黎瑞恩對演唱會要求高 壓力大致身體不適

小恩子上星期連續發燒了兩天！

黎瑞恩（小恩子）昨日（10月5日）現身新城接受薛家燕、范振鋒、思敏「開心大派對」節目訪問，家燕姐恭喜小恩子快將於10月19、20日於西九戲曲中心大劇院舉行兩場《V Union恩賞・演唱會2024》。小恩子坦言:「呢個演唱會發生得好特別，本來計劃明年才開個唱，主辦突然話有場地兩日檔期，所以就即刻成事，好鍾意呢個場地，好壯觀，聲又靚。」

黎瑞恩接受新城「開心大派對」訪問。

備戰演唱會壓力大。

家燕姐表示很欣賞小恩子對音樂及唱歌要求高，小恩子即說：「係好執著，有少少唔完美都會瞓唔著。練歌時覺得唱得唔太好，就會瞓唔著，個腦靜唔到，不停地諗。」因為演唱會無形壓力，小恩子上星期連續發燒了兩天，現在出街都戴著口罩。

致身體不適！

黎瑞恩呼籲大家不要送花籃及禮物，把錢捐贈慈善機構「快樂港仁」。

小恩子今次演唱會呼籲大家不要送花籃及禮物，把錢捐贈慈善機構「快樂港仁」，阿范問唔怕沒有花籃場面冷清？小恩子即說：「唔怕，反正花籃只放兩日，好浪費，而且『快樂港仁』贈醫施藥，好有意思，每捐100元就可以幫一位老人家針炙，一個花籃的錢就可以幫到好多位老人免費針炙。」再談到人生，小恩子坦言：「依家我好化！以前就唔化，小小事就會嬲，依家好平常心。」

左起：思敏、薛家燕、黎瑞恩、范振鋒

新城廣播乙巳年新春團拜於2月6日黃埔舉行。

薛家燕、影帝張家輝、新城首席營運總監馬浚偉與眾高層為醒獅點睛慶祝新年，而歌手姚焯菲、鍾柔美、詹天文、張馳豪、冼靖峰等藝人齊齊亮相支持。

新城首席營運總監馬浚偉送祝福（本網記者攝）

為醒獅點睛慶祝新年（本網記者攝）

合照（本網記者攝）

多位藝人現身（本網記者攝）

台上家燕姐對家輝讚不絕口，讚他越來越有型，而家輝即感嘆家燕姐無皺紋又滑嘟嘟。家燕姐搞笑表示：「我今朝拉咗面皮！」她並稱讚家輝是後輩的學習對象，雖然沒有跟家輝合作過，但見面都會叫對方加油，但家輝說：「我想收油！」家輝更透露即將再開金口，笑言因新片預算不足，將要為電影獻唱。

台上家燕姐對家輝讚不絕口（本網記者攝）

本網記者攝

本網記者攝

接受採訪時家燕姐透露與家人們一齊遊日，仲睇左富士山勁開心：「原來孫仔識講日文，因為爸爸有學日文又識講，孫仔跟住學。喺日本時叫嘢食，孫仔睇餐牌嘅食物相，就可以用日文講出食物名，好叻仔。」

家燕姐透露與家人們一齊遊日（本網記者攝）

今次張家輝現身，家燕姐感嘆好耐未見過佢，說家輝不單止演得原來都好唱得：「我知佢會出新歌，原來睇返YouTube，佢唱歌好聽喎。如果佢認真唱，成績肯定好好。」被問會否同家輝合唱？「音樂上想合作，我會叫佢一齊跳十字步。哈哈……。」

邀家輝合唱（本網記者攝）

講到粵語片笑匠「俞明叔」俞明離世，享年100歲，家燕姐指雖然是笑喪，但也感到很難過，講到眼濕濕，表示非常不捨 ：「俞明叔睇住我大，我同佢都有合作十幾廿套作品。佢係喜劇聖手，又好照顧後輩，一位好值得敬重嘅表演者。我向佢家人講聲節哀順變。」

講到眼濕濕（本網記者攝）

姚焯菲(Chantel)、鍾柔美(Yumi)、詹天文(Windy)一齊受訪，透露有北上消遣消費！Yumi直言今個新年吃了不少東西，最愛愛吃盆菜的魚蛋，Windy則表示返港後反而比較瘦，在內地則愈長愈胖。Chantel早前在《愛．回家之開心速遞》亮相，被網民形容好似兔仔，她透露︰「彤彤係一個活潑可愛女仔，所以我會盡量切合個角色，彤彤係比較善良同直率，之後大家會睇到佢個性格加入熊家會有改變。」

姚焯菲(Chantel)、鍾柔美(Yumi)、詹天文(Windy)一齊受訪（本網記者攝）

笑得好開心（本網記者攝）