曾比特錄歌懶音被郭偉亮執到喊 陳欣茵含情望實︰唔小心透露咗心意

J2(82 台)2月25日晚9 點半播出的《鋪鋪Poker》，由郭偉亮(Eric)、師兄劉浩龍、陳欣茵（Yanyan）、胡美貽（Nicole）同布樂文（JB）主持。今集嘉賓是唱得之人曾比特。

曾比特為擔任《鋪鋪Poker》嘉賓，下載poker手遊惡補。

Eric不單是曾比特歌唱比賽導師，還是對方的伯樂。

師兄話歌手初入錄音室後第一反應是「懷疑人生」。

曾比特參加真人騷歌唱比賽出道，他的爆炸頭髮型，已成為個人標記。一班主持在節目開始時，便急不及待問曾比特這頭髮型的由來，他解釋參加真人騷時，原本跟髮型師要求電一款韓國男仔髮型︰「睇相好型，唔知點解電完出嚟個（髮）圈咁大，就變咗而家咁，成件事超級epic fail。但大家又覺得okay，咁咪繼續留囉。」他笑言現在甚多女仕要求合照，原因是可以令對方的臉，看起來細塊很多。一旁的Eric就話︰「我諗呢世你都要電呢個頭。」Yanyan問到Eric是否收了曾比特做徒弟時，Eric講笑話「冇啲咁嘅徒弟」，接住他解釋只是曾比特參賽時的導師，之後介紹對方入唱片公司。

（左起）JB、Yanyan、Eric、曾比特、師兄及Nicole。

曾比特第一鋪就「扱手煙」，並構成「煙夫佬」。

節目中曾比特講到第一次跟Eric入錄音室，竟變成一場噩夢，他說︰「諗住嗰陣自己唱歌都okay吖，點知錄完出嚟問自己『what am I doing』，呀，唱完出嚟就好down，俾Eric sir係咁執我啲懶音。」Eric解釋唱live同錄音是兩種技巧，他說︰「佢（曾比特）自己諗住應該都唱得唔錯吖，點知錄嘅時候佢好多嘢唔識，教佢嘅時候令佢信心大打折扣，直情返到屋企瞓唔著、喊呀。」師兄以過來人身份話新人第一次入錄音室，都會有懷疑人生感覺︰「好勁咁入去，謝咗出返嚟」。

曾比特初入錄音室被Eric狂執懶音。

Eric話錄音跟唱現場是兩種技巧。

第一鋪牌局開始，就由曾比特勝出，不枉他之前下載同類poker手遊，苦練了兩星期。當時牌局只剩三人，欣茵底牌為「AK」、JB底牌「6Q」，殊不知不動聲色的曾比特底牌為「扱手煙」（一對A）。最後枱面開出6 6 7 Q A ，JB的「6夫佬」仍不敵曾比特的「煙夫佬」。去到中段Eric忽然問起曾比特揀女朋友的要求，但答案未夠具體，未能令Eric滿意。他接住追擊曾比特，要在Nicole同Yanyan之間，二選一做女朋友，搞到曾比特一臉尷尬，到底爆炸頭曾比特會點揀？今晚《鋪鋪Poker》話你知。

Eric要曾比特在Yanyan同Nicole之間揀一位做女朋友。

其實節目入面見到Yanyan經常有意無意望住曾比特，更在各人面對大讚對方︰「嗰時佢啱啱出道去赤柱，聽過佢嘅live，第一次聽佢唱歌，覺得聽耳機同喇叭係完全埋沒佢嘅才能，因為佢把聲現場聽係勁有穿透力，係好震撼到人心。」她接受訪問時表示不是有心望過去，至於有圖有真相，她笑說︰「又真係幾含情默默嘅，可能唔小心透露咗對佢欣賞嘅心意出嚟。」Yanyan澄清有關曾比特赤柱唱live的讚賞。完全是發自內心並非跟稿讀。

