身為一個香港人，怎能沒有一夜發達夢？而為了圓夢，不少人都會買六合彩，於是每逢逢年過節六合彩推出金多寶，香港就會出現全城打工仔齊齊發白日夢排隊買六合彩的壯觀景象。
坊間有不少人專門研究六合彩，網上更有不少群組，譬如fb群組「齊齊研究六合彩」，專分享獨門買六合彩心得。不過剛剛過去的周四，就出現了本港六合彩史上的一個奇跡，最新一期六合彩（9月19日）攪珠結果，竟出現令人意想不到的結果，6個攪出的基本號碼中，竟然有5個數字與上一期（9月17日）開出的中秋金多寶號碼相同！
馬會六合彩中秋金多寶日前有 1.5 注中，頭獎每注派5000萬。誰知兩日後的周四晚，馬會新一期800 萬六合彩攬珠，竟然出現攪出的號碼為5、18、21、24、44、47 ，除了 47 外，其餘 5 個號碼竟與上期金多寶開出的號碼一模一樣，堪稱史上奇聞！
六合彩
周四晚舉行的此次六合彩攪珠，原本平平無奇誰知竟創造歷史！待7個號碼5、18、21、24、44、47，以及特別號碼20逐一攪出，眼尖的市民已經一眼覺得似曾相識，原來5、18、21、24及44這5個數字，竟與周二舉行的上一期六合彩中秋金多寶攪珠一模一樣！
資料圖片
如此機緣巧合下，周四晚揭曉的六合彩竟有高達489注中三獎，因此亦導致二獎與三獎均只獲派下限獎金，也就是每注分別獲$38400及$19200獎金。換句話來講，三獎10元一注只獲派下限19,200元；二獎1.5注中，每10元一注只獲派下限38,400元，被網友戲稱為史上最慘六合彩二獎。六合彩結果一出來，網民們紛紛炸開鍋，對於這攪珠結果都嘖嘖稱奇。
《愛回家》劇照。示意圖片
而港大數學系榮譽學士兼中大數學碩士 Dexter Wong亦在網上表示，不計算特別號碼，若要 6 個號碼與上期的號碼有 5 個完全相同，須每 54201 次才會出現一次，機率約為 0.001845%，也就是說，需要攪珠約54201次才會發生一次的概率。若以目前一星期攪珠2次計算，意味著下一次再出現5個數字都一模一樣的六合彩攪珠結果，大家需要再等。。。。。大約521年。
一名港男近日在社交平台 Threads 上發文大吐苦水，透露家中因細佬一個驚人決定而陷入前所未有的家庭風暴。樓主表示，自己作為大哥「大半年嚟都冇搵到一份正職，老竇老母本來已經憂心到癲」，豈料細佬竟然瞞住全家，辭去一份月入高達6.5萬元的「鐵飯碗」，轉行到屋企附近做全職咖啡師，人工急跌至僅得1.5萬元。
細佬辭6.5萬鐵飯碗轉行做咖啡師遭父母鬧不孝。資料圖片
消息傳開後，老父當場氣得「拍枱開年」，痛斥細佬「讀咁多書走去做基層工，不知所謂」；阿媽更直情「喊到抽搐」，哭訴「全家嘅希望碎晒，以後都唔知點樣喺親戚面前講呢樣嘢」。面對父母排山倒海的壓力，樓主不禁迷惘發問：「細佬咁樣突然任性掉低個鐵飯碗，係咪真係好不孝？」
雖然父母「日日喺度喊苦喊忽，逼我做大哥嘅出面去勸返細佬聽話、搵返份正經工」，但本身仍未找到正職的樓主坦言「夾喺中間左右為難，真係唔知應該點處理」。他透露私底下觀察了細佬這一個月，卻發現了一個令他極度掙扎的痛心真相——這竟然是細佬「出嚟做嘢咁多年嚟，精神狀態最健康、笑得最多嘅一個月」。
細佬辭6.5萬鐵飯碗轉行做咖啡師遭父母鬧不孝。資料圖片
細佬向樓主傾訴，現在做咖啡師「唔使放工仲要 Whatsapp 覆機，唔使面對上司嘅情緒勒索」，收工時更終於能好好看一個日落，「第一次覺得自己活得似返個人」。面對「一邊係父母排山倒海嘅焦慮同安全感，一邊係親細佬好唔容易先搵返嘅條命同笑容」，樓主痛心拋出靈魂拷問：「為咗滿足父母嘅虛榮心而逼死仔女嘅精神健康，到底值唔值得？」
帖文曝光後隨即引來大批網民共鳴，紛紛為細佬抱不平。有人直指父母將壓力全壓在幼子身上極不公平，也有網民質問：「有無人關心過你細佬係咪做得唔開心？」更有人直言：「養兒唔應該係為防老，轉份低薪啲嘅工作，而唔係完全躺平已經好好。生仔嚟講，啲仔無喺出邊搞事、差人錢、問屋企拎返轉頭，已經執贏！」
細佬辭6.5萬鐵飯碗轉行做咖啡師遭父母鬧不孝。資料圖片
不少網民亦以自身「過來人」經歷大談心理健康的重要性，有人直言：「我都係讀好多書，3年前辭咗份收入不錯嘅鐵飯碗，提早廿多年退休，間中做吓低薪自由工作。照顧到自己加家用繼續有畀已 Ok。其實呢個世代放棄穩定高薪真係越來越普遍，唔係你媽咪口中咁驚世駭俗。最緊要人冇事，其他都係過眼雲煙！」
亦有過來人分享自己因壓力大而患病的慘痛教訓，勸誡大家不要等到身體出事才後悔：「我當年想裸辭，我媽話，咁咪辭囉，養返好自己身體先。最後我無辭職，3個月後因為壓力，由頭到腳生晒濕疹，睇咗半年中醫先叫好返，生濕疹嗰陣好抑鬱。所以病況，最後辭職先不藥而癒。」
除了批評自私家長的留言，亦有網民發表長篇精警回應，勸解樓主作為大哥不需要扮演「說客」去逼細佬回頭：「講真你細佬做嘅嘢需要好大勇氣。由 65,000 跌到 15,000，呢個唔係衝動，係佢深思熟慮過，寧願犧牲物質都要換返精神健康。一個人精神狀態健康、笑得出，呢啲比起份工嘅名銜同搵幾多重要好多。」
該網民續指，理解父母那一代人執著穩定和安全感，但這畢竟是細佬自己的人生，只要他能對自己的決定負責便足夠。他勸勉樓主：「你可以同父母講：『我明白你哋擔心，但佢而家精神狀態係呢幾年最好嘅。如果佢返去做份工令佢抑鬱、甚至出事，咁先係真正嘅不孝。』」
這位網民更體貼地提醒待業中、飽受家庭糾紛壓力的樓主，要先學會照顧自己：「你自己都未搵到工，壓力已經好大，唔好再攬埋所有人嘅情緒上身。每個人都要為自己嘅選擇負責，你細佬嘅勇氣，喺而家咁嘅經濟環境下，其實好值得尊重。」
細佬棄6.5萬鐵飯碗 做咖啡師
