日前大熊貓官網又發放熊貓BB的片段，今次卻不見細佬蹤影，原來家姐獨自去獨歡，享受專人按摩，更舒服到攤喺到唔肯走！
官網影片截圖
片段中家姐露出小肚腩，奶媽Virginia 溫柔地搓摸牠心口的毛髮，好似「拗痕」咁，家姐隨即眼仔碌碌露出呆萌的樣子，時而閉上眼睛，似乎好享受。之後奶媽再按摩家姐兩手掌心及膞頭仔，最後家姐舒服到完全攤喺到，任由奶媽按壓，梳乎到不捨得走！
官網影片截圖
官網影片截圖
官網影片截圖
原來奶爸奶媽在照顧家姐和細佬時，都會好似盈媽般和牠們互動 ，以按摩為熊貓BB帶來熊貓媽媽的感覺！
官網影片截圖
官網影片截圖
官網影片截圖
官網影片截圖
關於探訪詳情及具體安排，大家可以留意海洋公園的更新。
海洋公園大熊貓「盈盈」的一對港產龍鳳胎BB「家姐細佬」，由出世已經成為全城焦點，一眾契爸契媽隔住個mon見證兩姐弟一日又一日的暴風式長大。大家等足咁多日，終於等到可以親眼見到兩姐弟的日子了！海洋公園21日宣布，「家姐細佬」將會於2月16日在「大熊貓之旅」正式公開亮相見港人，消息一出，簡直是全城轟動！
港產大熊貓龍鳳胎寶寶「家姐」「細佬」即將公開亮相。IG圖片
海洋公園在社交網站撰文，難掩激動問一眾契爸契媽，「Are you ready??? 知道大家望B深切，而家機會終於嚟啦！」由2月16日起，大家可以同「家姐細佬」見面啦！各位契爸契媽當然識做，海洋公園「大熊貓之旅」約定大家，不見不散。
海洋公園早前公布，將會在2月 15 日舉行「大熊貓龍鳳胎寶寶亮相儀式」，而「家姐細佬」則會在2月16日，在「大熊貓之旅」正式見大家。
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
海洋公園指，除了一對大熊貓寶寶，大家亦可以去探埋一樣咁可愛的大熊貓媽媽爸爸「盈盈」同「樂樂」，以及在「香港賽馬會四川奇珍館」的「安安」同「可可」！約定大家16號香港海洋公園見！關於探訪詳情及具體安排，大家可以留意海洋公園的更新。
「家姐細佬」即將正式「開工營業」，消息一出引來全城關注！網友紛紛湧入海洋公園的社交網站留言，表達對「家姐細佬」的喜愛：「家姐細佬細細個就要返工，期待同你哋見面」、「我哋香港熊貓界嘅天花板組合要初次出道見面」、「家姐細佬要開工喇」、「契爺契媽會準備定開工利是俾你」、「眨下眼就2/16」、「希望到時啲人去探熊貓時靜少少，保持寧靜環境」、「好想快啲見到家姐細佬，香港既最佳男女主角」、「二月見！家姐越嚟越靚女呀」、「」2月16日見家姐、細佬，到時唔好咁快訓著覺呀」
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
港產大熊貓龍鳳胎寶寶「家姐」「細佬」即將公開亮相。IG圖片
