外賣湯撈起大蜈蚣！港女苦呻「唔再幫襯」 連食環都嚇一嚇 網民紛曬同款經歷

日前1位港女崩潰發文，指自己近日外賣了個燒味飯加湯，點知一撈起個湯，驚見一隻巨大蜈蚣！

外賣燒味飯加湯 驚見巨大蟲蟲

日前，一位港女在threads上崩潰發文，指自己叫外賣時驚見巨型蟲！從照片可見，她經外賣平台落單「切雞紅腸燒味雙拼飯」及一個湯，然而當她收到外賣並撈起湯想飲時，發現碗中居然有隻巨大蜈蚣！

苦呻以後唔再幫襯並「肚痾緊」

見到隻巨型蟲自然相當崩潰，她表示「真係一次比一次黐線」、「我以後唔會再嗌外賣了」，更苦呻自己「肚痾緊」。

threads截圖

已報食環 食環都嚇一嚇

她又稱已將事情上報予食環署，事主一再強調湯裡有蜈蚣時，就連食環職員都嚇一嚇表示「下，有蜈蚣啊？」

食環署圖片

網民：廚房佬係咪發緊夢

涉事食店已經外賣平台向事主退款，雖然事主就講笑「想要精神損失費」，但一班網民就鬧爆餐廳「點解可以有蜈蚣」、「老人家話蜈蚣通常都係一對對咁出沒。會唔會有另一條仲係個煲入面」、「個廚房佬發緊夢」。

相同經歷的網民留言圍爐取暖

事主的崩潰經歷引來大批網民留言熱議，有相同經歷的網民留言圍爐取暖，「我哋可以做fd啦，我上次食到曱甴」，而有曾經食到飾物的網民直指「你地就好啦，爆傳說寵物，我爆神話裝備……」。

網民同款經歷。threads截圖

網民同款經歷。threads截圖

網民同款經歷。threads截圖

港人時興北上消費、北上置業、原來還有北上學車！日前就有網民指不少港人近年北上學車，皆因在內地學車及考車制度「平靚正」，而內地駕駛執照還可轉返香港牌，贏來不少人的認同，不過亦引來部份網民對認受性的質疑。

示意圖：ViuTV《學神出沒注意》劇照

網上截圖

網民力數香港考牌3大缺點

早前有網友在討論區以「原來家下興返大陸考車牌，再返香港轉香港牌」為題發帖文，指現有不少港人北上學車及考車牌，學費3000元人民幣，學3日就可成功取得駕駛執照。他更批評在港考車牌有3大缺點，「考車時間長」、「學費、租車費用昂貴」以及「教學質素差」。

網上截圖

考完港人回應：平靚正，考官又好態度

有剛考完的港人回應大讚「上星期係大陸考完，平靚正，啲師傅同考官又好態度」。亦有網民認同北上學車慳錢慳時間，「大陸佢地有兩次機會，就算fail， 好快又可以再考。心理壓力低好多。香港唔係難，係玩X人」，

網上截圖

網民質疑內地考車牌認受性及安全性

不過有網民就質疑3日學成就取得車牌，其認受性及安全性，直指「點解咁多人覺得學車兩日會學識，之後去日本自駕遊」、「咁兒戲」。有網民就澄清若要由內地牌照轉成香港牌照，實際上還需要等候5年「要等五年先可以轉香港牌」、「考完要等5年，勁多人俾人呃，以為1年就可以換香港牌」。

網上截圖