Yanyan聽過曾比特live讚不絕口。

Yanyan經常有意無意望向曾比特。

首集嘉賓曾比特，肥仔照黑材料曝光，更揭爆炸頭由來以及展示久未亮相器官！

J2（82台）一直致力炮製不同類型綜藝節目，務求一新觀眾耳目。1月22日起又有新搞作，逢周一至周五晚九點半，推出14集自家製旗艦綜藝節目《不如食豪D》，由陸浩明（6號）、名廚楊尚友（Christian）主持，每集請來不同嘉賓、名人，根據他們最難忘、最有故事的菜式為基礎，配以高級食材將小食豪華煮，進入華麗的味覺回憶。

陸浩明、楊尚友主持的《今晚食豪D》22日首播。

一連14集的節目嘉實陣容鼎盛，出場序為曾比特、泳兒、譚玉瑛、堪輿學家皓云師傅、馮盈盈、陳葦璇、林迪安、林沚羿父女、Gin Lee、糖妹及導演火火。節目會與他們以食材為切入點，從那些年沒有能力購買食材的辛酸，談到背後的回憶，分享被食物感動過的故事。藉楊尚友（Christian）高超烹調技術，配以名貴食材，打造超豪的「回憶之味」跟嘉賓及觀眾分享。

泳兒

譚玉瑛

堪輿學家皓云師傅

馮盈盈

陳葦璇

林迪安、林沚羿父女

Gin Lee

Gin Lee

導演火火

22日起一連兩集打頭陣登場的嘉賓是歌星曾比特，爆炸頭已成為他的標記。談到最難忘回憶，是跟已故父親吃快餐的滋味，他感性表示︰「爸爸成日帶我周圍食，一餐都係十幾蚊食街邊嘢、快餐店食炸雞翼已好開心，我哋好close。」Christian特意為他預備了法國布雷斯雞、黑松露、白松露及龍眼蜜作食材，配襯街頭小食，創製出「胸松撈」（黑松露烤雞扒撈即食麵）、「雞粉腸」（烤雞串配腸粉）、「白蜜仔」（白松露龍眼蜜雞蛋仔）3個Mix & Match菜式。

首集亮相嘉賓曾比特。

節目開始前先同曾比特來個快問快答遊戲熱身。

楊尚友以街頭小食配上名貴食材，煮出兒時回憶。

首兩集的名貴食材，計有法國布雷斯雞、黑松露及白松露。

首兩集的名貴食材，計有法國布雷斯雞、黑松露及白松露。

.首兩集的名貴食材，計有法國布雷斯雞、黑松露及白松露。

布雷斯燒雞串配腸粉。

布雷斯烤雞配黑松露撈丁麵。

楊尚友一邊煮，曾比特一邊歎現場的貓屎咖啡及魚子醬。他提到入行前為食經歷︰「嗰時喺一間炸雞店（已結業）打工，一盤炸雞有8件，我就炸夠9件，偷食一件。又試過同事炸咗一盤雞，明明夠兩枱客食，點知賣咗一枱之後，返嚟啲炸雞唔見晒，因為畀我食晒。」他又自爆最貴一餐食了足足7,000元，但不方便透露同枱對象是誰，他懶神秘說︰「講咗會畀公司鬧。」

《今晚食豪D》提供的小食飲品有貓屎咖啡、魚子醬。

曾比特初嚐魚子醬即驚為天人。

23日曾比特繼續爆料，講到中三初戀故事，對象是唱歌認識的女生，曾比特竟然話︰「初吻咪喺班主任房……」嚇到6號一臉驚愕忍不住反問︰「你講堅？喺班主任間房kiss？」自知玩大了的曾比特慌忙澄清︰「It is impossible，應該係女仔屋企樓下，好開心好直接。」節目中曾比特揭當年燙爆炸頭的由來，是誤打誤撞。當年參加歌唱比賽，心目中原本想燙一款韓星小髦髮型，卻變成爆炸頭，反而成了自己的商標。同場曾比特應導演要求，展示久未露面的雙耳。節目尾聲他被揭「黑材料」，6號展示一張曾比特入行前的肥仔相，望落竟然跟身旁楊尚友有幾分相似，想知更多曾比特秘聞，密切留意節目播映。

曾比特食大餐時，被陸浩明追問初戀故事。

曾比特戲言初吻在班主任房發生，睇6號表情就知有多震撼。

曾比特連忙澄清並無其事。

曾比特展示耳仔。

曾比特未出道時的照片。

曾比特未出道時照片，驟眼跟楊尚友有幾分相似。