娛圈事
陳展鵬被封為「食字之鬼」。
視帝陳展鵬不時都會去海外出騷唱吓歌，不過好多時都係做嘉賓，日前，他宣布明年初去廣州開個唱，邀請一眾「好鵬友」(其粉絲專屬名字)出席。出名鍾意玩食字的陳展鵬，連今次個唱名字都食字，網民因此大讚陳展鵬是「食字之鬼」。
陳展鵬不時都去海外出騷唱歌
次次都座無虛席
今次廣州騷名叫《陳展鵬 DREAMPLAN個人音樂會》，「Dream Plan」其實就是取其名字諧音「煎Pan」，網民都笑說：「好鵬友係時候去睇煎Pan嘅dream plan」。
今次搞個「Dream plan」音樂會，食字食得出色
今次演唱會將在2025年1月12日在廣州音樂唐人館舉行，票價分為599、399、及199人民幣，「好鵬友」都話要搶購支持。
「好鵬友」一定支持
盼湊成「好」！
香港知名醫療集團LIGHTMAC邁向22周年，為慶祝這個大日子，特別在2025年1月16日假W酒店舉辦盛大的周年晚宴，是次特別與國際醫療廠商Alma Lasers聯合推介最新儀器Titanium「鈦提升」及人氣針劑Profhilo「逆時針」，大受現場近200名的尊貴特選客戶歡迎及查詢，場面熱鬧。
陳展鵬與太太單文柔獲醫美品牌LIGHTMAC續約成為代言人，繼續以夫妻檔搵真銀。
兩人昨晚（16日）出席品牌舉辦的周年晚宴，並進行簽約儀式。
LIGHTMAC星級代言人陳展鵬及太太單文柔獲邀出席晚宴，並與LIGHTMAC創辦人陳玥心女士在台上進行隆重的續約儀式，承諾將繼續與品牌一同成長一同變靚。陳玥心女士表示：「好高興邀請陳展鵬同單文柔兩夫妻代言LIGHTMAC，希望延續美麗之餘，仲可以一齊延續幸福。希望藉住兩位人氣，可以將我哋嘅品牌推廣得更加遠，令大家都可以體驗到我哋嘅專業同服務。」
品牌老闆娘還為1月14日生日的陳展鵬補祝生日。
今次重金禮聘陳展鵬續約代言人，他表示：「好開心可以續約代言人，因為同太太一齊扮靚已經成為咗習慣，一齊去LIGHTMAC仲可以寓醫療於拍拖，真係一舉兩得！我哋兩夫妻今年仲特別影咗新一輯宣傳相，對比起上一次，真係後生咗又靚咗，多謝LIGHTMAC嘅醫生同專業治療師呢兩年嚟照顧好我哋嘅皮膚。」至於單文柔補充說：「經過LIGHTMAC醫療護理，我哋皮膚真係愈來愈年輕，而且身體都弗咗，所以同小豬比一齊影家庭照，幾乎零死角，就可以好開心咁大笑都唔怕啦！」
祝福他越扑越有、連生貴子！
同場還有「星級用家」王馨平和林漪娸，兩位都是LIGHTMAC長期客戶，多年來都獲網上討論區封為「凍齡女神」和「美魔女」，她們都大讚LIGHTMAC經驗豐富，而且駐場醫生清楚了解她們的皮膚狀況，從而為她們訂造獨一無二的醫療療程，就算面對幕前演出超近鏡拍攝，都完全無憂。至於張慧儀作為Profhilo的代言人及星級用家，她弗爆登場，偕同LIGHTMAC創辦人陳玥心女士一齊送上可愛造型蛋糕，為1月14日生日的陳展鵬慶生，全場大合唱生日歌，令展鵬相當驚喜又感動，陳玥心特別準備小木棍讓展鵬扑開蛋糕，更寓意「愈扑愈有」，展鵬向傳媒透露一向有計劃再添家庭成員，希望可以湊成「好」字，等待緣份到臨。而靚爆的張慧儀大方分享自己的醫療經驗，希望男士女士都要多愛自己，好好保養，令無論幾多歲都可以發揮出無限光芒。
陳展鵬坦言一向有計劃再添家庭成員。
希望可以湊成「好」字！
