Skip to Content Facebook Feature Image

男乘客不滿九巴飄「榴槤味」迫停車報警連累全車 涉事車長親解畫

社會事

男乘客不滿九巴飄「榴槤味」迫停車報警連累全車 涉事車長親解畫
社會事

社會事

男乘客不滿九巴飄「榴槤味」迫停車報警連累全車 涉事車長親解畫

2024年05月19日 11:30 最後更新:13:20

男乘客不滿有人帶榴槤上巴士「搞到架車成陣味」,要求車長及停車報警,連累全車乘客下車轉車,車長親解畫。

示意圖片

示意圖片

男子投訴有人帶榴槤搭巴士要求停車報警

有網民於Facebook群組「屯門公路塞車關注組」發文,表示日前乘搭九巴58M線前往屯門時,目睹一名男乘客從轉車站上車後不久,因聞到車廂內有榴槤味,而向車長投訴「車內有人帶榴槤上車,搞到架車成陣味」,男乘客更要求停車並報警處理。

男乘客(白衣者)不滿有人帶榴槤上巴士「搞到架車成陣味」,竟要求車長停車報警。(FB圖片)

男乘客(白衣者)不滿有人帶榴槤上巴士「搞到架車成陣味」,竟要求車長停車報警。(FB圖片)

連累全車乘客下車轉車 最終未有報警

最終,車長唯有安排所有乘客下車,再轉乘另一輛巴士離開。而經交涉後,男乘客決定放棄報警。

樓主嬲爆表示「好心你啦,人地帶個榴槤雖然係有味,但人地包到實一實,又無整污糟架車,車長都話呢度唔係新加坡,公司無規例話禁止帶榴槤上巴士」。他又不忿男乘客連累全車人「當時繁忙放工時間,架車都就返到屯門,就係因為要滿足你呢位嗅覺大帝,阻住成車放工客返屋企,你咁頂唔順咪坐其他位,上樓上坐囉,係要為難車長同乘客,你好唔好意思呀?」

Getty圖片

Getty圖片

疑車長親自解畫

帖文曝光後,有自稱是當事車長的網民現身說法「首先同咁多位乘客講對唔住先喇。呢位乘客係屯公塞車時鬧小弟,身為一個車長,你有冇搞錯呀,你點解俾個客帶榴槤上車呀,咁臭。咁小弟呢,就帶住口罩,打開左隻窗,同埋該名乘客並非帶原隻榴槤,係斬件個隻,根本就睇唔到。好啦,我處理嘅時候,佢話要報警,我唯有過客,準備打電話時,佢鬧我做咩唔截住當事人,鬧我唔係一個稱職嘅車長,我都認,我好少處理呢啲事情,但係人都走咗,成部車都吉佢,我問佢,滿意未?最後佢話唔報喇,完。多謝呢位先生,遲咗收工,啱啱先返到屋企食飯」。

疑似車長又表示「呢班車嘅乘客大多數都好平靜,係帶榴槤果位乘客差啲同佢打架,大多都係怕會打起上嚟,唯有立即轉車避免發生打鬥」。

疑似涉事車長現身說法。(FB截圖)

疑似涉事車長現身說法。(FB截圖)

網民支持車長怒批男乘客

不少網民表示支持車長「車長,不用自責,你已處理得好好」、「唔洗道歉,要道歉都係嗰條茂利道,你都唔想遇到白卡人」;有網民亦指責男乘客「收工時間阻x住哂,正x街黎」、「轉車站再過到屯門唔使10分鐘姐。使唔使呀?」、「要同全車攬炒先開心。覺得自己係正義英雄?」、「呢種人真係好乞人憎,癲少陣啦,阻住人放工返屋企」、「其實如果真係頂唔順,咪落車等下一班囉,搞到全車人要陪佢玩」。

帖文來源:Facebook群組「屯門公路塞車關注組」

往下看更多文章

西灣河現「𠝹褲黨」? 港男牛仔褲後褲袋遭𠝹爛都「feel唔到」

2024年07月20日 12:30 最後更新:13:17

港男於西灣河遇「𠝹褲黨」,牛仔褲的後袋被完全𠝹爛仍懵然不知,事後表示「連我都feel唔到」。

FB圖片

FB圖片

港男太安樓附近午膳遇「𠝹褲賊」

該港男於在Facebook「筲箕灣西灣河關注組」發文,稱自己日前到西鐵河太安樓附近午膳時,發現牛仔褲左邊後袋被割破,懷疑遇到𠝹刀扒手。幸好,他袋中僅有一個環保袋,並無錢財損失。事主相信扒手利用刀片𠝹了多下才能將牛仔褲袋割破,但他卻懵然不知「連我都feel唔到」、「想了很久,真係想唔起」,估計對方是手法純熟的慣犯,提醒「大家真係要好好保管財物」。

從事主上載的照片可見,牛仔褲左邊後袋被完全𠝹爛,露出放在袋中的環保袋。他表示「如果佢連環保袋都偷,我寧願送比佢,都唔好鎅爛左我條褲。」

FB圖片

FB圖片

事主表示不會報警

帖文引熱議,不少網民建議事主報警處理,但他表示不會報警「如果即刻發現報警先有用,知道邊個位置落手」、「如果想起就直接報警,就唔係群組提提大家好好保管財物的」。不過,網民認為「你只需講今日係太安樓食飯,之後就發覺被人𠝹褲袋」、「你報咗警警察就會加強留意」、「呢家周街CCTV,戴帽戴口罩都認到,肯做點會搵唔到」。

示意圖

示意圖

網民分享類似經歷

亦有人分享類似經歷「試過買咗個新荷包,第二日係西灣河街市就俾人打咗,報警警察叫我係周邊垃圾筒,搵下話啲白粉佬拎咗錢就會掉咗個荷包」、「我老豆都試過搭小巴俾人𠝹patpat 偷銀包,𠝹到咁上下我老豆feel到即刻鬧佢,佢叫落車,下個站走左佬」、「處處都有賊,我哥上月在北角比人拉開背囊拉鍊,好彩發覺得快」、「我都俾人界過,但係得一條界痕,佢似磨咗你好耐喎」。

GETTY圖片

GETTY圖片

帖文來源:Facebook「筲箕灣西灣河關注組

你 或 有 興 趣 的 文 章