外傭放假留字條叫僱主自己做返家務 網友爆笑：好有霸氣！

打工仔教老闆點做嘢？這位外傭真係膽色過人！

近日網上流傳一系列照片，有外傭放假前寫下溫馨提示小紙條，更將紙條貼在廚房以及洗手間各處，提醒僱主要自行清洗碗碟和扔垃圾，用完廁紙要記得更換，不要將這些事留給她回來做。又指她要參加派對故會很晚回來，亦希望回到家裏一切都是乾淨整潔的。

網上圖片

網上圖片

帖文引起熱議，有網民直言字條語氣像命令僱主，「妹仔大過主人婆喎」，亦有人笑言「底線互試進行中」、「差在未叫妳掃埋個地」。其後有網民留言分享一張疑似涉事外傭僱主的回覆字條，表面上感謝外傭教會他們獨立，以及明白到我們可以自行處理事情。最後稱現已不需要她的服務，「 We don’t need your service anymore！」

網上圖片

帖文引起網民爆笑，有人笑說外傭「好有霸氣，厲害厲害」、「真係型到一個點！」。亦有網民直言外傭十分大膽，竟命令僱主做事、「好似阿媽臨出街吩咐仔女要乖嘅口吻」，但也有人認為難以接受，「炒，unacceptable（不能接受）」。

也有網民認為事出必有因，猜測僱主可能每逢外傭放假都不做家務，令家裏堆積未洗的碗碟和垃圾，有人則猜「我覺得係個僱主同姐姐關係好，個姐姐先會咁寫」。有網民表示接受外傭的做法，「其實工人放假，唔做都冇所謂，我都會體諒，講真，如果自己放假，老細叫你返去執手尾，你都唔制啦！」。

資料圖片

不過有網民憑字跡猜測字條全出自同一外傭之手，認為事件純屬自娛，「自編自導啦，手字好明顯都係姐姐字」、「個回應明明自己扮埋阿mum，自得其樂」。

食客叫連鎖快餐店外賣驚見「超薄切豬扒」、「紙咁薄西多」，引網民嘲諷「燈影豬扒」、「西多紙」。

食客買外賣驚見「超薄切吉列豬扒」

有食客於Facebook群組「香港茶餐廳及美食關注組」發文，表示日前到某連鎖快餐店買外賣，當打開外賣後盒，驚見其中的吉列豬扒超級薄，更揶揄「薄切吉列豬扒，真係好功夫」。從照片中可見，這塊吉列豬扒真的非常薄身，外層的炸粉比肉更厚，十分誇張。

有食客光顧連鎖快餐店買外賣，驚見「超薄切吉列豬扒」。（FB圖片）

引網民揶揄「燈影豬扒」

照片一出，不少網民批評快餐店離譜「偷工減料好嚴重」、「加價好過降低食物品質，做臭自己個招牌」、「根本用肉片，佢都好意思俾人食」；網民更紛紛嘲諷「傳說中嘅燈影豬扒」、「豬肉乾厚過佢」、「係吉列火腿」、「炸紙皮箱」、「俾鍾意食脆漿嘅人食」、「要利潤厚啲都要練刀法㗎」、「以後可以話人情豬扒咁薄」、「吉列皮厚過肉！」、「爭少少薄過A4紙」。

有網民留言表示亦曾經中伏。（FB圖片）

又係連鎖快餐店出事，食客堂食「西多紙」

其後，又有另一食客於同一Facebook群組分享類似中伏經歷，表示日前到某連鎖快餐堂食，點了雞髀拼西多士，豈料西多士竟然薄如蟬翼，他立刻拿出身上的拉尺一度，件西多竟不足0.5厘米厚，從照片看，根本看不出來是一件西多，樓主苦笑言「好食，皮薄餡靚，大推」。

有另一食客遇上「西多紙」。（FB圖片）

網民笑「人情薄⋯西多仲薄」

帖文同樣引熱議，有網民搞笑表示「西多紙」、「而家牛角包都興壓扁黎食，可能佢跟潮流啫」、「師兄腐皮嚟㗎喎⋯」、「我以為係餐紙嚟」、「人情薄⋯西多仲薄」、「炸雲吞皮？」、「可能係春卷皮」、「又有納米吉列豬扒又有納米西多，香港真係飲食天堂」、「人情紙咁薄已經過時，而家興用吉豬或者西多」。

網民分享「超薄叉燒」。（FB圖片）

有人分享「超薄紅腸」。（FB圖片）

帖文來源：Facebook群組「香港茶餐廳及美食關注組」