短曲髮Look夠Cutie成功入屋 陳曉華揭長直髮造型近乎全素顏

網民力讚近年「最高顏值港劇」陳曉華陳家樂阮浩棕顏值掀熱話

由王心慰（Amy姐）監製，戴德廣編審的《大灣區航空日本四國德島航線呈獻：異空感應》，逢星期一至五晚8時30分翡翠台播映，主要演員有陳家樂、陳曉華、阮浩棕、譚凱琪、何遠東、魯振順、文雪兒、龔慈恩、陳嘉輝、彭翔翎等。《異空感應》前晚（25日）播出第一集後，在網上吸獲不少好評，除了劇集的平行時空主線及奇幻元素備受網民喜愛，三位男、女主角：陳家樂、陳曉華（Hera）及阮浩棕的顏值亦獲得高度評價，劇集被封為無綫近年難得一見的「高顏值港劇」。

靚仔靚女

靚仔靚女

家樂眼鏡Look

其他Look

其他Look

三人之中，以激罕地以短髮Look示人的Hera，及甚少參與無綫劇集拍攝的陳家樂較惹關注，大部分網民認為短曲髮的Hera更加可愛：「Hera今套啲look算唔算世界級？」、「Hera短髮look幾靚」、「邊有差婆咁靚？」、「短髮Look好可愛」；至於陳家樂則獲讚「年紀愈大愈靚仔」，更有網民笑言他的眉型標準至令人覺得非天然：「好標準啲五官」、「佢堂眉好深，似霧眉？」、「佢年紀大咗反而仲靚仔」、「有靚仔睇會有心機啲追落去」。由於顏值夠高，連帶家樂與阮浩棕的「男男CP」亦成功入屋，有網民更好奇如此合拍的二人會否真有BL感情線。

Hera短髮Look獲讚Cutie

Hera短髮Look獲讚Cutie

長髮Look

阮浩棕今次個角色好陽光咁。

佢同家樂嘅互動網民好Buy。

佢同家樂嘅互動網民好Buy。

獲封港版《觸不到的戀人》

由於《異空感應》主打懸疑感以增加追看性，故來自未來的Mary（陳曉華角色邢可嵐未來版）暫時只是「碎片式」現身。在第一集，Mary於結尾部分才現身，並離奇地在與方日進（陳家樂飾）約好見面的地點「原地消失」！昨晚（26日）播出的第二集，日進幾經辛苦終成功與Mary再度接通電話，Mary則斷斷續續帶出重要訊息：「係，我係邢可嵐！有人想害我，我先隱藏身份咋！」、「…失蹤…有危險呀…」，但當日進追問誰人有危險時，通話卻再度離奇中斷，令不少網民大呼吊癮：「2集都臨結尾先異空感應幾秒鐘，好吊癮啫！」、「睇咗2集時空懸疑效果做得幾好」；不少無綫忠粉留言，指期待《異空感應》能與《EU超時任務》一樣帶來驚喜；還有不少網民指由於劇集不少鏡頭拍得浪漫又唯美，加上題材講述男主角與另一時空及現時空女主角的愛情故事，不約而同封《異空感應》為港版《觸不到的戀人》，網民：「初看預告片段已覺有韓國電影《觸不到的戀人》的 feel」、「期待久違嘅小品劇」。

網民大讚《異空感應》情節唯美、浪漫又懸疑。

網民大讚《異空感應》情節唯美、浪漫又懸疑。

由於今次要一人分飾兩個時空的自己，為了方便觀眾區分，Hera跟劇組單是研究短髮造型也花了不少時間：「一嚟想有好大分別，二嚟係要諗短頭髮造型點樣可以型得嚟又爽朗，爽得嚟又可愛，呢度都揀咗好耐，因為短頭髮可以紮起啦、可以直短髮、可以再短啲，最後決定用呢個頭髮，係因為覺得佢真係好啱邢可嵐呢個角色嘅，我覺得最後個頭髮都幫咗我好多，令我都覺得自己係很可愛的一個女孩。」Hera續指自己較喜愛長直髮造型，皆因夠晒「方便」：「嗰個造型我基本上冇乜化妝，每次化個底就得，化妝時間只需要五分鐘左右就搞掂，畫番個傷妝再笠個假髮就拍得架喇。」

陳家樂（Carlos）昨晚（9月23日）舉行首支個人單曲《我們都是無名氏》新歌發佈會，首度公開演唱新歌兼首播MV。不少圈中好友包括：洪卓立（Ken）、許靖韻（Angela）、楊天宇（Angus）、周志文、張文傑等都前來撐場。雖然當晚家樂緊張到流鼻水，要問台下觀眾拿紙巾抹！不過全晚最sweet，一定係太太連詩雅（Shiga）全程心心眼撐場，最後更感動落淚。

