謙仔過五關接新娘 靚靚姊妹團鬥搶鏡　

楊怡同羅仲謙擺喜酒，一眾兄弟姊妹團夾道歡迎下雙雙步出酒店見人，靚靚姊妹團同時在社交網站晒相向新人送上祝福。

靚靚姊妹團同新娘子合照。

姊妹團成員包括唐詩詠、康華、楊怡家姐楊卓娜、馬賽，以及「人妻代表」張美妮、姚嘉妮，陣容非常強勁，眾姊妹孖新娘子楊怡合照，大騷靚樣，相當吸睛！

張美妮IG圖片

姚嘉妮、楊怡

問到早上接新娘過程，謙仔表示比預期順利，笑稱不停揼波鐘，玩新郎遊戲都就住來，對他們來說不算難，如放腳入冰桶。提到「食尿片」遊戲，謙仔笑稱原是給單立文（豹哥）食，但豹哥將整塊尿片「質」到康華的面上，康華急於補妝，他們就順利過關，笑稱以暴力就過關。阿怡強調沒就住也沒錫住兄弟團來玩，只是原以為姊妹團很厲害，原來不然，可能不夠兄弟團大聲。

謙仔接新娘過五關。

      
至於開門利是是否10萬元？謙仔說不是，但他沒數多少錢，姊妹團也很難攤，總之他把利是封塞到塞不下為止，早上來到未入會場他還想去撳機加碼。

羅仲謙、楊怡

      
問到二人婚戒寓意？阿怡說：「希望白頭到老，一齊開開心心，幸福。」提及造人大計是否真的2年抱3？生一仔一女？謙仔謂想先生女，即如他在家中最細，好幸福有兩個家姐錫，並直言已開始造人，一切看天意。

兩人註冊後再咀不停！

唐詩詠離巢後發展都唔錯！

兩年前離巢TVB的唐詩詠日前接受雷霆881商業一台《星光背後》專訪，於節目中親解離巢原因，更認無悔離巢，之後更罕談感情事，坦言自己不善溝通。

《當四葉草碰上劍尖時》是唐詩詠首部擔任女主角的劇集

入行20年的唐詩詠2017年憑《不懂撒嬌的女人》首奪視后，之後詩詠就瘋狂拍劇直至合約到期，她指2015年已欲外闖，「15年那時還會恐懼，確實係2017年拎完獎之後，我內心有諗法，我同自己講40歲後我要諗清楚想做啲咩，係我為自己設嘅deadline，感覺到自己要時間休息。」又透露「我係好鍾意演戲，但再咁拍落去，覺得自己無突破，演嘅角色都差唔多。而生活上，已經拍到好攰。如果我想有得揀，我必須要有足夠積蓄，所以離開之前狂拍劇，計過自己半年沒工作都可以養家，金牛座需要有好好準備先去做決定。」幸運的是，離巢後即接到廣告和電影，唐詩詠說：「我發覺恐懼源於習慣，離開後我即時接了一個廣告，也拍了兩齣電影，有可觀的收入，亦有不同的嘗試。」

2017年憑《不懂撒嬌的女人》首奪視后

唐詩詠離巢後更有機會到孟加拉探訪受童婚影響的女孩家庭，旅程令她人生一百八十度轉變，她說﹕「孟加拉嗰啲女仔好偉大好想讀書為其他人，我反觀自己當年有書都唔讀，只係為咗掙更多錢，好多野都係為咗自己。當年金融風暴，經歷父母離異，遇過好多人上門拍門追債，果時我認為無錢就會有好多問題出現，父母亦唔會分開。」

孟加拉旅程令她人生一百八十度轉變

提到80歲父親，唐詩詠更感觸哽咽，「第一次同爸爸、哥哥去日本旅行，有一晚得返我同爸爸兩個人食飯，雖然大家無講咩特別話題，但嗰次先至好似同爸爸真正相處。」

詩詠離巢後把握時間旅行

至於感情路崎嶇的唐詩詠情多個對象都未能開花結果，她分析因由說：「當然有好多原因，對方的原因我唔會講，我自己過去都是因為太注重工作，乜都工作行先，當然都會照顧另一半，但其實我一直唔識溝通，除左最長果段感情，對方一觸碰我的底線，我就會走！過去拍拖，我最弱就係溝通，我唔識將自己唔開心同另一半分享，我以為唔講出嚟就無野，最後對方會覺得『點解你唔開心唔同我講？』」當年唐詩詠與洪永城因劇集《載得有情人》而交往，唐詩詠透露分手原因是男方承受著壓力，而她當時不懂保護對方，導致兩人分手。

於節目中大談感情經歷