近日有網民在社交平台threads發文指沙田某餐廳「出口術誤導食客」，店員推介「肉眼扒餐」時稱原價118元，現「70蚊」，他滿心歡喜於是照點，怎料買單時卻是這個價！
聽到店員話「70蚊」覺抵食照點
網民表示日前他一行3人到沙田某餐廳吃晚飯，店員推介「鐵板肉眼扒餐」，當樓主詢問價錢時，聽到店員回答「70蚊」他望一望餐牌原價是118元，故認為「這個餐原價是$118，如果現收$70當然是抵食」，因此與朋友各點了一份，而另一位朋友則點了湯飯。
thread 圖片
店員解釋是「差10元」非「70蚊」
不過到了結帳時，樓主驚見帳單印着3份晚連同兩杯凍飲是281元，其中的肉眼扒售價為108元，並非是店員口中的「70蚊」。於是他即找店員詢問，對方卻解釋當時他說的是「差10元」並非是「70蚊」是樓主誤會了。他再表視他指的是現售價比原價118元「差10蚊」，即是便宜了10元，所以應該是108元。「這時我朋友明白了店員是指比原價『差十蚊』」。
不過令樓主不解的是，當時他一直有和友人研究餐牌上的價錢，更曾說到「『70蚊』很優惠」，而店員也一直在場「店員當時一定聽到我們對話，但她沒有當面糾正我們誤會了價錢」，並怒稱「這一點可構成有心欺騙」。
示意圖。《愛回家》劇照
樓主怒責店家存心「出口術」欺騙
另外，樓主指責店員選用「差十蚊」這種讀音相近易令人誤會的講法，也不說「平10蚊」或「減10蚊」，批評店員是故意「出口術」，「即是她是有心用廣東話『差10蚊』及『70蚊』讀音相近的方法來令我們相信是我們自己誤會」。並指餐廳用這個不良營商行為，去欺騙食客點一個價值較高的餐，「對我們本想用$70的價錢進餐，最後變成額外消費多了$38」。
樓主繼續怒罵指「香港有很多用心製作的小店生存不到，反而這些不良小店可用奇招生存，這解釋香港飲食業為何生意這麼差，因為業界太多害群之馬」並表示自己已經在網上向海關舉報及向消委會投訴，現發帖是希望其他網民小心。
示意圖。《愛回家》劇照
網友猜測店員廣東話不正引誤會
帖文隨即引起熱議，有部份網民支持樓主「點會回答差10蚊，好怪好蠱惑」、「正常唔會講差10蚊，除非數學題」、「問幾多錢咪答幾多錢，好少會講差原價幾多」。亦有網民認為樓主應該「企硬」，「你有無企硬照畀$70」、「畀70蚊啦！」。
但亦有網民猜測店員可能因廣東話不正，發音不準而引起誤會，並非存心欺騙食客「上次去食，班姐姐都好有禮貌，可能鄉音誤會」、「佢講嘢可能係唔正，但話佢出口術或者呃人就真係吹太大」、「個店員係咪講廣東話唔正先？係嘅話就係誤會，唔係嘅話就缺德」。
示意圖。《愛回家》劇照
樓主反被指是西客
反而有人認為樓主是西客「西客認證成功！符合條件：所有錯嘅都係對方」、「正一西客！溝通誤會，口同鼻拗，咁都可以一口咬定自己係啱嗰邊，呢啲係西人無誤！」。
一名港男近日在社交平台 Threads 上發文大吐苦水，透露家中因細佬一個驚人決定而陷入前所未有的家庭風暴。樓主表示，自己作為大哥「大半年嚟都冇搵到一份正職，老竇老母本來已經憂心到癲」，豈料細佬竟然瞞住全家，辭去一份月入高達6.5萬元的「鐵飯碗」，轉行到屋企附近做全職咖啡師，人工急跌至僅得1.5萬元。
