唔係一個好擅長用言語去表達自己嘅一個人，所以過去會選擇寫信。」雖然現在機會少了，但問到在英國巡唱時的Ian，若要寄出一封信，他選擇會寄給他的粉絲Hellosss，Ian說：「希望你哋都接收到呢封信，雖然我而家唔喺香港，但都收到你哋對我嘅支持，呢封信係回饋返呢份愛俾你哋。」

相關影片可以按以下畫面觀看：

影片連結：

Ian到英國巡唱趁機拍攝新歌MV。

歌曲延續了《Lost at first sight》的故事發展，講述一對情侶各自追逐自己的夢想或目標而分隔兩地。

因為要到英國開Show，所以Ian出發前忽發奇想，他說：「既然一場嚟到，睇下會唔會安排到少少時間拍到MV一啲片段。今次呢隻歌同MV，係講男仔去咗第二個地方去追佢嘅夢想或者做佢要做嘅嘢，女主角唔係喺同一個地方，各自努力緊自己嘅嘢，其實某程度上大家好多嘢都係同步嘅。」剛好Ian身處英國，扮演女友的許恩怡Natalie在香港，二人各自分開拍攝，香港及倫敦穿插於MV畫面之中，直截了當表達了兩人分隔異地的關係。

Ian身處英國，扮演女友的許恩怡在香港，二人各自分開拍攝，直截了當表達了兩人分隔異地的關係。

由於在英國的行程緊密，Ian當日從香港飛抵倫敦，便立即投入MV拍攝，他坦言都有點吃力，他說：「第一次嚟倫敦，一落機就拍攝，因為Jet lag，都幾辛苦，呢種感覺令我諗返起當日拍攝《正式開始》MV，又係拍完劇就飛通宵機去日本，又係去到機場就即刻開始拍，係好攰，而家喚醒咗當時嘅記憶。」Ian更搞笑道：「唔得喇，好攰！我而家已經想瞓覺。」

難得身處異地，除了拍攝MV外，未知Ian可會在旅程中尋找創作靈感？他說：「又好少去尋找，有陣時係突然有啲嘢出咗嚟，多過主動去尋找。我搭飛機多數唔係好瞓到覺，所以反而係喺飛機上面，我都有寫到一首歌出嚟。」

情歌系列作品第二章。

今年這個音樂系列作品已來到第二章，被問到將會有多少個章節，Ian大賣關子道：「大家要密切留意，即係好似睇一套電影，譬如《哈利波特》，如果一早知道幾多集，就大概知道劇情點樣發展，但我想大家一路追一路期待會好啲。」想知劇情如何發展，大家都要繼續追聽下去了！

Ian欲寫信回饋粉絲愛意。