社會事
網上4日再度流傳有人當街便溺相片，可見一名穿迷彩短衫男子，在鰂魚涌港鐵站月台，當着列車大門的乘客小便，令人咋舌。不過經翻查資料，原來有關相片早在2019年拍攝。
有關相片早在2019年已開始流傳。
相中男子蓄短頭髮，穿迷彩短衫及運動褲，向着月台地上撒尿，地板出現一灘淺黃液體，正巧一列車埋站，撒尿男對正車門，在射尿攔路下未見乘客落車。然而早在2019年6月，有關相片已在facebook專頁「吐露講」發表，當時一度引起網民討論。
設計圖片
一名男子在港鐵月台小便。
西多士是不少港人下午茶至愛，加返一杯奶茶，就是最佳的配搭！不過日前有一位女網民在尖沙咀茶檔叫了一份西多士，賣相差到嚇人，她大批似足一件「穿窿底衫」！
正方形西多士 離奇分為兩塊
網民日前在Facebook群組發文，指日前到尖沙咀海防道茶檔叫了一份西多士，只見她貼出的相片中，西多士被炸到變形，而且不是呈現經典的金黃色，疑似是炸的時間太耐而偏啡，而且最離譜的是，一個正方形的西多士，竟被離奇分為了兩塊，其中一塊面頭放上了一個快融的芝士塊。網友寫到「唔知係我孤陋寡聞定係見識少，西多士咁樣上碟」，更標籤了「海防道」及「穿窿底衫」兩行字。
示意圖。《愛回家》劇照
FB圖片
有網民即刻留言問「又係海防道黑街市？呢餐貴過食餐飯？」，事主回應是，而餐茶的價錢竟然是52元。
網友狠批：點解仲可以比客人食
網民見相中的西多士，都紛紛留言狠批「點解仲可以比客人食，現在飲食業已經咁困難，為咗一塊西多士而損失一個客人，值得嗎？」、「呢個換著係我衝入佢廚房，黐線，香港飲食業就係俾XX廚搞衰個朵。」、「真係仲好意思攞比客人食，真係佩服！」、「陳年老油又多油焦，片包仲要爛埋，真係當d客on X先會咁樣比人食」、「唔係見到咁唔退貨呀！」。
網友：斬件上冇收多你兩蚊，你賺咗啦
有網民覺得業界應該檢討下「求其到呢.....d業界無生意又賴呢樣賴果樣，就從未聽過講自己問題」、不過都有網民以搞笑理由安慰事主：「斬件上，冇收多你兩蚊，你賺咗啦」、「你當佢買大送細，心理上就覺得舒服好多了」及「買大送細」。
示意圖。《愛回家》劇照
