好彩司機醒目
的士奇遇，真人真事。有司機在FB群組發貼，分享近日遇到的奇葩乘客。當日凌晨時分，一對男女於銅鑼灣上車，要求先往天后再到鰂魚涌。男乘客於天后落車，付100元車資予司機，指車費約為60元，剩下的可當小費，同時交代司機要照顧女乘客，確保她的安全「睇住佢入大廈」。
網上圖片
怎料到女乘客落車時，卻要求司機將剩餘的40元找回！的士司機不肯，女乘客竟報警，並質疑司機濫收車資。
《降魔的》劇照
警員到場後勸兩人大事化小，並警告司機不能多收車費。司機解釋：「係男乘客畀錢我，個女乘客從來冇畀錢。如果你要我退嘅話，你就叫返個男乘客出嚟，我親手畀返佢。」警員隨即向女乘客稱：「小姐啲錢唔係（屬於）你、又唔係你畀㗎喎，你冇付出過」，認為她無權要求司機找續。
《降魔的》劇照
女乘客疑惱羞成怒，當場直斥司機「小心啲」，沒料再遭警員訓斥，警告她要小心說話，否則或有機會構成恐嚇。
帖文引來不少的士司機同行熱議，有人批評女子斤斤計較，「幾廿蚊都貪」、「大人大姐，好意思出聲，唔係自己畀錢，連呢啲辛苦錢都想食埋司機嗰份」、「見有錢找就起貪念，為咗四十蚊輸個人格！」
網上圖片
亦有人大讚涉事司機，「司機醒目，男人畀錢，如要畀返錢都親手畀個男人」、「叫佢兜多兩個圈先返去囉，或者坐到夠$100先落車」、「其實係咪一單還一單，喺嗰女話要報警嗰陣時先停咗個錶出返張單畀佢，了結咗呢件事再報警。重新落旗，因為你阻住我開工，如果警察認為我有罪可以拉我，否則麻煩你再畀埋呢程車錢。」
大埔林村河驚現「神秘圓圈群」，幾十個巨型圓形坑洞不規則排列在河底，網民解釋是「牠」搞鬼。
（FB圖片）
大埔林村河出現「神秘圓圈群」
有街坊於Facebook群組「大埔 TAI PO」發文兼上載照片，驚訝指於林村河中出現「神秘圓圈」，從照片可見，幾十個巨型圓形坑洞從河底延伸至河面，有些甚至伸出河面之上，它們大小不一，不規則的排列，至少延伸數十米長，部分圓圈內還有魚在游動。如此異象令樓主嘖嘖稱奇「林村河唔知發生咩事，好多個圈圈，水深嘅地方都見到，同埋上游好污糟，會唔會有外星人到訪此地」。
（FB圖片）
網民笑言：外星人來襲
帖文引熱議，有網民搞笑表示「我講你知其實係林村河嘅麥田圈圈」、「我果日踩單車經過，見到有幾個灰色既人仔，細細粒咁企左喺河到唔知搞乜，佢地望住我，我嚇到走左，原來真係外星人」、「係呀，外星人捉魚食」、「林村河生雞眼啊」、「超音鼠跌咗落水」、「有放過異形蛋呀」、「奇異博士泥左」。
（FB圖片）
街坊拆解真相：非洲鯽築巢
有知情的街坊則表示「年年都係咁㗎」、「吳郭魚/福壽魚(非洲鰂)魚巢」、「應該是非洲鰂築巢」、「鰂魚的巢來，在林村河下游潮退常見。而呢種鰂魚適應能力好強，所以你見到啲水污糟佢哋都係生存到，同外星人無關」。
非洲鯽魚又稱福壽魚，非香港本地物種
根據世界自然基金會的Facebook專頁，非洲鯽魚，俗稱福壽魚，為市場上常見的魚類品種之一。由於其適應力強，即使處於輕微至中度污染的水域中仍能生存，且其肉質鮮美，因此被廣泛飼養供人食用。雖然福壽魚非香港本地物種，但由於管理不善，有些人故意或無意間將其放入淡水或半鹹淡水中，導致其與當地原生魚爭奪食物。
(FB專頁「WWF Hong Kong」圖片）
被評為全球100種最具破壞性的「外星魚」之一
在其他地區，人們已經發現福壽魚是導致當地原生魚類數量減少的主要原因之一，進一步減少了棲息地的生物多樣性。它被評為全球100種最具破壞性的「外星魚」之一。因此，世界自然基金會早在《海鮮選擇指引》中將鯽魚列為紅色警告的「避免食用」類別。
帖文來源：Facebook群組「大埔 TAI PO」、Facebook專頁「WWF Hong Kong」
