每逢大時大節特別多家庭聚會，後生仔女如遇啱玩的堂表親固然開心，但要面對一眾長輩親戚，就未必表現得咁願意了。日前有網民在社交平台發文，指家人食冬至飯時，就被16歲外甥仔的5個無禮舉止激親！
示意圖。《愛回家》劇照
力數外甥仔5宗罪
網民表示日前家人聚首食冬至飯，被16歲的外甥仔的行為激親，指對方有多個無禮行為，令他感到被無視，並認為外甥仔之有這樣的表現，全因為他父母管教無方！他力數對方的5宗罪，包括「入屋唔叫人」、「全晚戴Headphones玩 iPad」、「開飯繼續Youtube睇人打機」、「全晚無講過野」，以及「食完就起身繼續打機」，更怒斥外甥仔有這樣的行徑完全是父母的錯！
網上截圖
樓主不認同是兩人不熟的關係
有網民覺得外甥仔之所以有這樣的無禮表現，可能是因為與樓主不熟，不過樓主即反駁「我寫幾行字就 Assume左我同我外甥仔關係好差？食完飯佢第一時間係邀請我打傳說喎，雖然佢無講野，但我平時會同佢 whatsapp，有同佢Selfie ga」。
網上截圖
網民認同：叫佢以後唔好黎我屋企食飯
有網民就認同樓主的看法，指有親戚的仔女都是這樣「呢種人我會叫佢以後唔好黎我屋企食飯，我表弟個女就係咁，佢仲要只係得六歲，叫佢收埋部機唔好玩，當我唱歌，我阿媽又話由得佢，佢咁無家教完全係佢老豆老母同埋我阿媽呢種長輩嘅錯」、「入屋叫人係最基本禮貎，冇得妥協。叫完人可以繼續打機」等
網上截圖
網友：比人迫嚟就係咁
不過有人就表示理解，「少年根本唔想嚟食飯，難聽啲講仲要應酬一班三姑六婆，又諸多要求」、「佢根本唔想嚟，比人迫嚟就係咁」。更有人分享小時候亦用各種理由來逃避應付與長輩親戚見面「如果鍾意讀書，仲可以扮要溫書唔去 (當年做學生真係用過好多次呢招)」更指一看就知「佢根本就唔想嚟，同你哋又冇嘢講，又唔想你哋問佢嘢......」
一名港男近日在社交平台 Threads 上發文大吐苦水，透露家中因細佬一個驚人決定而陷入前所未有的家庭風暴。樓主表示，自己作為大哥「大半年嚟都冇搵到一份正職，老竇老母本來已經憂心到癲」，豈料細佬竟然瞞住全家，辭去一份月入高達6.5萬元的「鐵飯碗」，轉行到屋企附近做全職咖啡師，人工急跌至僅得1.5萬元。
細佬辭6.5萬鐵飯碗轉行做咖啡師遭父母鬧不孝。資料圖片
消息傳開後，老父當場氣得「拍枱開年」，痛斥細佬「讀咁多書走去做基層工，不知所謂」；阿媽更直情「喊到抽搐」，哭訴「全家嘅希望碎晒，以後都唔知點樣喺親戚面前講呢樣嘢」。面對父母排山倒海的壓力，樓主不禁迷惘發問：「細佬咁樣突然任性掉低個鐵飯碗，係咪真係好不孝？」
雖然父母「日日喺度喊苦喊忽，逼我做大哥嘅出面去勸返細佬聽話、搵返份正經工」，但本身仍未找到正職的樓主坦言「夾喺中間左右為難，真係唔知應該點處理」。他透露私底下觀察了細佬這一個月，卻發現了一個令他極度掙扎的痛心真相——這竟然是細佬「出嚟做嘢咁多年嚟，精神狀態最健康、笑得最多嘅一個月」。
細佬辭6.5萬鐵飯碗轉行做咖啡師遭父母鬧不孝。資料圖片
細佬向樓主傾訴，現在做咖啡師「唔使放工仲要 Whatsapp 覆機，唔使面對上司嘅情緒勒索」，收工時更終於能好好看一個日落，「第一次覺得自己活得似返個人」。面對「一邊係父母排山倒海嘅焦慮同安全感，一邊係親細佬好唔容易先搵返嘅條命同笑容」，樓主痛心拋出靈魂拷問：「為咗滿足父母嘅虛榮心而逼死仔女嘅精神健康，到底值唔值得？」
帖文曝光後隨即引來大批網民共鳴，紛紛為細佬抱不平。有人直指父母將壓力全壓在幼子身上極不公平，也有網民質問：「有無人關心過你細佬係咪做得唔開心？」更有人直言：「養兒唔應該係為防老，轉份低薪啲嘅工作，而唔係完全躺平已經好好。生仔嚟講，啲仔無喺出邊搞事、差人錢、問屋企拎返轉頭，已經執贏！」
細佬辭6.5萬鐵飯碗轉行做咖啡師遭父母鬧不孝。資料圖片
不少網民亦以自身「過來人」經歷大談心理健康的重要性，有人直言：「我都係讀好多書，3年前辭咗份收入不錯嘅鐵飯碗，提早廿多年退休，間中做吓低薪自由工作。照顧到自己加家用繼續有畀已 Ok。其實呢個世代放棄穩定高薪真係越來越普遍，唔係你媽咪口中咁驚世駭俗。最緊要人冇事，其他都係過眼雲煙！」
亦有過來人分享自己因壓力大而患病的慘痛教訓，勸誡大家不要等到身體出事才後悔：「我當年想裸辭，我媽話，咁咪辭囉，養返好自己身體先。最後我無辭職，3個月後因為壓力，由頭到腳生晒濕疹，睇咗半年中醫先叫好返，生濕疹嗰陣好抑鬱。所以病況，最後辭職先不藥而癒。」
除了批評自私家長的留言，亦有網民發表長篇精警回應，勸解樓主作為大哥不需要扮演「說客」去逼細佬回頭：「講真你細佬做嘅嘢需要好大勇氣。由 65,000 跌到 15,000，呢個唔係衝動，係佢深思熟慮過，寧願犧牲物質都要換返精神健康。一個人精神狀態健康、笑得出，呢啲比起份工嘅名銜同搵幾多重要好多。」
該網民續指，理解父母那一代人執著穩定和安全感，但這畢竟是細佬自己的人生，只要他能對自己的決定負責便足夠。他勸勉樓主：「你可以同父母講：『我明白你哋擔心，但佢而家精神狀態係呢幾年最好嘅。如果佢返去做份工令佢抑鬱、甚至出事，咁先係真正嘅不孝。』」
這位網民更體貼地提醒待業中、飽受家庭糾紛壓力的樓主，要先學會照顧自己：「你自己都未搵到工，壓力已經好大，唔好再攬埋所有人嘅情緒上身。每個人都要為自己嘅選擇負責，你細佬嘅勇氣，喺而家咁嘅經濟環境下，其實好值得尊重。」
細佬棄6.5萬鐵飯碗 做咖啡師
