熊貓龍鳯胎BB床大公開 奶爸奶媽DIY獨一無二床鈴 家姐毛公仔陪伴在側

百日宴後，大熊貓雙胞胎繼續快樂成長，日前海洋公園首次公開牠們兩姐弟的BB床，更透露原來床鈴是奶爸奶媽親手DIY，好有心思；還有床邊的毛公仔玩具更是家姐的小化身！

IG影片截圖

IG影片截圖

只見片段中家姐同細佬在BB床上碌嚟碌去好開心，而細佬更望着床上的吊鈴手舞足蹈。原來這是奶爸奶媽購入現成床鈴，再連同公園售賣的熊貓產品加工而成的！非常有心思！而床邊陪伴兩姐弟的除了五顏六色的膠波，還有一個是家姐的小化身：超人家姐熊貓毛公仔，設計靈感是由家姐出世不久擺出的「超人」姿勢所得！搞笑得來又可愛，現在於海洋公園網店就可以預購啦！

IG影片截圖

IG影片截圖

家姐見到個專屬公仔當然是玩得不亦樂乎，又攬又錫，連睡着都要抱着，不捨得放手，看來牠相常滿意！

IG影片截圖

IG影片截圖

IG影片截圖

IG影片截圖

邁入五個月大的大熊貓「家姐」和「細佬」近日成功走出育嬰室，在有樹、石頭、草地及斜坡的新環境探險！海洋公園17日表示，「家姐」和「細佬」在草地探索的進度非常良好，此次還大擺Pose影萌照！不曉得一眾契媽契爸們最鍾意邊張靚相呢？

IG圖片

逐張睇兩姊弟的草地寫真，絕對張張都精彩。「家姐」同「細佬」首先咬住耳仔齊齊登場，「家姐」一張大頭相教識大家，「唔望鏡頭影相先夠自然」，而「細佬」就扮吓「樹熊貓」，跟住依然是展現姊弟倆感情深厚的咬耳仔「擺拍」，仲有「細佬」chok爆擺pose，掛係樹枝上「just to say hi」。

不過鏡頭一轉，海洋公園隨即搞笑公開兩姐弟鬼馬幕後花絮，連小編亦忍不住感歎，「兩姊弟完全係被搞笑天分耽誤嘅可愛教主」，只見上一秒仲chok住擺甫士的「細佬」，下一秒已遭「家姐」飛撲過來緊緊攬住，嚇得「細佬」大嗌「放手呀家姐！」，而另一張相片就公開為食「細佬」狂啃樹葉被捕獲一刻的尷尬笑容，最後登場的唔怕低炒的「家姐」，豪言「有顏值搭救」，無驚過！

IG圖片

IG圖片

IG圖片

IG圖片

兩姊弟的草地寫真大公開引來一眾契爺契媽心心眼瘋狂留言：「奶爸媽照顧得好好，兩姐弟嘅眼神好可愛時又帶啲温柔」、「可愛到爆燈，張張相都咁靚」、「兩姐弟越嚟越古靈精怪，一時糖黏豆，一時水溝油（爭玩具），契爸契媽就嚟招架唔住啦」、「通山走嘅時候，就係盈媽追餐飽嘅時候，畢竟喺草地度，之後奶媽奶爸都唔入得去」、「喂呀兩隻小可愛嘅可愛程度唔止天花板級呀, 直情係雲端級啦啦啦!!!」

IG圖片

IG圖片

IG圖片