打公仔做四年保安散工變百萬「富翁」 網民：好多嘢事在人為

有網民在facebook討論區轉載圖片講述儲錢故事，指有人4年無當長工，做保安散工也儲到100萬元，引起網友熱烈估計對方如何積小成多變百萬富翁。

相中見到本月11日做半年定期的銀行單，存款為1000000元，利率5.25厘。網上截圖

相片中見到本月11日做半年定期的銀行單，存款為1000000元，利率5.25厘，7月到期時的利息為26034.24大元。數口精的網民連隨計數，指「4年儲100萬，即一年25萬，一個月2萬」、「30日，佢星期六日做埋，一日搵八舊」、「如果凈儲100萬，每月唔食唔住要儲20833元x48月，咁炒散+保安應該要接近35000元先生活到」、「如果你話你住屋企食屋企，搵25000元一個儲20000元洗5000元，好好恆心儲4年，都好勉強講得通」。

網民指「事在人為」。網上截圖

有人續指「一年儲25萬，當佢係公屋仔好慳洗，一年要搵35萬先圍到皮，一係每日煙駁煙咁返兩份先至有咁嘅可能......但好肯定咁返法一定辛苦過做長工」、「返兩份保安，24小時賺錢」。

網民表示「如果長期開足工，一個月儲兩萬係有可能，最緊要忍到手放棄所有享樂」。網上截圖

有網友仔細計算，「如果佢2000蚊真係一個月嘅都可以，佢儲嘅起碼係15000蚊以上一個月，4000蚊就係家用，當佢住公屋1500蚊租，水電煤全部夾埋700蚊，上網費300蚊，即係2500蚊，跟住行路返工，一日三餐1500蚊咁咪可以1個月儲15000蚊」。

網民認為「做防疫保安是有可能」。網上截圖

再有網民估計其生活細節，「住屋企畀2000元家用包埋佢食，每月基本支出主要咪車費電話上網費呢d，加埋呢幾年疫情根本就無娛樂有咩出奇」，有人則提醒「炒散唔代表係兼職，分別只係工資計日薪，而家好興經中介公司請人，中介公司網絡大，真係可以日日有工開」、「都有可能嘅！同屋企人住，唔駛上繳，唔出街，唔拍拖」、「如果長期開足工，一個月儲兩萬係有可能，最緊要忍到手放棄所有享樂」。因此有網友認為「做防疫保安是有可能」、「好多嘢事在人為，看更好處係仲可以屋企附近做，車錢都慳返」。

錯重點的網友反問「定期有5.25里咁高？」。網上截圖

另有網民卻帶諷刺語氣指，「仲要唔使食、唔使住、唔使搭車、唔使著衫添、4年無病無痛 ，「仲要唔使養老豆老母，過時過節唔使畀錢老豆老母，唔洗交稅，無供保險」。說著，有網民則自爆儲錢大計「我諗過㗎啦，去做夜更保安，朝早再做一份，夜晚再返大堂瞓覺，租都唔洗交。中午去公廁沖涼，朝早果份做飲食嘅，慳多兩餐」。

unsplash圖片

見到如此好景，網民紛「求介紹」，問「邊間公司咁好，我都轉行啦」。不過有人錯重點，反問「依家定期有5.25厘咁高？」。

帖文來源：香港單身狗關注組

做4年保安散工儲到100萬，網民指事在人為。

大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。

（FB圖片）

大埔林村河出現「神秘圓圈群」

有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。

（FB圖片）

網民笑言：外星人來襲

帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。

（FB圖片）

街坊拆解真相：非洲鯽築巢

有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。

非洲鯽魚又稱福壽魚，非香港本地物種

根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。

(FB專頁「WWF Hong Kong」圖片）

被評為全球100種最具破壞性的「外星魚」之一

在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。

帖文來源：Facebook群組「大埔 TAI PO」、Facebook專頁「WWF Hong Kong」