民主派47人參與「35+」初選，涉嫌爭取立法會過半否決財案被控，16人否認串謀顛覆國家政權罪。區諾軒24日午於西九龍法院盤問下重提2019年立法會審理修訂逃犯條例，「民主派全力阻止，嗰陣時出咗一個叫鬧雙胞委員會」，區諾軒主動解釋「立法會議員都係向市民問責，會用唔同方法去爭取市民所希望嘅，無論投贊成定反對、認真審議定拉布，都係佢哋向市民問責方式。」
西九龍法院。資料圖片
大律師陳世傑重提新界東協調會議中，鄒家成反對「會積極運用」字眼時曾發言指否決權由《基本法》賦予，區指「我冇辦法憶述更加多，不過講否決權時，必然講《基本法》權力」。陳世傑再問鄒當時是否稱「一係投，一係唔投」？區認為與自己所憶述的說法有出入，「當時佢質疑戴耀廷句子係『點解用積極唔係用會』」。
西九龍法院。資料圖片
陳世傑又問泛民以往是否曾投票否決財案，區同意，李官插口指投票否決與投票反對意思不同，民主派曾投票反對但無力否決，陳世傑回應這正是何桂藍代表大律師Trevor Beel 曾提出的說法。李官解釋「35+」計劃就是在創造立會過半局面，以致有能力否決財案。
大律師陳世傑。 資料圖片
陳世傑之後再提到立法會審議修訂逃犯條例，區重申自己反對逃犯條例，2019年宣佈撤回修例前，修訂逃犯條例曾首讀後進入法案委員會，但未曾二讀或表決，「我哋喺法案委員會不斷提出質疑，喺法案委員會入面一路一片混亂」。區續指「（委員會主持）石禮謙一路好想入來，我哋民主派全力阻止，嗰陣時出咗一個叫鬧雙胞委員會⋯⋯」
陳世傑問及立法會議員有拖延權？區同意「呢個都係立法會議員可以用嘅權力」，李官追問下區同意《基本法》沒有所謂拖延權，故李官釐清只是拖延戰術。區主動解釋「立法會議員都係向市民問責，會用唔同方法去爭取市民所希望嘅，無論投贊成定反對、認真審議定拉布，都係佢哋向市民問責方式，市民唔滿意下一屆選走佢哋」。
區諾軒今(24日)在庭上重提2019年立法會審理修訂逃犯條例。 資料圖片
