大方「認愛」89歲羅蘭？！胡楓：冇得解釋

娛圈事

大方「認愛」89歲羅蘭？！胡楓：冇得解釋

2024年09月07日 10:00 最後更新：09月08日 12:22

係咪真大家都好替修哥高興！

92歲的胡楓（修哥）與89歲的羅蘭一向好老友，又經常合作孖住現身，近年二人就突然傳出緋聞，隨得更一度傳出婚訊，不少網民都好睇好這段「暮年戀」，雖然修哥事後曾澄清純屬「美麗的謠言」，但近日他竟然大方「認愛」！

點擊看圖輯

修哥和羅蘭多年來合作無間。

近年突然傳出緋聞，但不少網民都好睇好這段「暮年戀」！

影片截圖

觀看相關影片按連結：https://youtu.be/p04b9IHovp0

修哥近日在YouTube頻道《修哥萬花筒》開設全新談心節目，邀請圈中朋友一起談天說地，最新一集就請來Twins的蔡卓妍（阿Sa）和鍾欣潼（阿嬌），除了大談入行談到爆紅，期間阿Sa和阿嬌感歎20多年前拍《明愛戀補習社》MV一事好像不久前才發生，修哥表示認同：「好似我做咗70年，回頭望吓，好似前幾年嘅事發生一樣，一樣㗎咋......又有啲唏噓，咁快就70年。」阿Sa和阿嬌隨即賣口乖修哥老而彌堅！修哥並直指Twins，「你哋有排做呀！」

說到工作到老，修哥直指Twins，「你哋有排做呀！如果你地有興趣嘅話，真係可以一路繼續做落去。」阿Sa就認為：「有陣時都好被動㗎嘛，都要有人鍾意睇，你先至可以繼續做。」修哥就表示反對：「我就唔係嘅，啲人唔鍾意我，我都會繼續做。」阿Sa和阿嬌即否認，指很多人都很喜歡修哥，阿Sa又重提他與羅蘭的緋聞，笑言：「你早嗰排先上咗頭條，你嘅緋聞呀！」阿嬌又說：「恭喜你呀！」三人聞言即時大笑。

修哥笑說：「真係，點解修哥成日冇新聞，伉家90歲先至有新聞，我自己都好開心！」阿Sa亦亦修哥的聞令大家都好高興，修哥就再度強調是「美麗的誤會」，但因為難以逐個解釋，所以只能「認愛」，「喺大陸好多人見到我，『恭喜、恭喜！』我只有話：『謝謝、謝謝！』（Twins：即係唔澄清？）點樣解釋呢？冇得解釋㗎嘛！只有話『謝謝』。」最後，修哥舉杯笑道：「替我高興飲杯！」

Tags:

胡楓

往下看更多文章

Twins廣州演唱會阿Sa作病標虛汗見頭暈：簡直係用緊生命嚟唱歌

2024年09月30日 23:00 最後更新：23:34

阿Sa病住跳足全場勁敬業！

《Twins Spirit 世界巡迴演唱會》前晚（9月28日）於廣州順利完成兩場演出，廣州是Twins內巡第10站，由今年香港年頭演唱會揭幕之後，Twins已經唱了25場，之後緊接還有汕頭及佛山，內巡完畢後，11月開始便會飛去美加、英國、新加坡等地開唱。

來到廣州站Twins決定攪攪新意思，來一個「Twins點歌 fans唱」環節，阿sa謂：「嗱，就咁嘅，晚晚都係你哋點歌，不如今晚我同阿嬌點歌，你哋全場唱俾我哋聽？」歌迷立即大叫: 「冇問題！」最後全場萬人合唱《死性不改》送給twins，萬人歌聲大到震天，令Twins感動不而，阿Sa謂：「我哋雞皮又出嚟啦！」Twins換上新歌衫，粉紅粉綠公主Look出場，歌迷嘩嘩聲大叫好靚，阿嬌就笑言：「我睇網上留言，有人話我似西蘭花，哈哈。」阿Sa就話：「我覺得我哋係西瓜囉。我係西瓜肉，你係出面塊皮，哈哈哈。」

昨晚第二場，Encore環節，突然於休息飲水時對阿嬌說：「我好似有啲作病，出晒虛汗咁，頭有啲痛、喉嚨又有啲痛，全身都痛喎.....我要唔要戴口罩呀？你驚唔驚？」阿嬌笑道：「我唔驚呀，我諗你可能係咪太熱，焗親呀？」阿唱完串燒經典金曲後，阿Sa坦言：「簡直係用緊生命嚟唱歌！」之後坐係舞台上面，「等等先，阿姐我要坐下....頭暈。」休息一會後，她才表示：「ok！得啦！」再用盡全部氣力，唱出《零4好玩》及《人人彈起》兩首快歌，全場觀眾即瘋狂衝落最前，又起身跟唱跟跳，氣氛熱烈。

演唱會完結後，阿Sa即時回港，到家後量體溫，於IG Story貼「37.5」體溫探熱針。今早阿Sa表示：「其實問過醫生，話37.5溫度係好輕微，今早休息過後已經好番好多，冇再燒啦！噚晚就真係唱到最後，喺台上面係用生命嚟唱歌，用意志力叫自己頂住。但係觀眾，歌迷太好啦反應太勁，好似不停幫我打緊強心針咁，唱最尾兩隻快歌《零4好玩》、《人人彈起》嗰陣，我直頭投入到都唔記得自己頭痛頭暈啦！」

完成內地巡唱後，Twins將於11月到溫哥華開騷，阿Sa生日要在演唱會中度過：「11月就開始外巡啦，會去英國，美國，加拿大，新加坡等等地方，會喺多倫多過生日，正日喺嗰邊同親友，小學同學見下面，好多年冇見佢哋呀，終於有一年可以一齊過生日囉，都幾期待㗎。」

阿嬌笑道：「上次係我喺演唱會慶祝生日，今次就到阿Sa生日要喺工作中度過，不過有我哋大家陪住佢嘛，都應該會好開心嘅。我唔識搞驚喜呀，但我聽歌迷講，會幫我哋搞神秘應緩，慶祝阿Sa生日，所以我就交畀佢哋負責，希望佢哋會畀驚喜我哋啦。」

你或有興趣的文章

大方「認愛」89歲羅蘭？！胡楓：冇得解釋