陳家樂（Carlos）昨晚（23日）舉行首支個人單曲《我們都是無名氏》發布會。

發佈會上，家樂唱了鄭伊健《心照》、張國榮《拒絕再玩》、新歌《我們都是無名氏》、陳奕迅《孤獨探戈》及連詩雅《只要和你在一起》。家樂一上台就話：「真係好驚呀！估唔到緊張過行任何一個紅地氈，好緊張！」擔任MC的李靖筠（Gladys）問到大家知不知道家樂是新秀入行，台下的陳太Shiga即刻大叫：「我知！」十分搞笑。家樂笑說：「洪卓立都係我之後㗎咋！」全場隨即大笑。隨後拿起電結他邊彈邊唱出《心照》及《拒絕再玩》。

洪卓立、許靖韻等好友到場支持。

家樂首度公開演唱新歌。

新歌將於十月五日推出，Gladys落力宣傳，本想叫大家到時可於各大平台收聽，不過她誤將「平台」說成「平房」，家樂即搞笑接上，「平房，係呀，或者藥房都可以聽到嘅。」弄得全場大笑，同時亦為家樂緩和緊張心情。到最後一首歌時，Gladys表示這是最sweet的環節，家樂先笑說原本只唱四首，「因為我都頂唔到太多啦，哈哈。」不過難得有這個機會，除了要「表示」一下，而且更要「覆桌」，「唔做又對唔住某個人，最緊要就係多謝我老婆啦！其實呢首歌係喺我哋婚禮嘅時候唱俾佢聽，但嗰陣時仲衰過淆底，喊埋出嚟，完全唱唔到，炒得好緊要。好多人將我最醜、唱到炒晒嗰段就擺上網。而家難得有個機會，就想覆桌！唱返好少少，等人哋將來可以post返上去。但呢首歌真係好難唱。」之後家樂唱出Shiga的《只要和你在一起》，Shiga在台下邊開着電話燈邊唱又邊喊，家樂唱到中後段便伸出手叫Shiga上台，Shiga一上台即攬着家樂，又一齊合唱，Sweet到爆。最後家樂鞠躬感謝大家前來的時候，不小心揈甩眼鏡落地，雖然蝦碌，但都無損全晚溫馨又搞笑的氣氛。

家樂坦言緊張到流鼻水，唱到Shiga的《只要和你在一起》時，Shiga在台下邊開電話燈邊唱邊喊。

家樂伸手叫她上台，Shiga一上台即攬着他合唱，Sweet到爆。

完Show後，家樂直言今次是人生最緊張的一次，「Show前嗰種感覺好似全身冇力，作病咁樣，個腦入面係咁諗住啲歌詞、諗住啲Chord，完全唔係一個深層嘅睡眠。今朝十點已經係處於一個好迷嘅狀態，個腦淨係不斷咁重複啲歌詞，好緊張，即使陳太係咁講說話令我放鬆，但我完全入唔到耳！」他指自己剛到場時更是手腳冰冷，「好似就嚟累低，個感覺係呼吸唔到、就嚟窒息。」上台後雖然仍然緊張，但感覺變得神奇，「彈第一Chord嘅時候，就有種：『死就死啦！』嘅感覺。我都唔知自己個演出會點，都上到嚟，The Show Must Go On！」他指有位同事跟他說「Action」後便覺得「我就係要做好呢場戲」，「越唱到後面就越輕鬆，今次比自己五十分啦，啱啱好合格。」

家樂笑言今次是為「覆桌」，婚禮時唱到喊，今次想唱返好少少。

家樂又特別多謝太太Shiga跟Ken，「Show前陳太都有不斷幫我紓壓，令到我冇咁緊張，講咗佢好多舞台嘅經驗，希望我可以上台前有啲咩準備。」Shiga全程喺台下默默支持，的確是家樂最大的定心丸；至於阿Ken，家樂謂：「阿Ken好幫忙，前日佢專登去咗我綵排嘅地方，俾好多Tips我，我邊啲位或者發聲位要再俾啲力，因為可能以前唱歌嘅習慣未係好改到，佢即時就話到俾我聽咁樣唔係咁好，幫我調整。」

提到樂壇頒獎禮，家樂即耍手擰頭，「呢個太遙遠啦，我唔敢去諗。我反而更加希望係呢首歌有觀眾或者一啲認識我嘅朋友聽到，可以更加了解到陳家樂想表達啲乜嘢，重點係多啲人去認識我同埋呢首歌。」

完Show後他給自己50分，特別多謝太太及洪卓立幫忙。