很多打工仔都會利用短短的午飯時間眠一眠，不過有打工仔就因午膳後在辦公室內小睡一會而被上司訓話，感到無奈。
設計圖片
膳後小睡被上司訓話：點解要係公司瞓覺？
樓主以「lunch time係自己位瞓教都唔可以？」為題在香港討論區發文，指最近因精神狀況欠佳，經常會在公司午膳後，把握短短的時間眠一眠養神，怎料有日被上司叫入房，「問我點解唔係屋企瞓夠先返工，點解要係公司瞓覺」。
設計圖片
樓主抱怨未試過在公司被禁止睡午覺
當時樓主只稱「午飯時間無咩嘢做想休息吓」，上司卻提醒他盡量不要在公司睡覺，指如「畀人見到唔好睇」。樓主埋怨，指出來工作這麼多年，從未有公司禁止他在午餐時間睡覺，大呻「唔通我要走去廁所瞓咩」。
設計圖片
網民撐樓主斥公司剝削員工休息權利
有不少網民都覺得上司要求無理，並分享自己都有在公司午睡的習慣，「午飯時我偶然都會瞓返三四個字（15到20分鐘）」、「食飯時間關你X事」、「太顧形象，剝削員工休息權利」、「舊公司在Lunch time直程將燈光調到最低等同事休息下，雖然只有三成同事會瞓」。
設計圖片
有網友指公司要求不算唔合理
亦有部份網民就覺得公司要求還好，「唔算太嚴，以前做過唔准係自己個位食飯」、「係咪怕畀客人見到？」，搞笑問樓主「係咪有鼻鼾」。
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
