高海寧高貴女神裝出場神秘開窿極性感

娛圈事

高海寧高貴女神裝出場神秘開窿極性感

2024年11月25日 20:45 最後更新：22:05

著得好好睇。

無綫一線花旦高海寧（高LING）近日忙於拍攝賀歲電影，但仍然保持最佳狀態，上星期於《萬千星輝賀台慶》亦以高貴女神裝出場，高LING日前再於IG PO當日造型照，原來內有乾坤，表面封胸，但實情極度性感。

點擊看圖輯

白色高貴女神出場

其實好性感

無34D 未必著得好睇

Carry 得好好

佢自己都好滿意當日造型

另一件低調啲

不過紅色夠搶眼

咁靚靚當然要多謝背後軍師

當日高LING以白色女神造型行紅地氈，心口開窿，露出南半球，34D豐滿上圍完全carry到，而之後的紅色晚裝封胸上陣，設計以聖誕禮物作靈感。

高LING好識做，在留言感謝身邊同事：「真係好想衷心多謝我嘅Teammates，因為最近一直喺深圳拍劇，今年台慶完全冇時間試裙交晒俾Cheryl幫我準備，佢18號晚將3條裙送去我屋企，已經襯好晒jewelry同鞋，我19號凌晨1:30am返到屋企試裙，早上8:30am開始化妝set頭get ready。感恩小白同Zap遷就我嘅時間咁早趕入嚟公司，中途還要返黎幫我換造型，多謝JoJo超抆水都安排到時間幫我整指甲。由於我出席完台慶即晚就要返去深圳，所以要麻煩Miranda 20號幫我還晒所有嘢，當然仲有陪我出生入死同樣冇得瞓都仲影到靚相嘅小K啦﹗冇咗你哋幫手，我真係唔知點算好啊！Btw 今次兩套衫都好鍾意呀！一套又Sweet又Cutie 一套又高貴又優雅」

View this post on Instagram

A post shared by 🦋Ko Ling 高海寧 (@sammkoling)

往下看更多文章

Grand住去大阪｜6號遭C君狂窒激動「揮刀」高海寧嚇親：好驚呀！

2024年11月30日 15:00 最後更新：16:46

由C君、高海寧（高Ling）及陸浩明（6號）主持的《Grand住去大阪》來到最後一集。

最後一集為大家介紹的酒店，位於京都文化勝地—鷹峯山的奢華度假村，酒店設計概念採用江戶時期藝術家本阿彌光悅的藝術村為靈感打造，與鷹峯山融為一體；一晚約2萬港元的Roku套房，佔地千呎、擁有落地大玻璃，飽覽京都深山和庭園美景，秋天欣賞紅葉絕對一流！

今集介紹的三間餐廳都非常駕勢，先講人均約2,754港元的鐵板燒餐，食盡鯛魚界最頂級的甘鯛松笠燒、日本龍蝦配日式高湯汁，當食到約1,530港元的神戶牛菲力牛扒時，6號直言是「人生Top 3好味的牛」，再次招來C君狂窒：「成日將啲嘢講到咁誇張！」揀了一把大刀切牛扒的6號，為自己平反時不自覺揮刀，嚇到高Ling高呼：「你唔好拎把刀揈吓揈吓，好驚呀！」三人互動勁爆笑。

第二間不容錯過的fine dining，是國際知名奢華品牌開設的全球第一間高級餐廳，而本節目製作組更是全球第一間正式拍攝的電視台，相當威水！餐廳以hidden隱密式門面為設計，高Ling未進餐廳已被「神秘入口」驚艷：「連入門口都係surprise！」由於餐廳採取介紹制兼預約制，6號特意邀請了大阪「Grand界KOL」Jason Lim任推薦人帶三人朝聖，以66,000日元（約3,370港元）豪歎廚師發辦晚餐。

三位主持不約而同大讚島根縣鰆魚配魚子醬最驚艷，「美女試食專員」高Ling表示：「首先魚子醬嘅冰凍，加上魚嘅暖笠笠係雙重刺激，蕃薯嘅甜同魚子醬嘅鹹又係第二種層次，喺口入面交融…我究竟taste邊樣先呢？好正，形容呢間餐廳係會詞窮架！」6號則一如既往以誇張手法形容：「升仙嘅感覺！」C君亦「食神」上身大嘆：「食唔番點算！呢間餐廳印證識人好過識字。」