細佬辭6.5萬鐵飯碗轉行做咖啡師遭父母鬧不孝。資料圖片
消息傳開後，老父當場氣得「拍枱開年」，痛斥細佬「讀咁多書走去做基層工，不知所謂」；阿媽更直情「喊到抽搐」，哭訴「全家嘅希望碎晒，以後都唔知點樣喺親戚面前講呢樣嘢」。面對父母排山倒海的壓力，樓主不禁迷惘發問：「細佬咁樣突然任性掉低個鐵飯碗，係咪真係好不孝？」
雖然父母「日日喺度喊苦喊忽，逼我做大哥嘅出面去勸返細佬聽話、搵返份正經工」，但本身仍未找到正職的樓主坦言「夾喺中間左右為難，真係唔知應該點處理」。他透露私底下觀察了細佬這一個月，卻發現了一個令他極度掙扎的痛心真相——這竟然是細佬「出嚟做嘢咁多年嚟，精神狀態最健康、笑得最多嘅一個月」。
細佬辭6.5萬鐵飯碗轉行做咖啡師遭父母鬧不孝。資料圖片
細佬向樓主傾訴，現在做咖啡師「唔使放工仲要 Whatsapp 覆機，唔使面對上司嘅情緒勒索」，收工時更終於能好好看一個日落，「第一次覺得自己活得似返個人」。面對「一邊係父母排山倒海嘅焦慮同安全感，一邊係親細佬好唔容易先搵返嘅條命同笑容」，樓主痛心拋出靈魂拷問：「為咗滿足父母嘅虛榮心而逼死仔女嘅精神健康，到底值唔值得？」
帖文曝光後隨即引來大批網民共鳴，紛紛為細佬抱不平。有人直指父母將壓力全壓在幼子身上極不公平，也有網民質問：「有無人關心過你細佬係咪做得唔開心？」更有人直言：「養兒唔應該係為防老，轉份低薪啲嘅工作，而唔係完全躺平已經好好。生仔嚟講，啲仔無喺出邊搞事、差人錢、問屋企拎返轉頭，已經執贏！」
細佬辭6.5萬鐵飯碗轉行做咖啡師遭父母鬧不孝。資料圖片
不少網民亦以自身「過來人」經歷大談心理健康的重要性，有人直言：「我都係讀好多書，3年前辭咗份收入不錯嘅鐵飯碗，提早廿多年退休，間中做吓低薪自由工作。照顧到自己加家用繼續有畀已 Ok。其實呢個世代放棄穩定高薪真係越來越普遍，唔係你媽咪口中咁驚世駭俗。最緊要人冇事，其他都係過眼雲煙！」
亦有過來人分享自己因壓力大而患病的慘痛教訓，勸誡大家不要等到身體出事才後悔：「我當年想裸辭，我媽話，咁咪辭囉，養返好自己身體先。最後我無辭職，3個月後因為壓力，由頭到腳生晒濕疹，睇咗半年中醫先叫好返，生濕疹嗰陣好抑鬱。所以病況，最後辭職先不藥而癒。」
除了批評自私家長的留言，亦有網民發表長篇精警回應，勸解樓主作為大哥不需要扮演「說客」去逼細佬回頭：「講真你細佬做嘅嘢需要好大勇氣。由 65,000 跌到 15,000，呢個唔係衝動，係佢深思熟慮過，寧願犧牲物質都要換返精神健康。一個人精神狀態健康、笑得出，呢啲比起份工嘅名銜同搵幾多重要好多。」
該網民續指，理解父母那一代人執著穩定和安全感，但這畢竟是細佬自己的人生，只要他能對自己的決定負責便足夠。他勸勉樓主：「你可以同父母講：『我明白你哋擔心，但佢而家精神狀態係呢幾年最好嘅。如果佢返去做份工令佢抑鬱、甚至出事，咁先係真正嘅不孝。』」
這位網民更體貼地提醒待業中、飽受家庭糾紛壓力的樓主，要先學會照顧自己：「你自己都未搵到工，壓力已經好大，唔好再攬埋所有人嘅情緒上身。每個人都要為自己嘅選擇負責，你細佬嘅勇氣，喺而家咁嘅經濟環境下，其實好值得尊重。」
細佬棄6.5萬鐵飯碗 做咖啡師
