Skip to Content Facebook Feature Image

巴士阿叔開大手機喇叭睇片 車長勸阻「咁回應」乘客無奈:吹脹

社會事

巴士阿叔開大手機喇叭睇片 車長勸阻「咁回應」乘客無奈:吹脹
社會事

社會事

巴士阿叔開大手機喇叭睇片 車長勸阻「咁回應」乘客無奈:吹脹

2024年06月16日 12:30 最後更新:15:17

一名阿叔於巴士開大喇叭看影片,乘客好言相勸不果,甚至播放「喃嘸阿彌陀佛」反擊,但阿叔仍無動於衷。最終車長介入,阿叔的回應卻令乘客表示「吹脹」。

示意圖。設計圖片

示意圖。設計圖片

巴士阿叔開大喇叭睇片滋擾乘客

該乘客於facebook群組「馬鞍山之友 2.0」發文,表示日前乘搭680巴士返馬鞍山時,遇到一名沒有公德心的阿叔「上車一坐低已經開喇叭睇片」,樓主感到非常滋擾,試圖用眼神「睥佢」示意他注意音量,但對方毫無反應。樓主於是開口提醒他,但依然被無視「問佢係咪聾嘅又唔冇反應」。

乘客播「喃嘸阿彌陀佛」反擊

無奈之下,樓主決定坐近對方,開大手機播放「喃嘸阿彌陀佛」以示反擊,但對方仍然不為所動。更令人無語的是,他在看影片期間「吐咗啲嘢落手,再掉咗落地下」,非常嘔心,樓主於是再度出聲指責,這次阿叔終於有反應「吓」了一聲。確認對方並非聽障人士,樓主又問「咁大個人有冇公德?」惟阿叔繼續無視樓主。

車長出面調解 阿叔表示「我聽不懂」

樓主難忍其缺德行為,遂向車長投訴,車長上前調停,阿叔先是「吓」了兩聲,然後用普通話表示「我聽不懂」。令樓主無奈又氣憤「吹脹,但我相信佢其實一直知我不滿佢嘅行為,因為我行去搵司機前到返埋位佢都有望下我,司機講完走咗佢都望我,然後收返埋個電話」。樓主更上載阿叔的照片公審「有冇邊個係呢個阿叔嘅家屬,教下佢搭巴士嘅禮儀同公德吖唔該」。

網民鬧「廢老!」

帖文引熱議,不少網民對樓主的遭遇表示感同身受,並紛紛指責阿叔的自私行為「呢種人好討厭~收左工想休息下都吾得~只能祝福佢」、「可惜得你一個女仔,呢啲廢老唔太怕女仔」、「呢啲死廢老,持老賣老,x佢都唔理你,活在自己自私世界裡面」、「宜家好多呢d廢老,不過多數睇匪語片」、「搭地鐵都遇過唔少,真係好黑人憎。佢哋完全唔會覺得自己打擾到人咁」、「以前都會開聲同個啲人講。依家慳返啖氣自己帶耳機聽歌算」、「唉,有許多廢佬都 我行我素 ,自我中心, 唔會顧及其他人的感受,冇得救,遇到啲咁嘅人真係唔好彩」。

(FB截圖)

(FB截圖)

(FB截圖)

(FB截圖)

帖文來源:facebook群組「馬鞍山之友 2.0

往下看更多文章

國泰地勤粗爆掟行李落梯影片瘋傳 網友斥離譜:咩篋都爛!

2024年07月19日 12:30 最後更新:14:40

網絡最近瘋傳一條影片,片中有名國泰航空的員工,站在樓梯上將乘客的行李篋一個個扔下樓梯,處理方式令人側目,網民傻眼,質疑「咁掟法,咩篋都爛」!

FB影片截圖

FB影片截圖

站在樓梯上層遂件行李掟落來

影片中一名身穿反光背心的機場地勤人員,站在樓梯的上層位置,將寄艙行李一件件扔進泊在樓梯下層的行李運載籠到,只見行李篋被扔出後一件件翻滾下樓梯,然後堆疊在行李運載籠裏。

FB影片截圖

FB影片截圖

網友批評:咁掟法,咩篋都爛

影片隨即引來網民的批評,有人斥責此名地勤人員做法離譜,「咁掟法,咩篋都爛」、「我都試過寄行李時個篋完好無缺,到取回個篋時就爆晒4個轆」、「所以永遠買行李篋唔使買咁貴,掉爛都冇咁心痛」、「咁樣搞法!政府用幾多錢宣傳香港旅遊都死啦!遊客行李咁樣被虐待,遊客點會來啦?」。

FB影片截圖

FB影片截圖

另有網友笑言見慣不怪

亦有網民認為此現像並不出奇,「如果無其他裝置,唔通上落幾次拎咩?會工傷嗰喎」、「我一直覺得掉篋好正常,我唔知係唔係度度都係咁,但如果係我做,我都會掉」、「大驚小怪」。不過有網民就認為不合理,反問「時間緊迫就可咁做?」、「我見過日本地勤人員對待乘客行李好似自己行李一樣,自己想像下就明」。

FB影片截圖

FB影片截圖

涉事員工已停職等待調查結果

事後國泰航空向傳媒表示涉事的員工已被調離相關崗位,等待進一步的調查結果,而國泰並就此事向乘客道歉。

你 或 有 興 趣 的 文 章