Skip to Content Facebook Feature Image

陰陽眼「鬼后」關寶慧18歲開始靈體纏身 「封眼」無效 最近一次被50年代打扮男人咬手臂

娛圈事

娛圈事

娛圈事

陰陽眼「鬼后」關寶慧18歲開始靈體纏身 「封眼」無效 最近一次被50年代打扮男人咬手臂

2024年06月18日 19:30 最後更新:06月19日 14:47

關寶慧俾鬼咬!

「鬼后」關寶慧(Emily)日前 (6月8日) 接受潘紹聰主持的新城《恐怖熱線》訪問,天生有陰陽眼的Emily經常遇到靈異事件,她透露首次遇見靈體,是18歲那年在泰國曼谷某酒店發生,嚇得她三魂不見七魄。

關寶慧接受潘紹聰新城《恐怖熱線》訪問。

關寶慧接受潘紹聰新城《恐怖熱線》訪問。

Emily透露當晚三個女生一間房,本來相約好另外兩位友人睡前玩一會兒撲克,開始前Emily先上廁所,數分鐘出來後,發現兩位友人經已熟睡,她於是上床準備就寢,「我一瞓落床就郁唔到,眼尾見到隔離床頭有個着白色袍嘅女人,坐咗喺我朋友枕頭旁邊,真係勁驚,我全程都郁唔到,過咗至少10分鐘先郁得番。」

由於經常看到靈體,Emily既害怕又煩厭,於是找來師傅「封眼」,可惜數年後偕友人到卡啦OK消遣,又再次看到靈體,今次更與玄學家司徒法正齊齊目擊,「嗰間卡拉OK房我已經去過好多次,突然間喺飛鏢位有個頭飛出嚟,師傅都見到,係一個好老嘅阿伯,好瘦、好猙獰。」

關寶慧18歲靈體纏身「封眼」無效。

關寶慧18歲靈體纏身「封眼」無效。

好多恐怖經歷!

好多恐怖經歷!

近年活躍於舞台劇的Emily,演出期間亦發生過怪事,「有日我喺化粧間化粧,喺頭頂突然有叠溪錢跌落我個頭,現場所有人呆咗,好恐怖,後尾佢哋安慰我係道具,但點解化粧間會有溪錢道具喺到?」

訪問去到中途,司徒法正接受潘紹聰電話訪問,他憶述某年和Emily到曼谷拍攝節目時遇到的靈異事件,「Emily原本住尾房,我間房就對正電梯,後尾佢同我調咗房,第二朝起身我張床多咗8個枕頭,第二晚瞓瞓吓就喺我旁邊跳,跳足幾晚,我係師傅,又唔能夠換房。」而Emily雖然換了房,但也未能避免,「我用門咭開門時,突然右手邊有團綠色光,見到一個同我一模一樣嘅人,嚇到我腳都軟。」

Emily的靈異事件愈講愈多!

Emily的靈異事件愈講愈多!


另一單出埠發生的怪事則在馬來西亞,當時Emily住在海俊傑隔離房,凌晨時份洗澡時,突然聽到一把清晰的男人歌聲,但聽不明對方的語言,「我衝出去用酒店房電話打過去搵海俊傑,佢好遲先接電話,問佢係咪唱緊歌?佢話瞓緊覺,我即刻收線九秒九衝上床,一上床就聽到男男女女幾廿種方言,嘈到好似街市咁,之後念經、講晒粗口都唔掂,搞到我四點幾,但我五點就要起身開工。」

Emily的靈異事件愈講愈多,其中一單更發生在她香閨,「我依家間屋住咗十幾年,一直都冇嘢,半年前一晚我痛醒咗,有嘢咬我手臂,係一個50年代打扮嘅男人,梳住個飛機頭,着白恤衫西褲,我見到佢咬我左邊手臂,成件事好似發夢,但又好真實,後尾我問個相熟師傅,佢話係我以前啲冤親債主,唔抵得我今世唔使做,所以咬我,但其實我只係懶,唔係唔使做,太誤會我喇!」

詳細精彩內容,請重溫6月8日,晚上11時至凌晨1時正,新城知訊台《恐怖熱線》節目 ,重溫網址:https://www.metroradio.com.hk/MetroInfo/

往下看更多文章

唐浩嘉分享任職護士時醫院怪事 聞到病人將離世氣味

2024年07月12日 21:00 最後更新:07月13日 11:01

唐浩嘉透露彌留病人的身上會有一種特別味道。

新城廣播《恐怖熱線》主持潘紹聰日前邀請歌手唐浩嘉(Kiko)上節目分享靈異經歷,入行前曾任職護士的Kiko亦有「唐姑娘」之稱,她分享多單在醫院工作時一些鮮為人知的事,「半夜開工其實幾驚,我哋會擺較剪同釘書機呢類金屬利器,向住門口鎮住,用嚟擺陣擋煞。」

歌手唐浩嘉(Kiko)上節目分享在醫院工作時的靈異經歷。

歌手唐浩嘉(Kiko)上節目分享在醫院工作時的靈異經歷。


Kiko做護士接觸不少生老病死個案,她透露彌留病人的身上會有一種特別味道,「以前做私家看護,我會喺重症病人身上聞到啲奇怪氣味,感覺到佢就嚟走,過咗兩日佢真係走咗,正常人身上係唔會聞到呢陣味。」醫院的怪事數之不盡,Kiko分享一單令人心寒的故事,「有個病人重病走咗,幾日後有個醫院姨姨喺後樓梯見到佢坐咗喺到,姨姨問個病人『點解你喺呢到?』,佢哋對望咗一眼,姨姨見到佢眼神怪怪地,跟住佢就返去,佢返去同同事講,先知個病人已經走咗幾日。有時啲病人都唔知自己已經離開咗,老人院更甚,有啲會如常返番去自己間房,同埋會聞到佢陣味。」

浩嘉現身潘紹聰主持的新城節目《恐怖熱線》。

浩嘉現身潘紹聰主持的新城節目《恐怖熱線》。

唐浩嘉指彌留病人的身上會有一種特別味道。

唐浩嘉指彌留病人的身上會有一種特別味道。

另一單怪事發生在一個實習護士身上,某日該實習生和職員推個遺體落醫院殮房,該職員發現遺漏物品要回去拿,便着實習生留在殮房的樓層電梯口等自己,惟該實習生等了很久都未見對方回來,於是欲致電尋人,但電話卻顯示沒有網絡,並且愈發感到該樓層愈來愈凍及燈光很暗,「後尾個職員返嚟,佢個電話突然又接收到,而且覺得整個世界都正常返,懷疑佢當時去咗結界。」

著名醫生李家仁

著名醫生李家仁

潘紹聰亦請來著名醫生李家仁一位朋友Eva上節目分享自身恐怖經歷,李家仁稱自己相信鬼神,「我信呢個世界唔係淨係人嘅世界,呢個空間有好多道空間,不過係我哋感受唔到、睇唔到,所以人鬼之說一定有,不過無論點樣,你信或不信,只要做人做得正就唔使驚。」

你 或 有 興 趣 的 文 章